Hena Waroma 2
2
1Hena lwa iyo touna mbande, mundu we, ose akeye uchilia: amu magheri uchilia ungi, ukuchilia mwenye; amu we uchilia uketa vindu ivyoivyo. 2Na twatisiwa ti wuchili wa Izuwa ni hena kididi wanga yawo weketa vindu sa ivi. 3Ugheshijia iki, mundu we, uchilia wala weketa vindu sa ivi, na uviteka ivyoivyo, ti unepughunyuka wuchili wa Izuwa? 4Kana udaa wumazi na uwedi wakwe na kugumiria na kuting’iria, usitisiwe ti uwedi wa Izuwa wukutika hena kuchwa‐muti? 5Kake hena kuguma kwako na ngoro ya kusahana ukuwumbia oro hena musi wa oro na ujughuo wa wuchili‐wa‐ngalo wakwe Izuwa; 6Ye enemng’olia mundu ose hena mihiro yakwe. 7Hena wala ewo weenda kirumi na nganyi na kusanyamarika hena kugumiria ghati ya kuketa nezo, moo wa ndarasi; 8kake hena wala wekanana na weigolong’ia kididi na weinga isikio wusiwungalo, 9oro na kuregija, wasi na luwawo, wanga ya ngoro yose ya mundu ehira viwiwi, ya Myahudi kuwoka, na ya Myonani pia; 10kake kirumi, nganyi, na luworo, hena mundu ose ehira vyedi, hena Myahudi kuwoka, na hena Myonani pia: 11amu tehena lukundio lwa wandu ha Izuwa. 12Amu wose weketie ng’oki wesihete sheria weneteka pia wesihete sheria: na wose weketie ng’oki si ya sheria wenechiliwa hena sheria; 13amu si wasikii wa sheria ewasingisi msongorana wakwe Izuwa, nde waketi sheria wenetarwa kuoka na singisi. 14Amu magheri Mambare, wesina sheria weketa hena lukishoni vindu vya sheria, awa, wesina sheria, ni sheria hawo wenye; 15wekiwonja ndima ya sheria itamiwe ngoroni hawo, lusaro lwawo luking’ola mburi, na makusaro mawo mekilinganyana kana mekishighiana; 16Musi ula Izuwa enejichilia mbiso ja wandu, hena anjili yangu, hena Yesu Kristo.
17Kake ukiitangwa na izina la Myahudi, na ukiikaa wanga ya sheria, na ukikuisisa ghati ya Izuwa, 18na ukitisiwa kila ekikundie, na ukiisejwa na vindu vila vyedi, 19ukiloshwa ghati ya sheria, na ukikugheshijia ti we mwenye umrongoria wawo webajike‐meso, kyangaji kya wala weoho kijeni, 20mchunda wawo wetomode, mlosha wa ngerengere, una fwana ya lutwarijo na ya kididi hena sheria; 21hena lwa iyo we uoho ulosha ungi, toukulosha mwenye? we umtindia mundu asihiwe, uhiwa we? 22we ughamba mundu asishinde, ushinda we? we ushishirwa na masanamu, uhiwa we vindu vya hekalu? 23we ukuisisa ghati ya sheria, hena kuiwaa sheria toumwima we Izuwa nganyi? 24Amu izina la Izuwa larighwa ghati ya Mambare hena lwa unywi, sandu itamiwe. 25Amu kutawanwa kididi kuna mbucha, ije ugura sheria: kake ije waoka mbai wa sheria, kutawanwa kwako kwaoshwa kusatawanwa. 26Hena lwa iyo ije kusatawanwa kugura maitanawo ma sheria, kusatawanwa kwakwe tokunetarwa kuoka kusatawanwa? 27Na kusatawanwa kuoho hena lukishoni, ije kufisha sheria, tokunekuchilia we, ubaa sheria hena itamo na kutawanwa? 28Amu ula si Myahudi, eoho hena mikayie ya some; nete kula si kutawanwa, kuoho some hena muri: 29Kake ula ni Myahudi, eoho hena mikayie ya ndeni; na kutawanwa ni kula kwa ngoro, hena ngoma, na si hena itamo; ngisisa yakwe si ya wandu, nde ya Izuwa.
Currently Selected:
Hena Waroma 2: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
