Malumbo 62
62
MUSI 12 HEYAWO
1Ngoma yangu yamhujia Izuwa tiki: kufuma hakwe lukio lwangu.
2Niye mjenye ibwe langu na lukio langu: niye mnara wangu ukoiye, sikadedemisha muno.
3Mtano rini munembukia mundu, nesa mumkome unywi wose: sa lusarigho lwa mabwe luinama, sa lusarigho ludedema.
4Wala ngiliwata wamshukume si kufuma uwedi wakwe; weisejwa na maongo: wetasia na itumbu lawo, kake wesesa ngoroni.
5Ngoma yangu, umhujie Izuwa tiki; amu kuyoia kwangu ni kwa kufuma hakwe.
6Niye mjenye ibwe langu na lukio lwangu: niye mnara wangu ukoiye; sinededemishwa.
7Ha Izuwa ni lukio lwangu na kirumi kyangu: ibwe la zinya yangu na matukio langu, lioho ha Izuwa.
8Mwitikijeni magheri mose, unywi wandu; mimineni ngoro yenyu msongorana wakwe: Izuwa ni matukio hena uswi.
9Kididi wandu wenyongie kihaya, na wandu wabaha maongo: ghati ya mizani wenekwea; weanguhe kukela kihaya.
10Usiitikije kuinyala, nete usikuisise ghati ya kusoka: mali mekineta, usimawikia ngoro.
11Izuwa etetie kamwe, keri nakisikia iki: ti zinya ni jakwe Izuwa.
12Na lwako, Ee Mzuri, lusario pia: amu wamhunduia mundu ose hena ndima yakwe.
Currently Selected:
Malumbo 62: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
