Kufuma 37
37
1Bezaleel akaareha sanduku la mti wa mshitta: mikono miri na ihindi wueza wakwe, na mkono na ihindi kuarama kwakwe, na mkono na ihindi kutonga wanga kwakwe 2Akalifinikira na thahabu izerre ndeni na some, akaliarehia lutiriwo lwa thahabu kulijunguluka. 3Akaliarehia pete nne ja thahabu ichangaruke, hena nganda jakwe nne; nijo pete mbiri hena mbai mwe yakwe, na pete mbiri hena mbai ya keri yakwe. 4Akaareha mitikio ya mti wa mshitta, akaifinikira na thahabu. 5Akaingija mitikio na pete mbai ja sanduku, kulitika sanduku.
6Akakiareha kiikaiyo cha lusario cha thahabu izerre mikono miri na ihindi wueza wakwe, na mkono mwe na ihindi kuarama kwakwe. 7Akaareha makerubi meri ma thahabu, meshaniwe akamaareha, hena miidiwiko miri ya kiikaiyo cha lusario. 8Kerubi mwe hena kuidiwika kwa mbai ii, na kerubi mwe hena kuidiwika kwa mbai ila: kufuma kiikaiyo cha lusario akamaareha makerubi ha miidiwiko yakwe miri. 9Namo makerubi makaronga mazau mawo wanga, makafinikira na mazau mawo wanga ya kiikaiyo cha lusario, mawusho mawo mekiyoana; hena kiikaiyo cha lusario mawusho ma makerubi.
10Akaiareha meza ya mti wa mshitta: mikono miri wueza wakwe, na mkono na ihindi kuarama kwakwe, na mkono na ihindi kutonga wanga kwakwe: 11Akaifinikira na thahabu izerre, akaiarehia lutiriwo lwa thahabu kuijunguluka. 12Akaiarehia ikindo la mkono la kujunguluka: akaliarehia ikindo lutiriwo lwa thahabu lwa kujunguluka. 13Akaiarehia pete nne ja thahabu ichangaruke, akajiwika pete wanga ya nganda nne jioho ghati ya maghuu makwe manne. 14Afuhi na ikindo jiokie pete, handu hena mitikio ya kuitikia meza. 15Akaiareha mitikio ya mti wa mshitta, akaifinikira na thahabu, hena kuitika meza. 16Akaviareha viya vioho wanga ya meza, mianje yakwe, na nyiko jakwe, na mabakuli makwe, na mafinikiro makwe, thahabu izerre.
17Akakiareha kandili cha thahabu izerre: cha ishaniwe akakiareha kinara, kikolo chakwe, mbagha yakwe, mabukuli makwe, kura jakwe, na viwaro vyakwe, vikaoka huwo. 18Na mbagha ndandatu jikifuma na misawajoni hakwe mbagha ndatu ja kinara mbai yakwe mwe, na mbagha ndatu ja kinara mbai yakwe ja keri. 19Mabakuli matatu sa viwaro, vya lozi, hena mbagha mwe, na kura na kiwaro, na mabakuli matatu sa viwaro vya lozi hena mbagha ya keri, na kura na kiwaro; huwo ghati ya mbagha ndandatu jifumie na kinara. 20Na ghati ya kinara makaoka mabakuli manne sa lozi, kura jawo na viwaro vyawo. 21Na kura si ya mbagha mbiri ghati ya kila, na kura si ya mbagha mbiri ghati ya kila, hena mbagha ndandatu jila jafuma ghati yakwe. 22Kura jawo na mbagha jawo nijo huwo: jose ndima mwe ishaniwe ya thahabu izerre. 23Akaareha taa jakwe fungate, na makasi makwe, na vimwanje vyakwe, vya thahabu izerre. 24Talanta ya thahabu izerre ekiarehe, na viya vyakwe vyose.
25Akakiareha kisiko cha kufukija cha mti wa mshitta: wueza wakwe mkono mkono, na kuarama kwakwe mkono; na kutonga wanga kwakwe mikono miri; mbembe jakwe jikaoka huwo. 26Akakifinikira na thahabu izerre, na wa nga, na mbai jakwe jose, na mbembe jakwe; akakiarehia pia lutiriwo lwa thahabu lwa kujunguluka. 27Akakiarehia pete mbiri ja thahabu si ya lutiriwo lwakwe, hena nganda jakwe mbiri, jioke handu ha mitikio ya kukitika 28Akaareha mitikio ya mti wa mshitta akaifinikira na thahabu.
29Akaareha mafuta meshenete ma kugera, na fukijo lizerre la mbungo monie, hena ndima ya mughanga.
Currently Selected:
Kufuma 37: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
