Malumbo 22
22
MUSI 4 CHAMAGHERI
1Izuwa wangu, Izuwa wangu; nini wanishigha: nini hae hena kunighenja, na hena viteto vya kiiyo kyangu;
2Ee Izuwa wangu, naiya hemusi, usitalwe we: na magheri ma kio nisihuje.
3Kake niwe Usheneta: We uikee na maluisiso ma Israeli.
4Waapa wetu wekuitikije: weitikije, ukawakija.
5Wekuiyie, wakakijwa: wekuitikje, wasigurwe ni soni.
6Kake nimi funja, nete simi mundu: nguruna ya wandu, nidawa ni wandu.
7Wose weniwona wenisola: wejuta momo, wekushakusha mtwi, wekighamba.
8Ukuwike hakwe Mzuri; amkije: amkije, ekioka eisejwa naye.
9Kake niwe uning’olie kufuma ndeni: uokie luing’idaki lwangu ghati ya mavee ma iya.
10Nawiritwa wanga yako too kuwoneka kwangu: niwe Izuwa wangu too ndeni ha iya.
11Usioke hae kufuma hangu; amu wasi uoho afuhi: amu tehena wa kughenja.
12Nzao nyingi janijunguluka: nzao jidindie ja Bashani janisarighia mbai jose.
13Wenijughuiya itumbu: sa simba ikaehe ikirunduma.
14Namiminika sa mbombe, mawindi mangu mose medusuka: ngoro yangu ni sa machocho; ichangaruka ghati na ghati ndeni hangu.
15Zinya yangu yaoma sa lwawia; na lumi lwangu lwagurana na masaa mangu: na uniete ghati ya purughushe ya kifwa.
16Amu maguro manijunguluka: wunganyiko la waketi‐owiwi lanizia mbai jose.
17Wenisomie mikono na maghu, naidima kutara mawindi mangu mose: weniyoa na wening’odia.
18Wejighawa suke jangu ghati yawo: wanga ya nguo yangu wegera zaro.
19Kake usioke hae, ee Mzuri: We lughenjo lwangu, usare kunighenja.
20Uikije ngoma yangu hena muhandi: mkundwa wangu hena iguro.
21Unikije ghati ya itumbu la simba: ee, ghati ya mbembe ja mbogho unitalwa.
22Ninelitoranya izina lako hena wandwetu: ghati ya mawunganyiko ninekuisisa.
23Unywi mwamwondoka Mzuri, mwisiseni: unywi wose wa Yakobo, mrumisheni; na unywi wose wa Israeli, mwitukeni.
24Amu tedaaye nete tesuaye wasi wawo wenye wasi: nete tembisiaye wusho wakwe; kake ekinamwiyie, esikie.
25Kufuma hako luisiso lwangu lwaza ghati ya mawunganyiko mabaha: nineiha mararo mangu msongorana wawo wemwondoka.
26Wanyenya wenela na weneighuta: wala wemwenda Mzuri wenemwisisa; ngoro yako ikie ndarasi.
27Mihaka yose ya masanga inekumbuka na inemgharukia Mzuri: na mavee mose ma mbare meneinama msongorana wakwe.
28Amu ufumwa ni wakwe Mzuri: na Ye niye mwitoria mbare.
29Webandie wose wa masanga: wenela na weneinama.
30Wose wesea na purughushe weneinama msongorana wakwe: eye esiidima kukija ngoro yakwe mwenye.
31Wala wenewoneka wenemtumikia: Mzuri eneliwa mburi mtano irika.
32Weneza na weneitoranya ngalo yakwe: hena wandu wenewoneka, ti niye eiketie.
Currently Selected:
Malumbo 22: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
