Marko 16
16
1Mtano sabato ikiwetia Maryamu Magdalene na Maryamu wa Yakobo, na Salome wakazora vindu vya mbungo yedi wawone kuza kumghera marhamu. 2Mtano heyawo kerre ya kuwoka kwa sabato waza hena mbira izuwa likifuma. 3Wakateta wonawo, Niani enetubingilishia ibwe ghati ya mbenge ya mbira? 4Mtano wekiyoa wawona ti libingilishwa hae ibwe; amu liokie ibaha muno. 5Wekiingiambireni wakawona mbwange eikee mbai ya kuume, edokie suke njewa; wakairuto. 6Awawurre, Musiiruto; mumwenda Yesu Mnazareti ewanikwe: awuka, teoho aha ye. 7Yoa handu wehambikie. Kake mutonge henyu, wawurreni waanalosha wakwe na Petro, ti, amurongoria kufika Galilaya; uko munembona, sandu emburire. 8Wakafuma wangu wakamatuka ghati ya mbireni, wakaoka na kudedema na kutekwa ni kucha, nete tewemburire mundu kiteto, amu wakaondoka.
9Ekiwuka heyawo ya kuwoka kwa sabato akamfumia kuwoka Maryamu Magdalene, ghati yakwe ekinyie maluhungu mafungate. 10Uu ekitonga akawaliyia mburi wala weokie hamwe naye, wekiingiwa ni wukiwa na wekiiya. 11Nawo wekisikia ti eoho na moo, naye awonwa naye, teweitikija.
12Kutera kwa ama akawafumia weri wawo hena fwana lingi wekisela wekitonga mitemeni. 13Nawo awa wekitonga hawo wakawaliyia mburi weshighajike; nete awa tewewaitikija.
14Ikuade akawafumia wala ikumi na mwe wekiikaa mezeni, akawabohia hena kusua kuitikija na kuoka idindie ngoro yawo, ti tewewaitikija wala wembonie ekinawuke. 15Akawawurra, mukitonga ghati ya masanga mose pia, tindeni Anjili elungiwe wose. 16Ula eitikija na ebatizwa enekia, ula esiitikija enechiliwa. 17Maluwano ama meneraterana nawo weitikija; hena izina langu wenekinya maluhungu; weneteta na malumi masha; 18weneuha nyoka; mtano wekinywa kindu cha kufwija, tekinewanyamara; weneghera mikono wanga ya wewadjua, nawo wenekia.
19Haya Mzuri ekinaidiwe kuteta nawo, akauhwa wanga Izuwa, akaikaa ha kuume kwa Izuwa. 20Wala wekifuma wakatinda hose, Mzuri ekiketa nawo, na ekikindindija Kiteto hena maluwano meraterane. Amen.
Currently Selected:
Marko 16: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
