Malumbo 132
132
MUSI 28 HEYAWO
1Mzuri, umkumbuke Daudi: na wasi wakwe wose.
2Nize emrarie Mzuri: akatemiana hena Mwenye zinya wa Yakobo.
3Kididi sikazemi hemeni ha nyumba yangu: nete sikakweemi wuini hangu.
4Simaingami meso mangu lughohe: nete vinyami vyangu kushinjia.
5Mtano nineikaniwone handu hena Mzuri: masikani hena Mwenye zinya wa Yakobo.
6Yoa, twasikia mburi yakwe ghati ya Efrata: tukahawona ghati ya mbuwa ya kititoni.
7Tuneingia na masikani jakwe: tuneomba hena handu ha maghu makwe.
8Uwuke, ee Mzuri, wingie na lusowoko lwako: we, na safina ya zinya yako.
9Wakohani wako wadoke ngalo: na washenete wako waloze hena lwizihiro.
10Hena lwakwe Daudi mzoro wako: usiwugharushe hae wusho wa ula egeriwe mafuta na we.
11Mzuri emraria Daudi hena kididi; tekagharukeye kushigha kiteto kyakwe: Wa kuwonwa kwa muri wako ninewika wanga ya kiikayo kyako.
12Kwakicha waana wako weligura aghanyo langu, na mburi yangu ninewalosha: waana wawo pia weneikaa wanga ya kiikayo kyako ndarasi.
13Amu Mzuri esaghura Sayuni: ehakunda hala hena matuo makwe.
14Aha ni lusoghoko lwangu ndarasi: aha ninetua, amu nihakundie.
15Ninevitasia muno vidjo vyakwe: ninewaighusha wakiwa wakwe na kidjo.
16Ninewadoka wakohani wakwe pia na lukio: na washenete wakwe weneloza muno hena luizihiro.
17Hala nineluosha luhembe lwakwe Daudi kusheghusha: naareha taa hena ula egeriwe mafuta na mi.
18Ninewadoka maring’a makwe na soni: kake wanga yakwe mwenye lumerisia lwakwe luneketa nguwari.
Currently Selected:
Malumbo 132: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
