Mihiro ya Waondo 28
28
1Tukinakijwe tukatisiwa ti kidara kyaitangwa Melita. 2Washenzi wakatuketia nezo, si sa misi yose iketiwe: amu weasha moto, wakatusongerija wose, amu vua ioho, na mbeho. 3Paulo ekinawunganye mwagho wa ngwi, akagera motoni, nyoka ikafuma hena ndughuri ikamgura mkono. 4Washenzi wekiwona nyama ikikuchunga mkononi hakwe, wakateta wonawo, Kididi mundu uu mkomi; ekikijwa ghati ya bahari, ngalo temshighayo akie. 5Naye ekimbirita nyama motoni, asiwone owiwi. 6Kake wemyoiye avimbe, kana turu agwe si efwie: kake wekiyoiya muno, wasiwone kindu kiwiwi kyamzia, wakagharuka, wakaghamba, Uu ni Izuwa.
7Afuhi na handu hala ioho miteme yakwe mbaha wa kidara, eitangwa Publio; etusongerija akatuketia nezo hakwe misi mitatu. 8Ikaoka, wawee Publio eyejwe ekiwadjua isemu na kufwaka‐sakame; Paulo akaingia hakwe, akaomba, akamgera mikono akamhodja. 9Iki kikinaketike, waghenji weokie na ndwari ghati ya kidara wakaza, wakahodjwa: 10wakatuketa na nganyi nyingi; tukinafume wakatuingijia merikebuni vila vyaduhuka hetu.
11Kutera kwa mieji mitatu tukafuma na merikebu ya Iskanderia, iokie iikee ghati ya kidara magheri ma kisie, luwano lwakwe Dioskuri. 12Tukafika Surakusa, tukaikaa uko misi mitatu. 13Kufuma uko tukajunguluka tukafika Regio: kutera kwa musi mwe ngungu ya kusi ikaruruma, na musi wa keri tukafika Puteoli. 14Tukawona wasiri uko, tukaombwa tuikae hawo misi mifungate; huwo tukafika Rumi. 15Wasiri wekisikia mburi yetu uko wakaza kutorana na uswi mtano Appiiforo na Trestaberne. Paulo ekinawone akamwinga haika Izuwa, akadindijwa.
16Tukinaingie na Rumi, Paulo akaingwa kuikaa hakwe mwenye na asikari emrinda.
17Ikaoka kutera kwa misi mitatu akawunganya wala weokie wabaha wa Wayahudi; wekinawunganyike, akawawurra, Wandwetu, nikioka siketa kindumi wanga ya wandu, nete mikayie ya waapa wetu, nang’olwa mchungwa ghati ya Yerusalemi mikononi ha Warumi: 18nawo awa, wekiniwujanya, wakakunda kunichungua, amu tehenaho lukake lwa kifwa hangu. 19Kake Wayahudi wekinakitetie, nisingirijwe nimwitangie Kaisari, si ti nina kiteto kya kuwalinganyia mbare yangu. 20Amu ii namuitanga, nimbone nitete na unywi: amu hena lwa luingidaki lwa Israeli nachungwa na luse ulu. 21Wakamburra, Totuuhia uswi barua wanga yako kufuma Uyahudi, nete mundu wa wasiri tezaye kunu ekiete mburi mbiwi wanga yako. 22Kake twakunda kusikia hako wawonaze: amu twaitisiwa siri ii ti handu hose yatetwa sa mbiwi.
23Wakambikia musi, weingi wakaza hakwe handu etueho; akawatindia, eking’ola mburi ya ufumwa wa Izuwa, ekiwaeleja vindu vya Yesu, na ghati ya torati ya Musa, na ghati ya waroti, too heyawo mtano chamagheri. 24Mondo wakaitikija viteto vitetiwe, mondo teweitikijawo. 25Nawo wasiarehane wonawo, wakafuma, Paulo ekiteta kiteto kimwe, Ngoma Mshenete ewawurra nezo waapa wetu hena mroti Isaya, 26ekiteta,
Tonga hena wandu awa, utete,
Kusikia munesikia, nete tomunetwarija:
Kuyoa muneyoa, nete tomunewona.
27Amu ngoro ya wandu awa ibandie,
Masikio nawo meemee ma kusikia,
Meso mawo wakamachunga,
Wasiwone na meso,
Na wasisikie na masikio,
Na wasitwarije na ngoro,
Wagharukewa,
Nami niwahodje.
28-29Huwo itisiwike henyu, ti lukio lwa Izuwa lwaingijwa hena Wa‐mbare: nawo wenesikia.
30Akaikaa miaka miri nyumbeni eihakusha mwenye, akawasongerija wose weingie hakwe, 31ekitinda ufumwa wa Izuwa, na ekilosha vindu vyakwe Yesu Masihi esioke na fole, asisuijwe ni mundu.
Currently Selected:
Mihiro ya Waondo 28: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 28
28
1Tukinakijwe tukatisiwa ti kidara kyaitangwa Melita. 2Washenzi wakatuketia nezo, si sa misi yose iketiwe: amu weasha moto, wakatusongerija wose, amu vua ioho, na mbeho. 3Paulo ekinawunganye mwagho wa ngwi, akagera motoni, nyoka ikafuma hena ndughuri ikamgura mkono. 4Washenzi wekiwona nyama ikikuchunga mkononi hakwe, wakateta wonawo, Kididi mundu uu mkomi; ekikijwa ghati ya bahari, ngalo temshighayo akie. 5Naye ekimbirita nyama motoni, asiwone owiwi. 6Kake wemyoiye avimbe, kana turu agwe si efwie: kake wekiyoiya muno, wasiwone kindu kiwiwi kyamzia, wakagharuka, wakaghamba, Uu ni Izuwa.
7Afuhi na handu hala ioho miteme yakwe mbaha wa kidara, eitangwa Publio; etusongerija akatuketia nezo hakwe misi mitatu. 8Ikaoka, wawee Publio eyejwe ekiwadjua isemu na kufwaka‐sakame; Paulo akaingia hakwe, akaomba, akamgera mikono akamhodja. 9Iki kikinaketike, waghenji weokie na ndwari ghati ya kidara wakaza, wakahodjwa: 10wakatuketa na nganyi nyingi; tukinafume wakatuingijia merikebuni vila vyaduhuka hetu.
11Kutera kwa mieji mitatu tukafuma na merikebu ya Iskanderia, iokie iikee ghati ya kidara magheri ma kisie, luwano lwakwe Dioskuri. 12Tukafika Surakusa, tukaikaa uko misi mitatu. 13Kufuma uko tukajunguluka tukafika Regio: kutera kwa musi mwe ngungu ya kusi ikaruruma, na musi wa keri tukafika Puteoli. 14Tukawona wasiri uko, tukaombwa tuikae hawo misi mifungate; huwo tukafika Rumi. 15Wasiri wekisikia mburi yetu uko wakaza kutorana na uswi mtano Appiiforo na Trestaberne. Paulo ekinawone akamwinga haika Izuwa, akadindijwa.
16Tukinaingie na Rumi, Paulo akaingwa kuikaa hakwe mwenye na asikari emrinda.
17Ikaoka kutera kwa misi mitatu akawunganya wala weokie wabaha wa Wayahudi; wekinawunganyike, akawawurra, Wandwetu, nikioka siketa kindumi wanga ya wandu, nete mikayie ya waapa wetu, nang’olwa mchungwa ghati ya Yerusalemi mikononi ha Warumi: 18nawo awa, wekiniwujanya, wakakunda kunichungua, amu tehenaho lukake lwa kifwa hangu. 19Kake Wayahudi wekinakitetie, nisingirijwe nimwitangie Kaisari, si ti nina kiteto kya kuwalinganyia mbare yangu. 20Amu ii namuitanga, nimbone nitete na unywi: amu hena lwa luingidaki lwa Israeli nachungwa na luse ulu. 21Wakamburra, Totuuhia uswi barua wanga yako kufuma Uyahudi, nete mundu wa wasiri tezaye kunu ekiete mburi mbiwi wanga yako. 22Kake twakunda kusikia hako wawonaze: amu twaitisiwa siri ii ti handu hose yatetwa sa mbiwi.
23Wakambikia musi, weingi wakaza hakwe handu etueho; akawatindia, eking’ola mburi ya ufumwa wa Izuwa, ekiwaeleja vindu vya Yesu, na ghati ya torati ya Musa, na ghati ya waroti, too heyawo mtano chamagheri. 24Mondo wakaitikija viteto vitetiwe, mondo teweitikijawo. 25Nawo wasiarehane wonawo, wakafuma, Paulo ekiteta kiteto kimwe, Ngoma Mshenete ewawurra nezo waapa wetu hena mroti Isaya, 26ekiteta,
Tonga hena wandu awa, utete,
Kusikia munesikia, nete tomunetwarija:
Kuyoa muneyoa, nete tomunewona.
27Amu ngoro ya wandu awa ibandie,
Masikio nawo meemee ma kusikia,
Meso mawo wakamachunga,
Wasiwone na meso,
Na wasisikie na masikio,
Na wasitwarije na ngoro,
Wagharukewa,
Nami niwahodje.
28-29Huwo itisiwike henyu, ti lukio lwa Izuwa lwaingijwa hena Wa‐mbare: nawo wenesikia.
30Akaikaa miaka miri nyumbeni eihakusha mwenye, akawasongerija wose weingie hakwe, 31ekitinda ufumwa wa Izuwa, na ekilosha vindu vyakwe Yesu Masihi esioke na fole, asisuijwe ni mundu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.