Malumbo 79
79
MUSI 16 HEYAWO
1Ee Izuwa, mbare jaingia na uhoja wako: weligera ikwe hekalu lishenete lako, weyaja Yerusalemi si.
2Mining’a ya wazoro wako weing’ola ioke kidjo hena ndeghe ja wanga: na nyama ya washenete wako hena nyama ja masanga.
3Weiitisha sakame yawo sa mbombe kujunguluka Yerusalemi: nete tehenaho wa kuwajika.
4Twaoka nguruna hena walatya wetu: sola na seko hena wose wetujunguluka.
5Mtano rini, ee Mzuri, unereghija ndarasi: kuneng’a kwako kuneaka sa moto?
6Uimimine oro yako wanga ya mbare wesikutisiwe: na wanga ya mafumwa masiliitanga izina lako.
7Amu wemlie Yakobo: wakamanyamara matuo makwe.
8Usitukumbukie viwiwi vya wamku wetu: malusario mako maturongorie wangu, amu twasejwa si muno.
9Utughenje, ee Izuwa wa lukio lwetu, hena kirumi kya izina lako: na utukije, na utuzerrije ghati ya ng’oki jetu, hena lwa izina lako.
10Hena kini mbare waghambe, Izuwa wawo eohohi: kuiihia‐lawi sakame iitike ya wazoro wako kutisiwike ghati ya mbare mesoni hetu.
11Kusumukia kwa mchungwa kuze msongorana wako: hena ubaha wa zinya yako uwakije wala wewikwa hena kifwa.
12Uwainge walatya wetu kafungate mbafuni hawo: nguruna yawo, weing’ola hena we, ee Muzri.
13Huwo uswi wandu wako na maghonji ma marisho mako tunekuanjela ndarasi: tunelung’ola luisiso lwako hena marika mose.
Currently Selected:
Malumbo 79: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
