Vafilipi 2
2
Ukwiga ulwiyiso lwa Kilisiti
1Uwunyalumwinga weenyo mwa Kilisiti wiikangadza inumbula dzeenyo, nu wende waakwe wukuvanyaamadza. Kangi muli nu luhangano mwa Mubepo uMwimike ni numbula iya wuleele wonda nu lusungu. 2Ngana ndakyene luli ewo, apo mukwilidzage ulukeelo lwangu pa kupuliingʼana nu kwiyenda, pe muli nu mutima gumwinga, nu wugulume wumwinga.
3Mutanage ukulima luluvedzaga wiimila wa wudobofu wa kwinunumula, enewuli ukuvedza ni kidada, nda haamu, muvedzage nu lwiyiso ulwa kuvawona avangi ukutigila, vávalutiye uwukomi. 4Mulekage ukulola ingʼaani dzeenyo yuunye hela, nda haamu, mulolage nadzi ngʼaani idza vangi.
5Uwugulume weenyo, wuvedzage wuuwula we aali nawo uKilisiti Yesu.
6Umwene ukuhumila pa kutala, aali ngita kye agenda uNguluvi,
neke kangi asaaweene ukulingʼaana nu Nguluvi ngita kye kiinu kya kuumiilila,
7nda haamu, umwene akululekaga ulo,
iivedzaga ngita kye agenda umusutu,
iiholwaga ngita muunu.
8Nave pe ali nu luhwano lwa muunu,
akwiyisaga,
iikwidikilaga imikeelelele gya Nguluvi ukufikila ukufuwa,
nambe kufuwa pa kipindulihidzo.
9Neke uNguluvi amwinusage apoono pa wutawulilwe uwukomi mbandu,
amupeelage ilitaawa ílilutiye ku litaawa ilingi lilivedzaga.
10Aalimile ewo ukuta, mu litaawa lya Yesu ilyo,
ifigawa fyonda fya kukyanya,
mu nyi na ku wulungu,
fifugamage pawutalo pa Yesu,
11nayula iidikage ukutigila, uYesu Kilisiti ye Mutwa,#Isaya 45:23
ukuta uNguluvi uDaada apeelwage indolo.
Avafuuwa vavedzage ngita lumuli mu nyi
12Nye vende vangu! Umusika pe ndaali pamwinga naanye, mwamwidikaga uNguluvi ifigono fyonda. Lino, nde luvedze ndili kutaali, moongeledzage ukumwidika, kwe kutigila unyeenye muginage ukulima idziivagila ku vaanu ve ávapokile uNguluvi. Kangi mulimage idzo, wugendela wa kumoogopa uNguluvi nu kuhilila. 13Ndiilonga ewo, pakuva ye Nguluvi yumwene ye iilima amalimo mugati umwenyo, ukuta mukwilidze imikeelelele gyakwe pa kugisaka nu kugilimila.
14Mulimage ingʼaani dzonda kitiingʼulandza nambe kwibeedza, 15ukuta muvedze vaana vagolofu va Nguluvi, vangaya nongwa nu lugomehedzo mu kivegalo ikya vaanu avahosi. Ndeeni, muwonekage ngita nondwe idziingʼalagadika mu lidugulu 16pe mwikwinatila ilidzwi lya Nguluvi ilikuvapeela uwuumi uwa mbeepali, ukuta ndiluwone ulwa kulonga mu kigono kye alaapiluka uKilisiti. Apo ndihadza ndiiwona lutogo ukutigila, sindiigugumiidze wiimila weenyo, enewuli ukugimba mu malimo gaahela.
17Ndiiwona ukumutovela iligendwa uNguluvi kwenyo, kuli ngita wusembe uwiihuma mu lufuuwo lwenyo. Neke kangi ngita difwayi iyiisopwa pakyanya pa wusembe uwo,#2:17 Difwayi iyiisopwa pakyanya pa wusembe uwo Mu wusembe wa Vayahudi, idifwayi kyali kiinu ikya wusililo ukusopwa mu wusembe pe wusinaa wunyaanywa, Kuhega 29:38-41. imumuko dzangu dziikwilidza ukutovela iligendwa kwenyo. Wiimila wa ulo, ndíkeeliye mu numbula nu kukeela pamwinga naanye nyivonda. 18Ndeeni na yuunye, mukeelage mu numbula nu kukeela pamwinga naane.
Imola ya Timoti nu Epafuladito
19UMutwa Yesu wone akeele, ndiihuuvila ukumutuma uTimoti aadze ukwenyo umusika si mutaali ukuta, pe ahadza iipiluka, aandongele imola dzeenyo idza kuungʼangadza inumbula. 20Sikwali umuunu uyungi umunya wugulume wumwinga naane ndawuli uyu, ye ahadza akuvagudila ingʼaani dzeenyo, 21pakuva avangi vakwituunidza na malimo gaawo, agasili ga Yesu Kilisiti. 22Neke kangi mwidzeela ukutigila, uTimoti íiwoneesiidze ukutigila, muunu munofu. Áanangile mu malimo ga kutagalidza iMola iNofu, ngita mwana ye akumutanga udaadiye.
23Wiimila wa ulo, ndiihuuvila ukumutuma uyo ukwenyo, pe ndiivedza ndílolile amalimo gangu ga apa kye giihelela. 24Ndiifuuwa mwa Mutwa Yesu, uneene ndiihuuvila ukwadza uko si musika mutaali.
25Neke kangi, lino ndiiwona lwivagila ukumutuma uEpafuladito, umufuuwa muyangu, kangi mulima-malimo nu mukolakyanda ye iihomanila naane iMola iNofu. Uyo ye mulongodzi-mola veenyo, ye mwamutumile aanange ifya kuponela. 26Nave ásuukiilwe mbandu ukuvawona unyeenye nyivonda, kangi ányengʼemiye, pakuva mwapuliike ukutigila, iivawa. 27Ndakyene aatamiike gwasigiye padebe ukudumuka. Neke kangi uNguluvi amusungukiye, nu kwangu ndeeni, ukuta nditane ukuhuguvala hiilo.
28Lwe lwene ndíkeeliye hiilo ukumutuma, ukuta mukeele pe mukumuwona nu wuhuguvafu wangu wukeepe. 29Mumwanukilage nu lukeelo londa, ngita mufuuwa mwa Mutwa Yesu, kangi avaanu ndawuli uyo muvaginiyage, 30pakuva aali asanga afuwa wiimila wa malimo ga Kilisiti. Aali mu lutalamu lwa kwambudza uwuumi waakwe wiimila wa kuundeetela ulutango lwe mwalemiilwe unyeenye, pakuva muli kutaali.
Currently Selected:
Vafilipi 2: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Vafilipi 2
2
Ukwiga ulwiyiso lwa Kilisiti
1Uwunyalumwinga weenyo mwa Kilisiti wiikangadza inumbula dzeenyo, nu wende waakwe wukuvanyaamadza. Kangi muli nu luhangano mwa Mubepo uMwimike ni numbula iya wuleele wonda nu lusungu. 2Ngana ndakyene luli ewo, apo mukwilidzage ulukeelo lwangu pa kupuliingʼana nu kwiyenda, pe muli nu mutima gumwinga, nu wugulume wumwinga.
3Mutanage ukulima luluvedzaga wiimila wa wudobofu wa kwinunumula, enewuli ukuvedza ni kidada, nda haamu, muvedzage nu lwiyiso ulwa kuvawona avangi ukutigila, vávalutiye uwukomi. 4Mulekage ukulola ingʼaani dzeenyo yuunye hela, nda haamu, mulolage nadzi ngʼaani idza vangi.
5Uwugulume weenyo, wuvedzage wuuwula we aali nawo uKilisiti Yesu.
6Umwene ukuhumila pa kutala, aali ngita kye agenda uNguluvi,
neke kangi asaaweene ukulingʼaana nu Nguluvi ngita kye kiinu kya kuumiilila,
7nda haamu, umwene akululekaga ulo,
iivedzaga ngita kye agenda umusutu,
iiholwaga ngita muunu.
8Nave pe ali nu luhwano lwa muunu,
akwiyisaga,
iikwidikilaga imikeelelele gya Nguluvi ukufikila ukufuwa,
nambe kufuwa pa kipindulihidzo.
9Neke uNguluvi amwinusage apoono pa wutawulilwe uwukomi mbandu,
amupeelage ilitaawa ílilutiye ku litaawa ilingi lilivedzaga.
10Aalimile ewo ukuta, mu litaawa lya Yesu ilyo,
ifigawa fyonda fya kukyanya,
mu nyi na ku wulungu,
fifugamage pawutalo pa Yesu,
11nayula iidikage ukutigila, uYesu Kilisiti ye Mutwa,#Isaya 45:23
ukuta uNguluvi uDaada apeelwage indolo.
Avafuuwa vavedzage ngita lumuli mu nyi
12Nye vende vangu! Umusika pe ndaali pamwinga naanye, mwamwidikaga uNguluvi ifigono fyonda. Lino, nde luvedze ndili kutaali, moongeledzage ukumwidika, kwe kutigila unyeenye muginage ukulima idziivagila ku vaanu ve ávapokile uNguluvi. Kangi mulimage idzo, wugendela wa kumoogopa uNguluvi nu kuhilila. 13Ndiilonga ewo, pakuva ye Nguluvi yumwene ye iilima amalimo mugati umwenyo, ukuta mukwilidze imikeelelele gyakwe pa kugisaka nu kugilimila.
14Mulimage ingʼaani dzonda kitiingʼulandza nambe kwibeedza, 15ukuta muvedze vaana vagolofu va Nguluvi, vangaya nongwa nu lugomehedzo mu kivegalo ikya vaanu avahosi. Ndeeni, muwonekage ngita nondwe idziingʼalagadika mu lidugulu 16pe mwikwinatila ilidzwi lya Nguluvi ilikuvapeela uwuumi uwa mbeepali, ukuta ndiluwone ulwa kulonga mu kigono kye alaapiluka uKilisiti. Apo ndihadza ndiiwona lutogo ukutigila, sindiigugumiidze wiimila weenyo, enewuli ukugimba mu malimo gaahela.
17Ndiiwona ukumutovela iligendwa uNguluvi kwenyo, kuli ngita wusembe uwiihuma mu lufuuwo lwenyo. Neke kangi ngita difwayi iyiisopwa pakyanya pa wusembe uwo,#2:17 Difwayi iyiisopwa pakyanya pa wusembe uwo Mu wusembe wa Vayahudi, idifwayi kyali kiinu ikya wusililo ukusopwa mu wusembe pe wusinaa wunyaanywa, Kuhega 29:38-41. imumuko dzangu dziikwilidza ukutovela iligendwa kwenyo. Wiimila wa ulo, ndíkeeliye mu numbula nu kukeela pamwinga naanye nyivonda. 18Ndeeni na yuunye, mukeelage mu numbula nu kukeela pamwinga naane.
Imola ya Timoti nu Epafuladito
19UMutwa Yesu wone akeele, ndiihuuvila ukumutuma uTimoti aadze ukwenyo umusika si mutaali ukuta, pe ahadza iipiluka, aandongele imola dzeenyo idza kuungʼangadza inumbula. 20Sikwali umuunu uyungi umunya wugulume wumwinga naane ndawuli uyu, ye ahadza akuvagudila ingʼaani dzeenyo, 21pakuva avangi vakwituunidza na malimo gaawo, agasili ga Yesu Kilisiti. 22Neke kangi mwidzeela ukutigila, uTimoti íiwoneesiidze ukutigila, muunu munofu. Áanangile mu malimo ga kutagalidza iMola iNofu, ngita mwana ye akumutanga udaadiye.
23Wiimila wa ulo, ndiihuuvila ukumutuma uyo ukwenyo, pe ndiivedza ndílolile amalimo gangu ga apa kye giihelela. 24Ndiifuuwa mwa Mutwa Yesu, uneene ndiihuuvila ukwadza uko si musika mutaali.
25Neke kangi, lino ndiiwona lwivagila ukumutuma uEpafuladito, umufuuwa muyangu, kangi mulima-malimo nu mukolakyanda ye iihomanila naane iMola iNofu. Uyo ye mulongodzi-mola veenyo, ye mwamutumile aanange ifya kuponela. 26Nave ásuukiilwe mbandu ukuvawona unyeenye nyivonda, kangi ányengʼemiye, pakuva mwapuliike ukutigila, iivawa. 27Ndakyene aatamiike gwasigiye padebe ukudumuka. Neke kangi uNguluvi amusungukiye, nu kwangu ndeeni, ukuta nditane ukuhuguvala hiilo.
28Lwe lwene ndíkeeliye hiilo ukumutuma, ukuta mukeele pe mukumuwona nu wuhuguvafu wangu wukeepe. 29Mumwanukilage nu lukeelo londa, ngita mufuuwa mwa Mutwa Yesu, kangi avaanu ndawuli uyo muvaginiyage, 30pakuva aali asanga afuwa wiimila wa malimo ga Kilisiti. Aali mu lutalamu lwa kwambudza uwuumi waakwe wiimila wa kuundeetela ulutango lwe mwalemiilwe unyeenye, pakuva muli kutaali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.