Malumbo 69
69
MUSI 13 CHAMAGHERI
1Unikije, Ee Izuwa: amu mbombe jaingia mtano na ngoma yangu.
2Namerukia na itondo liforeke, hesina ha kuimukia: naingia na mbombe iforeke, mtano viroro vyanifinikira.
3Nabundika na kuiya kwangu; mrangi wangu waoma: meso mangu mesokea nikimwindia Izuwa wangu.
4Wala wenisua wesho ni wengi kukela nyui ja mtwi wangu: wala wekundie kunikoma, wekioka maring’a mangu hena maongo, waaria.
5Niho nikahundua kila nisikiuha: Ee Izuwa, watisiwa utomodi wangu, na matekwa mangu temewiswa hako.
6Wala wekuinda We wasigurwe ni soni hena lwangu, Ee Mzuri Izuwa wa malweriri: wala wakuenda wasioke na nguruna hena lwangu, Ee Izuwa wa Israeli.
7Amu hena lwako nabohiwa: soni yanifinikira wusho.
8Naoshwa mugheni hena wandwetu: na esiwakaa hena waana wakwe iya.
9Amu luneng’o lwa nyumba yako lwanila: na marigho ma wala wekurigha we manigwia.
10Nikinaiye, nikinarishe‐wasi ngoma yangu hena kuchunga: kukaoka hena kurighwa kwangu.
11Nikinakudoke na suke‐ya‐gunia: nikaoka shomio hawo.
12Wala weikaa mbengeni wenitetia: na nimi kivino kya wala weengee.
13Kake mi, luombo lwangu ni hako: magheri mekundiwe.
14Ee Izuwa, hena wiingi wa lusario lwako: unitalwe hena kididi ya lukio lwako.
15Uning’ole ghati ya matondo, nisimerukie: ning’olwe ghati ya wala wenisuie, na ghati ya mbombe jiforeke.
16Kiroro kisinilele, nete heforeke hasinimije: nete iwongo lisichunge itumbu lakwe wanga yangu.
17Unitalwe, Ee Mzuri; amu lukundo lwako ni lwedi: hena wiingi wa malusario mako ugharuke hangu.
18Nete usimbisie mzoro wako wusho wako: amu nala wasi; unitalwe wanguwangu.
19Uisongerie ngoma yangu, uikombole: unikombole amu ya maring’a mangu.
20Watisiwa kurighwa kwangu, na soni yangu, na nguruna yangu: wazo wangu wose weoho msongorana wako.
21Kurighwa kwanibaa ngoro; naizua kushiniwa: nikayoia mwe asarie, kake tehenaho; na wadindiji, nisiwone nete mwe.
22Wakaniinga nyongo hena kidjo kyangu: na hena ngiru yangu wakaniinga siki ninywe.
23Meza yawo msongorana wawo ioshwe izero: na wekioka na luworo, luoke itegho.
24Meso mawo magerwe kija, wasiwone: vikudi vyawo vioshwe kudedema misi yose.
25Uwamiminie oro yako: ukaehe wa kuregija kwako uwafikie.
26Matuo mawo maoke mrabu: mundu asiikae na mahema mawo.
27Amu wemkinya ula umbighie we: na welia mburi ya luwawo lwa wala uwawinyie.
28Uuongejie owiwi wawo owiwi: na wasiingie na ngalo yako.
29Wahaijwe ghati ya kitamo kya moo: na wasitamwe hamwe nawo wenye ngalo.
30Kake nimi mkiwa na mwenye luwawo: lukio lwako, Ee Izuwa, lunikweje wanga.
31Ninelivinia izina la Izuwa na kivino: na ninemrumisha hena kung’ola haika.
32Na kunemwiseja Mzuri kukela ng’ombe: kana nzao mwenye mbembe na mbughachu.
33Wanyenya weiwona, na weizihirwa: unywi mumwenda Izuwa, ngoro yenyu ikie.
34Amu Mzuri ewasikia wenye kuwaiya: na tedaaye wachungwa wakwe.
35Wanga na masanga wamwisise: bahari, na vindu vyose vyatonga uko.
36Amu Izuwa enekija Sayuni, na enejenga viongo vya Yuda: na wenetua hala, na wenehagura.
37Waana wa wazoro wakwe weneuhodja: na wala welikundie izina lakwe wenetua uko.
Currently Selected:
Malumbo 69: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Malumbo 69
69
MUSI 13 CHAMAGHERI
1Unikije, Ee Izuwa: amu mbombe jaingia mtano na ngoma yangu.
2Namerukia na itondo liforeke, hesina ha kuimukia: naingia na mbombe iforeke, mtano viroro vyanifinikira.
3Nabundika na kuiya kwangu; mrangi wangu waoma: meso mangu mesokea nikimwindia Izuwa wangu.
4Wala wenisua wesho ni wengi kukela nyui ja mtwi wangu: wala wekundie kunikoma, wekioka maring’a mangu hena maongo, waaria.
5Niho nikahundua kila nisikiuha: Ee Izuwa, watisiwa utomodi wangu, na matekwa mangu temewiswa hako.
6Wala wekuinda We wasigurwe ni soni hena lwangu, Ee Mzuri Izuwa wa malweriri: wala wakuenda wasioke na nguruna hena lwangu, Ee Izuwa wa Israeli.
7Amu hena lwako nabohiwa: soni yanifinikira wusho.
8Naoshwa mugheni hena wandwetu: na esiwakaa hena waana wakwe iya.
9Amu luneng’o lwa nyumba yako lwanila: na marigho ma wala wekurigha we manigwia.
10Nikinaiye, nikinarishe‐wasi ngoma yangu hena kuchunga: kukaoka hena kurighwa kwangu.
11Nikinakudoke na suke‐ya‐gunia: nikaoka shomio hawo.
12Wala weikaa mbengeni wenitetia: na nimi kivino kya wala weengee.
13Kake mi, luombo lwangu ni hako: magheri mekundiwe.
14Ee Izuwa, hena wiingi wa lusario lwako: unitalwe hena kididi ya lukio lwako.
15Uning’ole ghati ya matondo, nisimerukie: ning’olwe ghati ya wala wenisuie, na ghati ya mbombe jiforeke.
16Kiroro kisinilele, nete heforeke hasinimije: nete iwongo lisichunge itumbu lakwe wanga yangu.
17Unitalwe, Ee Mzuri; amu lukundo lwako ni lwedi: hena wiingi wa malusario mako ugharuke hangu.
18Nete usimbisie mzoro wako wusho wako: amu nala wasi; unitalwe wanguwangu.
19Uisongerie ngoma yangu, uikombole: unikombole amu ya maring’a mangu.
20Watisiwa kurighwa kwangu, na soni yangu, na nguruna yangu: wazo wangu wose weoho msongorana wako.
21Kurighwa kwanibaa ngoro; naizua kushiniwa: nikayoia mwe asarie, kake tehenaho; na wadindiji, nisiwone nete mwe.
22Wakaniinga nyongo hena kidjo kyangu: na hena ngiru yangu wakaniinga siki ninywe.
23Meza yawo msongorana wawo ioshwe izero: na wekioka na luworo, luoke itegho.
24Meso mawo magerwe kija, wasiwone: vikudi vyawo vioshwe kudedema misi yose.
25Uwamiminie oro yako: ukaehe wa kuregija kwako uwafikie.
26Matuo mawo maoke mrabu: mundu asiikae na mahema mawo.
27Amu wemkinya ula umbighie we: na welia mburi ya luwawo lwa wala uwawinyie.
28Uuongejie owiwi wawo owiwi: na wasiingie na ngalo yako.
29Wahaijwe ghati ya kitamo kya moo: na wasitamwe hamwe nawo wenye ngalo.
30Kake nimi mkiwa na mwenye luwawo: lukio lwako, Ee Izuwa, lunikweje wanga.
31Ninelivinia izina la Izuwa na kivino: na ninemrumisha hena kung’ola haika.
32Na kunemwiseja Mzuri kukela ng’ombe: kana nzao mwenye mbembe na mbughachu.
33Wanyenya weiwona, na weizihirwa: unywi mumwenda Izuwa, ngoro yenyu ikie.
34Amu Mzuri ewasikia wenye kuwaiya: na tedaaye wachungwa wakwe.
35Wanga na masanga wamwisise: bahari, na vindu vyose vyatonga uko.
36Amu Izuwa enekija Sayuni, na enejenga viongo vya Yuda: na wenetua hala, na wenehagura.
37Waana wa wazoro wakwe weneuhodja: na wala welikundie izina lakwe wenetua uko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.