Hena Waroma 11
11
1Naghambara, Izuwa ewatihie wandu wakwe? Kiwawe. Amu mi pia Mwisraeli, wa mkuju wa Ibrahimu, wa iwee la Benyamini. 2Izuwa tewatihie wandu wakwe ewatisiwe kuwoka. Kana tomutisiwa nikini itamo lateta hena Eliya, nize emsemberere Izuwa wanga ya Israeli, 3Mzuri, wakoma waroti wako, waghusha visiko vyako: nami mwenye nashighwa, na weenda ngoro yangu. 4Kake nikini iteta italuo la Izuwa hena ye? Nakushighia wandu elfu kandu kafungate, ewo wesidung’utija ikuguru hena Baal. 5Huwo hena magheri ma iki pia mashighajiko hena wusaghuro wa mvono. 6Kake ije kioho hena mvono, tekiohowa hena mihiro: ije esihuwo, mvono si mvonowagho. 7Nikinira? Kila ekyo Israeli ekienda, tekiwonieye: kake wusaghuro wukiwonie, na wala weshighajike wegumijwe: 8sandu itamiwe, Izuwa ewaingie ngoro ya lughohe, meso wasiwone, na masikio wasisikie, mtano yoo ichi. 9Na Daud eteta, Meza jawo jioshwe izero na mtegho, na msadara, na maihio hawo; 10meso mawo makete kija, wasiwone, na uwainamije mighongo misi yose. 11Naghambara, Wekubighie msadara nesa wagwe? Kiwawe: kake hena kugwa kwawo lukio lwamazia Mambare, hena kuwawusha mtano kuneng’a. 12Na ije kugwa kwawo ni wumazi wa masanga, na lutesho lwawo wumazi wa Mambare: nize muno kuizua kwawo?
13Kake nateta na unywi Mambare. Nikioka nimi mwondo wa Mambare, nawutogola wuhiri wangu: 14Ije ngea niwawushe mtano kuneng’a wala ewo muri wangu, na niwone kukija mondo wawo. 15Amu ije kuwatagha ni kukundanywa kwa masanga, nikini kuneoka kuwauhia, nde moo kufuma wefwie? 16Na ije malumbulo meshenete, huwo namo mafindiko: na ije kikolo kishenete, ni huwo na mbagha pia. 17Kake ije mondo wa mbagha jibaiwe, na we u mzeituni wa kititoni uokie ukibandikiwa ghati yajo, ukaoka mshanga wajo wa wubandi wa mzeituni: 18usikuisise wanga ya mbagha: kake ije ukuisisa, si we rawe ukitikije kikolo, nde kikolo kyakutika we. 19Uneghambara, Mbagha jibaiwe, nesa niwone kubandikiwa mi. 20Kyedi: hena kusaitikija kwawo webaiwe, na we uimuka hena luitikijo. Usioke wa mafuti ngoroni, nde ituka: 21amu ije Izuwa teshighirie mbagha ja mboneka, nete tenekushighiria we. 22Yoenira uwedi na kukaeha kwakwe Izuwa: hena wo wegwie, kukaeha; nde hena we, uwedi wa Izuwa, ukiikaa misi yose ghati ya uwedi wakwe: ije esihuwo, na we pia unetemwa. 23Nawo pia, ije teweikaa ghati ya kusaitikija kwawo, wenebandikiwa; amu Izuwa eidima kuwabandikiawa. 24Amu ije utemiwe hena ula egho hena mboneka mzeituni wa kititoni, ukabandikiwa hena nzia esiya mboneka hena mzeituni wedi: nize kukela muno awa, ewo mbagha hena mboneka, wenebandikiwa hena mzeituni wawo wenye?
25Amu sikundiemi, wandwetu, musitisiwe mbiso ii, musiwone kukubaabaa hena kucha, ti wugumi wa mondo wugwie Israeli, mtano kuizua kwa Mambare kuneingia; 26na huwo Israeli wose wenekijwa: sandu itamiwe, Mukija enefuma ghati ya Sayuni, enegharusha wusui‐izuwa kufuma Yakobo: 27na ili nilo aghanyo langu hawo, nikiwushija ng’oki jawo. 28Hena mburi ya anjili, niwo wazo hena lwenyu: kake hena mburi ya wusaghuro, wekundike hena lwa waapa. 29Amu viingijo na kuitangwa kwa Izuwa kuoho kusina kuhana. 30Amu sandu unywi magheri mevetie muokie mumgolong’ie Izuwa, kake ingeriaha mwawona lusario hena kugolong’a kwawo, 31huwo na awa pia weokie wegolong’i, nesa hena lusario luwonjiwe henyu woo pia wawone ingeriaha lusario. 32Amu Izuwa awachungia wose hena kugolong’a, nesa awasarie wose.
33Oi kuforeke na wumazi wa kucha na lutwarijo lwakwe Izuwa! Nize mawuchili makwe mesiendika, na nzia jakwe jisitamika! 34Amu niani etisiwe lusaro lwakwe Mzuri? kana niani eokie mchundi wakwe? 35Kana niani kuwoka amwinga, na kineihiwa hakwewa? 36Amu kufuma hakwe, na ghati yakwe, na hena ye, vyose vioho. Hakwe kioke kirumi ndarasi. Amen.
Currently Selected:
Hena Waroma 11: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
