Hena Waroma 14
14
1Kake ula emnana hena luitikijo mtiigheni, nde si hena malelano ma makusaro. 2Mundu mwe ena luitikijo lwa kula vindu vyose: kake ula mnana ela mamishunga. 3Ula ela asimdae ula esila; na ula esila asimchilie ula ela: amu Izuwa amwuhia. 4Niweni ti umchilia mtumwi wa ungi? hena mzuri wakwe mwenye eimuka kana egwa. Ee, eneimushwa, amu Mzuri ena zinya kumwimusha. 5Munda mwe eitaa musi mwe wanga ya ungi: ungi eitaa musi ose. Mundu ose atisiwe dawu ikusaro lakwe. 6Ula eyoa musi, euyoa hena Mzuri: na ula ela, ela hena Mzuri, amu emwanjela Izuwa: na ula esila, hena Mzuri telaye, na emwanjela Izuwa. 7Amu tehena wa hetu ekia mwenye, na tehena efwa mwenye. 8Amu ije tuoho na moo, tuoho na moo hena Mzuri: ana ije tufwa, tufwa hena Mzuri: hena lwo io ije tuoho na moo, ana ije tufwa, tu wakwe Mzuri. 9Amu hena lwa io Kristo efwie, na eoho na moowa, nesa aoke Mzuri wa wose weri, wefwie na weoho na moo. 10Kake we, nini umchilia mdwenyu? ana wewa, nini umdaa mdwenyu? amu wose tuneimuka msongorana wa kiikayo‐kya‐wuchili kya Izuwa. 11Amu itamiwe, Sandu nioho na moo, ateta Mzuri, ikunguru lose linenidung’utia, na lumi lose linemghamba Izuwa. 12Huwora ose wa hetu eneng’ola kutara kwakwe mwenye ha Izuwa.
13Hena lwa io tusichilianewa: kake keba chilieni iki, mundu asimgere mdwawo msadara nzieni, ana kindu kya kugusha. 14Natisiwa, na nailejika ghati ya Kristo Yesu, ti tehena kindu kina ikwe kijenye: esire hena ula etara kindu akeye kuoka na ikwe, hena ye kina ikwe. 15Amu ije hena lwa nyama mdwenyu eshiniwe, touselawe ghati ya lukundo. Usinyamare na nyama yako ula hena ye Kristo efwie. 16Hena lwa io uwedi wenyu usitetwe owiwi: 17amu ufumwa wa Izuwa si kula na kunywa, kake ngalo na luworo na luizihiro hena Ngoma Mshenete. 18Amu ula emhiria Kristo ghati ya ii, emwiseja Izuwa, na ekundika ghati ya wandu. 19Huwora tuviratere vila viete luworo, na vila henavyo twaidima kujengiana. 20Msigushe hena lwa nyama ndima ya Izuwa. Vyose kididi vizerre, kake ni kiwiwi hena mundu ula eye ela hena msadara. 21Ni kyedi kusala nyama, nete kunywa mvinyo, nete kuketa kyose akeye, henakyo mdwenyu akubighe msadara. 22Luitikijo uluhete, uhete mwenye msongorana wa Izuwa. Etasiwa ula esikuchilia mwenye ghati ya kila ekyo ekigheshijia. 23Kake ula eitalwa echiliwa magheri ela, amu telaye hena luitikijo; na kyose esi kya luitikijo ni ng’oki.
Currently Selected:
Hena Waroma 14: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
