Malumbo 77
77
1Ninemwiyia Izuwa na ighonda langu: eye Izuwa, na ighonda langu, na enenisikia.
2Musi wa wasi wangu nimwendie Mzuri; mkono wangu ukarongwa kio, usiteruke: ngoro yangu ikasua kudindijwa.
3Namkumbuka Izuwa, na nadedema: naiya, na ngoro yangu yasokea.
4Wamagura meso mangu mekichewa: nala wasi mtano siidimami kuteta.
5Nigheshijie misi ya kae: miaka ya magheri ma kae.
6Nakikumbuka kivino kyangu kio; nateta ngoroni hangu: na ngoro yangu yaenda na lunyarki.
7Mzuri enetagha mtano ndarasi: tekakundeyewa nete kadongo?
8Lusario lwakwe lwateka deng’e ndarasi: na lutemiano lwakwe lwasoweka miaka yose?
9Izuwa eiwaa kuketa mvono: hena kuregija emachunga masario manyoie makwe?
10Nikaghamba, Ni wunana wangu: kake nineikumbuka miaka ya mkono wa kuume wakwe Eye wanga ya vyose.
11Nineiranga mihiro yakwe Mzuri: amu ninemakumbuka marighio mako ma kae.
12Na ninekusara ghati ya ndima yako yose: na ninegheshijia ghati ya mihiro yako.
13Nzia yako, ee Izuwa, ni ghati ya heshenete: niani izuwa mbaha sa Izuwa?
14Niwe Izuwa ula eketie marighio: ukaiosha zinya yako kutisiwika ghati ya mbare.
15Ukawakombola wandu wako na mkono wako: waana wakwe Yakobo na Yusuf.
16Mbombe jikuwonie, ee Izuwa, mbombe jikuwonie, jikaituka: heforeke pia hakadedema.
17Majumbi makamimina mbombe, ikaruruma kufuma wanga: mivwi yako ikatonga hae.
18Ighonda la kururuma kwako likaoka na ngungu; vimereteko vikaangaja masanga: masanga makadedema makakushwa.
19Nzia yako iokie baharini, na mavetio mako ghati ya mbombe mbaha: mawato mako temetisiwike.
20Ukawarongoja wandu wako sa ifio: hena mkono wa Musa na Harun.
Currently Selected:
Malumbo 77: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
