Malumbo 86
86
MUSI 17 HEYAWO
1Uliinamije isikio lako, ee Mzuri, urenitalwa: amu nimi mkiwa na mwenye kuwaiya.
2Uirinde ngoro yangu, amu nimi mguri‐mbea: ee Izuwa wangu we, umkije mzoro wako eitikija hena we.
3Unisarie, ee Mzuri: amu nakuiyia we hemusi puti.
4Umwiizihira ngoro mzoro wako: amu hako, ee Mzuri, naiwushija ngoro yangu.
5Amu, we, ee Mzuri, u wedi, na ukundie kushighia: na waizua lusario hena wose wekuitangia.
6Uinge isikio, ee Mzuri, hena luombo lwangu: na ulisikije ighonda la kusemba kwangu.
7Musi wa wukiwa wangu ninekuitangia: amu unenitalwa.
8Tehenaho sa we ghati ya maizuwa, ee Mzuri: nete tehenaho ndima sa ndima jako.
9Mbare jose ujiarehie jineza na jineomba msongorana wako, ee Mzuri: na jineliisisa izina lako.
10Amu niwe mbaha, na waketa marighio: niwe Izuwa mjenye.
11Uniloshe nzia yako, ee Mzuri; nineiselia kididi yako: uioshe ngoro yangu mwe, ya kuliondoka izina lako.
12Ninekuisisa, ee Mzuri Izuwa wangu, na ngoro yangu yose: na ninelirumisha izina lako ndarasi.
13Amu lusario lwako ni lubaha hangu: na uing’olie ngoro yangu ghati ya Sheol ioho si.
14Ee Izuwa, wenye mafuti weniwukia, na wunganyiko la wenye kuketa zinya weienda ngoro yangu: na tewekuwika we msongorana wawo.
15Kake we, ee Mzuri, ni Izuwa mwenye kuizua lusario na mvono: mboha hena kureghija, na mwenye lusario lwingi na kididi nyingi.
16Ukugharushe hangu, na unisarie: umwinge mzoro wako zinya yako, na umkije mwana wa mzorowakiche wako.
17Uniwondje luwano lwa vyedi; nesa wala wenisua waluwone wa wagurwe ni soni: amu ni we, Mzuri, unighenja na undindija.
Currently Selected:
Malumbo 86: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
