Malumbo 144
144
MUSI 30 HEYAWO
1Atasiwe Mzuri ibwe langu: eye eilosha mikono yangu kuingia na ngondo, na vichaa vyangu kubighana.
2Lukundo lwangu, na boma yangu, mnara mweza wangu na mukija wangu: ngao yangu, na ula namwing’idaki, ewawika wandu wangu si yangu.
3Mzuri, mundu niani umtisiwe: kana mwana wa mundu, umyoe.
4Mundu efwanana na kihaya: misi yakwe sa mvuri uvetia.
5Umainamije majumbi mako, ee Mzuri, usee: ujikuware nduwi, na jinefuma moshi.
6Uwirite kimereteko uwamije: ugere mivwi yako, uwarishe wukiwa.
7Uronge mkono wako kufuma wanga: unikije, uning’ole ghati ya mbombe nyingi, ghati ya mkono wa wagheni.
8Itumbu lawo lateta kihaya: na mkono wawo wa kuume ni mkono wa kuume wa maongo.
9Ninekuvinia kivino kisha, ee Izuwa: hena kinubi kya nzighi ikumi ninekuvinia maluisiso.
10Niye eng’ola lukio hena wafumwa: emkija Daudi mzoro wakwe ghati ya ndenga ya muhandi.
11Unikije, uning’ole mkononi ha wagheni: itumbu lawo lateta kihaya, na mkono wawo wa kuume mkono wa kuume wa maongo.
12Na waana wetu wa kiume weneoka sa mimeo ghati ya wubwange wawo: na waana wetu wa kiche sa mabwe ma ngandeni mesongowe hena fwana la nyumba ya kifumwa.
13Na vilalo vyetu vineizua, vikioka na vindu vya mbare jose: na maghonji metu memogha elfu na elfu ikumi ngondeni hetu.
14Ng’ombe jetu jikioka na miagho mibaha: isioke nete kubaa, nete kufuma: nete kiiyo kisioke nzieni hetu.
15Wetasiwa wandu, weikee huwo: ee, wetasiwa wandu wenye Izuwa hena Mzuri wawo.
Currently Selected:
Malumbo 144: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
