Hena Waefeso 3
3
1Hena kindu iki mi Paulo, mchungwa wakwe Yesu Kristo hena lwa unywi Mambare, 2ikioka musikie mburi ya wurote wa mvono ula wa Izuwa niingiwe hena unywi; 3ti hena ujughuo nitisiwijwe mbiso, sandu nitamie kuwoka hena viteto vifaa, 4na hena ivi, mukivisoma, mwaidima kuwona kutwarija kwangu ghati ya mbiso ya Kristo; 5wasitisiwijwa waana wa Adamu ghati ya marika mengi, sandu ingeriaha ijughuiwe hena waondo weshenete na waroti wakwe ghati ya Ngoma; 6niyo, ti Mambare ni wahoji hamwe, na marungo ma muri hamwe, na washanga wa lutemiano hamwe ghati ya Kristo Yesu hena anjili, 7na ya anjili ii nikaoshwa mhiri, hena kiingijo kya mvono ula wa Izuwa niingiwe hena kuhira kwa zinya yakwe. 8Mi, mdongo kukela mdongo wa weshenete wose, niingiwe mvono uu, kuwatindia Mambare wumazi wusiendika wakwe Kristo; 9na kuwaosha wandu wose kuwona nikini wurote wa mbiso iwiswe too magheri mose ghati ya Izuwa evilungie vyose; 10nesa ingeriaha mabohio na mawuzinya ghati ya handu ha wanga matisiwijwe hena kanisa kucha kwakwe Izuwa eko kwa mbare nyingi, 11hena mburi ya ndarasi eilulie ghati ya Kristo Yesu Mzuri wetu: 12ghati yakwe tuna kukaria na nzia ya kumfikia ghati ya luing’idaki hena luitikijo lwakwe. 13Hena lwa iyo namwomba musisokee hena mawasi mangu hena lwenyu, emo kirumi kyenyu.
14Hena kindu iki namdung’utija makunguru mangu hena Apa, 15ghati yakwe mbare yose wanga na masangeni yaingwa izina, 16amuinge, hena wumazi wa kirumi kyakwe, mudindijwe na zinya hena Ngoma yakwe, ghati ya mundu wa ndeni; 17Kristo aikae ngoroni henyu hena luitikijo: nesa unywi, mukioka na migi na maluwoko ghati ya lukundo, 18muduwe kutwarija hamwe na weshenete wose kuarama na wueza na kutonga‐wanga na kutonga‐si, 19na kutisiwa lukundo lwakwe Kristo, lukelie lutwarijo, muizujwe mtano kuizua kwose kwakwe Izuwa.
20Ingeriaha hena ula eidima kuhira munomuno kukela kyose twaomba kana twagheshijia, hena zinya ila yahira ndeni yetu, 21hakwe kirumi ghati ya kanisa na ghati ya Kristo Yesu hena marika mose ndarasi na ndarasi. Amen.
Currently Selected:
Hena Waefeso 3: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
