Mihiro ya Waondo 10
10
1Heokie na mundu ghati ya Kaisaria, izina lakwe Kornelio, amiri wa lweriri lwaitangwa lwa Kiitaliano, 2mguri‐mbea, na mwondoki Izuwa na nyumba yakwe yose, eng’olie matasi meingi hena wandu, akamwomba Izuwa misi yose. 3Akawona na some ghati ya ndoto, sa saa ya kenda ya hemusi, malaika wa Izuwa ekiingia hakwe, na ekimburra, Kornelio! 4Ekinamyoe akaituka, akaghamba, Hena kini, Mzuri? Akamburra, maluombo mako na matasi mako makwea hena lukumbusho msongorana wakwe Izuwa. 5Ingeriaha utume wandu mtano Yoppa, umwitange Siman, ena izina la Petro: 6Etua hakwe Siman mwareha‐ngingo, nyumba yakwe hena kiwambara: enekuwurra nikini yakuwe kuketa. 7Malaika etetie naye Kornelio ekinatonge, akaitanga waretumwa weri wa nyumbeni hakwe, na asikari mguri‐mbea wa wala wemwindia misi yose; 8Ekinaidiwe kuwatindia vindu vyose akawatuma Yoppa.
9Heyawo wekitonga nzieni wakakisongeria kiongo, Petro akakwea ghuuni aombe saa ya katandatu: 10akasikia nzaa mbaha, akakunda kula; kake magheri weokie weareha, 11akasokea, akawona wanga yajughuka, kindu kikamseiya sa nguo mbaha yachungwa nganda nne, ikasejwa si. 12Ndeni yakwe mbare jose ja nyama jina maghu manne, najo nyama ja shighati, na na jibultika, na ndeghe ja wanga. 13Ighonda likamzia, Wuka, Petro, sinza ule. 14Petro akaghamba, Si huwo, Mzuri, amu silami deng’e kiwiwi nete kina‐ikwe. 15Ighonda likamziawa kandu keri, Vila evizerrija Izuwa, usivitete vina‐ikwe. 16Kikaketika katatu: kindu kila kikauhiwa wangawa.
17Mtano Petro ekiitalwa ngoroni, nikini ekiwonie, yoa, wandu wetumwa ni Kornelio weiwujanyia nyumba ya Siman, wakaimuka mbengeni. 18Wakaitanga, wakawujanya kwakicha Siman, ena izina la Petro, etua uko. 19Petro akaigheshijia ndoto, Ngoma akamburra, Yoa, wandu watatu wekuenda. 20Amu ii wuka, usee, utonge nawo, usiitalwe: amu nimi nawaingija. 21Niho Petro akawaseiya wandu wetumwa hakwe kufuma Kornelio; akaghamba, Yoa, nimi niye mumwenda: hena kini mwaza? 22Wakaghamba, Kornelio amiri, mundu wa ngalo, emwondoka Izuwa, mwenye nganyi ghati ya mbare yose ya Wayahudi ewonywa ni Izuwa hena malaika mshenete kutuma hako uze hakwe, asikie viteto vyako. 23Akawaitanga nyumbeni, akawaikaaja.
Heyawo Petro akafuma hamwe nawo, na wasiri wa ghati ya Yoppa wakatonga naye. 24Musi wa keri wakaingia Kaisaria. Kornelio akawaindia, ekiwunganya wa ivee lakwe na wambuyae. 25Petro ekioka ekiingia, Kornelio akatorana naye, akamguiya maghuni, akamwomba. 26Petro akambushija ekiteta, Imuka, amu mi mwenye nimi mundu. 27Ekiteta naye akaingia, akawona weingi wewunganyike. 28Akawawurra, Mwatisiwa ti nikyo kindu kisiwe Myahudi atederisho, kana amzie mundu wa mbare ingi; kake Izuwa aniwonya ti nisimwitange mundu ose nete mbiwi nete mwenye‐ikwe. 29Amu iyo nizie nisisue, nikinaitangwe: nawujanyawa hena kini mwaniitanga. 30Kornelio akaghamba, Yoo musi wa kanne niokie nikichunga mtano saa ii: saa ya kenda nikaomba nyumbeni hangu, na yoa, mundu eimuka msongorana wangu edokie suke yang’aa. 31Akaghamba, Kornelio, luombo lwako lwasikiwa, na matasi mako makakumbukwa msongorana wa Izuwa. 32Amu ii utume mtano Yoppa, umwitange uko Siman, ena izina la Petro; etua nyumbeni ha Siman mwareha‐ngingo, ioho kiwambareni: naye ekiza, eneteta na we. 33Chwii nikatuma hako; ukaketa nezo ukiza. Amu ii ingeriaha uswi wose tuoho aha msongorana wakwe Izuwa, tuvisikie vyose uviaghanyiwe ni Izuwa. 34Petro akajughua itumbu, akaghamba,
Kididi nawona ti Izuwa teyoaye wandu: 35-36Kake ghati ya mbare jose, ula emwondoka, na eketa ngalo, ekundwa naye. Kiteto kila ekiingija hena waana wa Israeli, ekitinda luworo hena Yesu Masihi: 37(niye Mzuri wa vyose): Kiteto kila mwakitisiwa, kyatindwa ghati ya Uyahudi wose, kikawoka ghati ya Galilaya kutera kwa lubatizo elutindie Yohana; 38ti Izuwa emgerie mafuta Yesu Mnazareti hena Ngoma Mshenete na zinya: ejunguluke ekiketa nezo, ekihodja wose wegurwa ni Shetani; amu Izuwa eokie naye. 39Na uswi twang’ola mburi ya vyose eviarehe, na ghati ya isanga la Wayahudi, na ghati ya Yerusalemi; 40wemkomie wakambanika mutini: Izuwa akambusha musi wa katatu, akamng’ola hena some; 41Si hena wandu wose, kake hena weyoi wesawurwa kuwoka ni Izuwa, hena uswi, tulie tukanywa naye kutera kwa kuruka kwakwe ghati ya wefwie. 42Akatuaghanya tuwatindie wandu, na tung’ole mburi ti niye eaghanywe ni Izuwa, Mchili wenye moo na wefwie. 43Waroti wose wakamng’olie mburi, ti ose emwitikija hena izina lakwe eneingwa luwushijio lwa ng’oki.
44Petro ekioka ekiteta viteto ivi, Ngoma Mshenete akawaguiya wose wekisikia kiteto. 45Wala wa kutawana weitikija wakarighiwa, wezie hamwe na Petro, amu kiingwa kya Ngoma Mshenete kyang’olwa wanga ya mbare pia. 46Amu wakawasikia wekiteta na malumi, na wekimwisisa Izuwa. 47Petro akatalwa, Mundu aidima kuswija mbombe awa wasibatizwe, weingwe Ngoma Mshenete sa uswi? 48Akaaghanya wabatizwe hena izina lakwe Mzuri. Wakamwomba aikae nawo misi.
Currently Selected:
Mihiro ya Waondo 10: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
