Malimo ga Vatume 7
7
USitefwani pa kiwungu kya Vayahudi
1Umuteekedzi umuvina amuwuudziidze uSitefwani iitigilaga, “Ongo, dzonda idzi dze válongile, dzili ndeeni?” 2USitefwani iihigaga iitigilaga, “Vanyalukolo vangu na vadaada vangu, muumulikidze! UNguluvi uMunya Ndolo amuhumiye ukuhwesu uAbulahamu ku nyi ya Mesopotamya, pe aali asinaa ahaamila ku wudzenge wa Halani. 3UNguluvi akumulongelaga iitigilaga, ‘Uhege mu nyi yaako iyi, uvaleke avanyalukolo vaako, uhelele ku nyi ye ndihadza ndikukuwoneesa.’#Wutalilo 12:1 4Neke uAbulahamu ahegage mu nyi ya Vakalidayo iyo, ahelelage kwikala ku wudzenge wa Halani. Udaadiye pe aaviye áfuwe, uNguluvi akumuhaamidzilaga kangi ku nyi iyi ye mukwikala unyeenye lino.
5“UNguluvi asamupeeliye uAbulahamu ilipwela lya lilawa, nambe poono pa wulivato uwa lwayo hela. Neke kangi uNguluvi ahuuvidzage ukutigila inyi iyi yiivedza yaakwe, ni fipelela fyakwe ifikumugeleka, nde luvedze umusika ugo uAbulahamu aali mungaya mwana. 6UNguluvi akumulongelaga uAbulahamu iitigilaga, ‘Avaanu va kipelela kyako viivedza vagendzi mu nyi ya vaanu avangi. Aveeneka avo valakihambusa ikipelela ikyo ukuvedza kisutu, valakipumusa mu myaka magana gatayi (400). 7Neke kangi aveeneka avo ávakihambwise kivedze kisutu, ndilavapedza. Pambele, avaanu va kipelela kyako valaahega mu nyi iyo, nu kwifuunya ukwangu mu nyi iyi.’#Wutalilo 15:13-14; Kuhega 3:12 8Neke uNguluvi aviikage lufingo nu Abulahamu ulwalimiike wugendela wa wusinge.#7:8 Wusinge Lole Uwusinge ku Figanulo. UAbulahamu akumusingaga umuswamuve uIsaka, ikigono ikya munaana (8) ukuhuma pe iiholwa. UIsaka akumuvegalaga uYakobo, akumusingaga, uYakobo nave iivegalaga avagoosi vanyikyumi na vavili (12), akuvasingaga, avo ve veene avakuhwesu.
9“Avakuhwesu avo vakumuwonelaga giila umunyalukolo vaawo uYosefu, vakumugudzaga avedze musutu ku nyi ya Misili. Neke kangi uNguluvi avedzasage nave, 10amupokage ukuhuma mu nalamu dzaakwe dzonda. Akumupeelaga uYosefu ulufuunyo nu luhalawukagudzi, akumuhambusaga ukumukeeledza uFwalawo mutwa va Vamisili. Neke uFwalawo amutemyage inyi ya Misili, ni nyumba yaakwe yonda iya wutwa.
11“Pambele ilipunge liigwidzaga mu nyi yonda ya Misili, na mu nyi ya Kanani, liihulaga imumuko ngomi. Avakuhwesu viigayaga ifiliyo. 12UYakobo pe aapuliike ukutigila, ku nyi ya Misili kooyili ingana, akuvatumaga avaswamuve, ve vakuhwesu, viihelelaga uko. Ulo lwali lugendo lwawo ulwa kutala ukufika ku Misili. 13Ulugendo lwa kavili, uYosefu akwitambudzaga ku vanyalukolo vaakwe, nayu mutwa uFwalawo akulukagulaga ulukolo lwa Yosefu. 14UYosefu iitumaga imola kwa daadiye uYakobo, aadze ku Misili pamwinga nu lukolo lwakwe londa. Vaali vaanu makyumi mufungʼati na vahaanu (75). 15Neke uYakobo ahelelage ku Misili, kwe kwene umwene, pamwinga na vakuhwesu kwe vaafwiliye. 16Imifimba gyawo giipiluswaga ukwawo ku wudzenge wa Sekemu, giisiilwaga mu mombwe ye aagulile uAbulahamu na magoobeli ku vaana va Hamoli.#Wutalilo 37–50
17“Umusika gwa Nguluvi gwa kululima uluhuuvidzo lwe aahuuviidze kwa Abulahamu pe gwaviye gúhegeliye, imbalilo ya vaanu veesu yiikoongelelaga mbandu mu nyi ya Misili. 18Pambele umutwa uyungi, ye asimudzeeliye uYosefu, iivangaga ukutema inyi ya Misili. 19Umutwa uyo akuvadzangaga avakuhwesu, kangi akuvapumusaga wugendela wa kuvagagiilidza vavalekage kwivala avaana vaawo fyali, ukuta vafuwe.
20“Mu musika ugo, uMose iiholwaga, aali mwana munofu mbandu pa miiho ga Nguluvi. Iifuvililwaga mu nyumba ya vavaha vaakwe myedzi gidatu. 21Neke, pe vaaviye válemiilwe ukumufiha, vamuviikage kwivala, umwalive Fwalawo akumunyamulaga, iivangaga kumufuvilila ngita muswamuve. 22UMose iiwundzwaga uluhalawukagudzi londa ulwa Vamisili, kangi iivedzaga muunu umunya ngufu pa kulonga na malimo gaakwe.
23“UMose pe aali ni myaka makyumi gatayi (40), iilamulaga ukuhelela kuvawona avanyalukolo vaakwe aVaisilaheli. 24Akumuwonaga uMumisili yumwinga akumulemadza uMuisilaheli wugendela wa kumupumusa.#Kuhega 2:11 Akumukengelaga umunyalukolo vaakwe nu kulumbila mukole, akumukomaga uMumisili uyo. 25UMose aahoodzaga ukutigila, avanyalukolo vaakwe aVaisilaheli ngali vakulufika ukutigila, uNguluvi ámutumile umwene ukuvapoka, neke kangi vasalufikile ulo.
26“Ikigono ikya kavili, uMose akuvawonaga aVaisilaheli vavili vakwitova. Iisakaga ukuvateepula iitigilaga, ‘Mwikagula ukutigila, unyeenye muli lukolo! Kye kiki mukwilemadza?’ 27Neke kangi uyo ye amutovaga umuyagwe, amudimilage ku lubali uMose, atigilage, ‘Ye ani ye akakutemiidze uvedzage mutemi nu munya kutuhiga uneefwe? 28Ongo, wiisaka uungʼome ngita kye ukamukomile uMumisili yula igolo?’#Kuhega 2:14 29UMose pe aapuliike ulu, iinyililaga ku nyi ya Midyani, akwikalaga ngita mugendzi, uko iivegalaga avaana vavili vagoosi.
30“Imyaka makyumi gatayi gyaviye gíkwiliye, uMose aali ku lungʼalangʼala biihi ni kidunda Sinayi. Umunyamwandza va Mutwa Nguluvi akumuwonekelaga mu kitundu ikyakaga umooto. 31UMose pe aalolile, iidzumaga, iihegelelaga biihi ni kitundu ikyo, ukuta alole wunofu. Apo iipulikaga isawuti ya Mutwa Nguluvi yiitigila, 32‘Uneene yuune Nguluvi va vakuuho, uNguluvi va Abulahamu, uIsaka, nu Yakobo.’#Kuhega 3:6 UMose pe aapuliike ulo, iivangaga ukuhilila, iikoogopaga nambe kulola.
33“Neke uMutwa Nguluvi amulongelage atigilage, ‘Uwopole indaatu dzaako, pakuva apoono pe wíimile, nyi ndzimike. 34Ndakyene ndíweene avaanu vangu kye viipumuswa ku nyi ya Misili. Ndípuliike ingʼuuto dza kivembo kyawo, ndíikile ukuvapoka ukuhuma mu wusutu. Lino waadze, ndikutume, uhelele ku Misili uko.’#Kuhega 3:5, 7-10
35“UMose uyo ye mwene ye vamukaanile avakuhwesu, pe vamulongiye ukutigila, ‘Ye ani ye akakutemiidze uvedzage mutemi nu munya kutuhiga uneefwe?’ Ye mwene uyo, ye aatumiilwe nu Nguluvi avedzage mutemi vaawo kangi mupoki vaawo, ukugendela umunyamwandza ye amuwonekiye pa kitundu kila. 36Ye mwene uyo, ye avalongwidze aVaisilaheli pe viihega mu nyi ya Misili, wugendela wa fidzumo ni fimanyilo fya filole fye aahuufiidze ku Misili, mu Nyandza iDuungʼu,#7:36 Nyandza iDuungʼu Ilitaawa ilingi yiitambulwa Nyandza ya Samu. na mu musika gwa myaka makyumi gatayi mu lungʼalangʼala.
37“UMose uyo ye mwene ye avalongiye aVaisilaheli ukutigila, ‘Ukuhuma umwenyo, uMutwa Nguluvi ahadza akuvahaagulila umuvidzi uyungi ngita uneene.’#Lwiwuko 18:15 38UMose ye mwene ye aali pamwinga na vakuhwesu avaakoongʼiine ku lungʼalangʼala. Kangi uyo aalongile nu munyamwandza va Nguluvi ku kidunda Sinayi, pe aanukiye amadzwi ga wuumi, ukuta atupeele uneefwe.
39“Neke kangi avakuhwesu vasaakeeliye ukumwidika uMose, vakumukaanaga, na mu numbula dzaawo viidobokaga ukupiluka ku nyi ya Misili. 40Vakumulongelaga uAloni viitigilaga, ‘Utuwuyapile iminguluvi, ukuta gitulongolele, pakuva uMose uyo ye akatulongodziige ukuhuma ku nyi ya Misili, sitwidzeela ídzimuhumiye uko!’#Kuhega 32:1 41Mu figono ifyo aVaisilaheli vaawuyiipe ikihwanangwada. Vakukiteekelelaga indiimwa nu kukiviikila ulukeelanilo, ikiinu kye váwuyiipe na mawoko gaawo. 42Neke kangi uNguluvi avalekage veene viifuunyage ku lidzuwa, umwedzi ni nondwe, ngita kye lúsimbiilwe mu kitabu kya vavidzi ukutigila,
‘Vaisilahelaanye, mu musika gwe mwikalile imyaka makyumi gatayi mu lungʼalangʼala,
ongo, mwaanyindziye uneene indiimwa, ukuta muuneekelele uwusembe? Nambi!
43Lolage, mwanyamuwe iliheema ilya nguluvi veenyo uMoloki,
nu lutondwe lwa nguluvi veenyo uLefwani.
Ifihwano ifyo mwahonguwe, ukuta mwifuunyage ku ifyo.
Wiimila wa ulo, ndihadza ndikuvasindika ku wugalulano kutaali ukulutila ku Babeli.’#Amosi 5:25-27 ”
44USitefwani iiginaga ukulonga iitigilaga, “Avakuhwesu vaali ni liheema lya kutaangʼanila#7:44 Liheema lya kutaangʼanila Lole Iliheema lya kutaangʼanila ku Figanulo. ku lungʼalangʼala uko. Iliheema ilyo lyawuyiipwe ngita uNguluvi kye amulagiidze uMose, na ngita uluhwano lwe aluweene. 45Pambele avakuhwesu viikwanuungʼanaga iliheema ilyo, vakulileetaga ku nyi yaawo pe avalongwidze uYehoswa. Umusika ugo, uNguluvi avadagile avaanu avasili Vayahudi avaali umo, ukuta aveene vahaale inyi ya luhuuvidzo. Iliheema ilyo liisigalaga umo ukufikila umusika gwa Dawudi.
46“UDawudi uyo amukeeliidze uNguluvi, akumunyilikaga iidikilwe ukudzenga inyumba ya Nguluvi va Yakobo. 47Apo uSelemani umuswamuve, ye mwene ye aadzengile itembeli. 48Neke kangi uNguluvi Mukomi, asikwikala mu nyumba íyidzengiilwe na vaanu. Ngita umuvidzi kye aalongile ukutigila,
49‘UMutwa Nguluvi iitigila endee,
“Ikyanya, kye kideego kyangu kya wutwa,
inyi, pe pa kuviika amagulu gangu.
Lino ye nyumba yiki ye muhadza mukuundzengela?
Kwe kwi kwe ndihadza ndiipola?
50Ongo, fyonda ifyo siye neene ye ndígavile?” ’#Isaya 66:1-2 ”
51USitefwani iiginaga ukulonga iitigilaga, “Unyeenye vaanu vatalamu ukufuuwa! Inumbula dzeenyo ngʼiliitafu na masiikidza geenyo ngita avasili Vayahudi, gasiipulika imola ya Nguluvi. Unyeenye mukumutanidza mbeepali uMubepo uMwimike ngita avakuhwenyo kye vaalimaga! 52Kuli muvidzi ye vasamupumwise avakuhwenyo? Lolage, vavakomile nava vavidzi avaavilile ukwadza kwa Munya Wugolofu!#7:52 Munya Wugolofu Uyu ye Yesu Kilisiti. Ye mwene ye mwamusutuwe unyeenye nu kumukoma. 53Unyeenye yuunye ye mwanukiye indagi dza Nguluvi#7:53 Indagi dza Nguluvi Lole ku Figanulo. wugendela wa munyamwandza vaakwe, neke kangi mwikaana ukudzigendela.”
USitefwani iikomwa na maganga
54Avanya kiwungu ikya Vayahudi avo, pe vaapuliike amadzwi ga Sitefwani, viimemaga ililaakali, vakumugeledzulilaga amiino. 55Neke kangi uSitefwani pe ámemile uMubepo uMwimike, iingʼanukilaga amiiho kukyanya, akudziwonaga indolo dza Nguluvi, nu Yesu íimile ulubali ulwa kundiyo kwa Nguluvi. 56Apo iilongaga ukutigila, “Lolage! Ndiiwona kukyanya kúdindwike, uMuswamuve va Muunu#7:56 UMuswamuve va Muunu Lole ku Figanulo. íimile ulubali ulwa kundiyo kwa Nguluvi!”
57Neke avaanu vonda pa kiwungu apo vabihilage ukumupulikidza, vadindage amasiikidza gaawo, vayooyage, vamudzumbilage mutima gumwinga, 58vamululundilage kwivala ya wudzenge, vavangage ukumutova na maganga. Umusika guugo, avoolesi#7:58 Avoolesi Lwiwoneka avoolesi ve ava aviitambulwa mu Malimo ga Vatume 6:13. Avo vaaniniiliye imilagililwe igya kutoodza amaganga ga kutala, Valevi 24:14; Lwiwuko 17:7. avaali apo viifuulaga amakoote gaawo, viiviikaga pa magulu ga muvinano yumwinga ye aatambulwaga Sawuli.
59Umusika pe vamutovaga na maganga, uSitefwani aalapangilaga iitigila, “Mutwa Yesu, waanukile uwuumi wangu!” 60Neke afugamage, akoolage mu sawuti ngomi atigilage, “Mutwave, utane ukuvahiga indzanangifu yaawo iyi ye válimile.” Aaviye álongile idzo, gwidumukaga.
Currently Selected:
Malimo ga Vatume 7: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Malimo ga Vatume 7
7
USitefwani pa kiwungu kya Vayahudi
1Umuteekedzi umuvina amuwuudziidze uSitefwani iitigilaga, “Ongo, dzonda idzi dze válongile, dzili ndeeni?” 2USitefwani iihigaga iitigilaga, “Vanyalukolo vangu na vadaada vangu, muumulikidze! UNguluvi uMunya Ndolo amuhumiye ukuhwesu uAbulahamu ku nyi ya Mesopotamya, pe aali asinaa ahaamila ku wudzenge wa Halani. 3UNguluvi akumulongelaga iitigilaga, ‘Uhege mu nyi yaako iyi, uvaleke avanyalukolo vaako, uhelele ku nyi ye ndihadza ndikukuwoneesa.’#Wutalilo 12:1 4Neke uAbulahamu ahegage mu nyi ya Vakalidayo iyo, ahelelage kwikala ku wudzenge wa Halani. Udaadiye pe aaviye áfuwe, uNguluvi akumuhaamidzilaga kangi ku nyi iyi ye mukwikala unyeenye lino.
5“UNguluvi asamupeeliye uAbulahamu ilipwela lya lilawa, nambe poono pa wulivato uwa lwayo hela. Neke kangi uNguluvi ahuuvidzage ukutigila inyi iyi yiivedza yaakwe, ni fipelela fyakwe ifikumugeleka, nde luvedze umusika ugo uAbulahamu aali mungaya mwana. 6UNguluvi akumulongelaga uAbulahamu iitigilaga, ‘Avaanu va kipelela kyako viivedza vagendzi mu nyi ya vaanu avangi. Aveeneka avo valakihambusa ikipelela ikyo ukuvedza kisutu, valakipumusa mu myaka magana gatayi (400). 7Neke kangi aveeneka avo ávakihambwise kivedze kisutu, ndilavapedza. Pambele, avaanu va kipelela kyako valaahega mu nyi iyo, nu kwifuunya ukwangu mu nyi iyi.’#Wutalilo 15:13-14; Kuhega 3:12 8Neke uNguluvi aviikage lufingo nu Abulahamu ulwalimiike wugendela wa wusinge.#7:8 Wusinge Lole Uwusinge ku Figanulo. UAbulahamu akumusingaga umuswamuve uIsaka, ikigono ikya munaana (8) ukuhuma pe iiholwa. UIsaka akumuvegalaga uYakobo, akumusingaga, uYakobo nave iivegalaga avagoosi vanyikyumi na vavili (12), akuvasingaga, avo ve veene avakuhwesu.
9“Avakuhwesu avo vakumuwonelaga giila umunyalukolo vaawo uYosefu, vakumugudzaga avedze musutu ku nyi ya Misili. Neke kangi uNguluvi avedzasage nave, 10amupokage ukuhuma mu nalamu dzaakwe dzonda. Akumupeelaga uYosefu ulufuunyo nu luhalawukagudzi, akumuhambusaga ukumukeeledza uFwalawo mutwa va Vamisili. Neke uFwalawo amutemyage inyi ya Misili, ni nyumba yaakwe yonda iya wutwa.
11“Pambele ilipunge liigwidzaga mu nyi yonda ya Misili, na mu nyi ya Kanani, liihulaga imumuko ngomi. Avakuhwesu viigayaga ifiliyo. 12UYakobo pe aapuliike ukutigila, ku nyi ya Misili kooyili ingana, akuvatumaga avaswamuve, ve vakuhwesu, viihelelaga uko. Ulo lwali lugendo lwawo ulwa kutala ukufika ku Misili. 13Ulugendo lwa kavili, uYosefu akwitambudzaga ku vanyalukolo vaakwe, nayu mutwa uFwalawo akulukagulaga ulukolo lwa Yosefu. 14UYosefu iitumaga imola kwa daadiye uYakobo, aadze ku Misili pamwinga nu lukolo lwakwe londa. Vaali vaanu makyumi mufungʼati na vahaanu (75). 15Neke uYakobo ahelelage ku Misili, kwe kwene umwene, pamwinga na vakuhwesu kwe vaafwiliye. 16Imifimba gyawo giipiluswaga ukwawo ku wudzenge wa Sekemu, giisiilwaga mu mombwe ye aagulile uAbulahamu na magoobeli ku vaana va Hamoli.#Wutalilo 37–50
17“Umusika gwa Nguluvi gwa kululima uluhuuvidzo lwe aahuuviidze kwa Abulahamu pe gwaviye gúhegeliye, imbalilo ya vaanu veesu yiikoongelelaga mbandu mu nyi ya Misili. 18Pambele umutwa uyungi, ye asimudzeeliye uYosefu, iivangaga ukutema inyi ya Misili. 19Umutwa uyo akuvadzangaga avakuhwesu, kangi akuvapumusaga wugendela wa kuvagagiilidza vavalekage kwivala avaana vaawo fyali, ukuta vafuwe.
20“Mu musika ugo, uMose iiholwaga, aali mwana munofu mbandu pa miiho ga Nguluvi. Iifuvililwaga mu nyumba ya vavaha vaakwe myedzi gidatu. 21Neke, pe vaaviye válemiilwe ukumufiha, vamuviikage kwivala, umwalive Fwalawo akumunyamulaga, iivangaga kumufuvilila ngita muswamuve. 22UMose iiwundzwaga uluhalawukagudzi londa ulwa Vamisili, kangi iivedzaga muunu umunya ngufu pa kulonga na malimo gaakwe.
23“UMose pe aali ni myaka makyumi gatayi (40), iilamulaga ukuhelela kuvawona avanyalukolo vaakwe aVaisilaheli. 24Akumuwonaga uMumisili yumwinga akumulemadza uMuisilaheli wugendela wa kumupumusa.#Kuhega 2:11 Akumukengelaga umunyalukolo vaakwe nu kulumbila mukole, akumukomaga uMumisili uyo. 25UMose aahoodzaga ukutigila, avanyalukolo vaakwe aVaisilaheli ngali vakulufika ukutigila, uNguluvi ámutumile umwene ukuvapoka, neke kangi vasalufikile ulo.
26“Ikigono ikya kavili, uMose akuvawonaga aVaisilaheli vavili vakwitova. Iisakaga ukuvateepula iitigilaga, ‘Mwikagula ukutigila, unyeenye muli lukolo! Kye kiki mukwilemadza?’ 27Neke kangi uyo ye amutovaga umuyagwe, amudimilage ku lubali uMose, atigilage, ‘Ye ani ye akakutemiidze uvedzage mutemi nu munya kutuhiga uneefwe? 28Ongo, wiisaka uungʼome ngita kye ukamukomile uMumisili yula igolo?’#Kuhega 2:14 29UMose pe aapuliike ulu, iinyililaga ku nyi ya Midyani, akwikalaga ngita mugendzi, uko iivegalaga avaana vavili vagoosi.
30“Imyaka makyumi gatayi gyaviye gíkwiliye, uMose aali ku lungʼalangʼala biihi ni kidunda Sinayi. Umunyamwandza va Mutwa Nguluvi akumuwonekelaga mu kitundu ikyakaga umooto. 31UMose pe aalolile, iidzumaga, iihegelelaga biihi ni kitundu ikyo, ukuta alole wunofu. Apo iipulikaga isawuti ya Mutwa Nguluvi yiitigila, 32‘Uneene yuune Nguluvi va vakuuho, uNguluvi va Abulahamu, uIsaka, nu Yakobo.’#Kuhega 3:6 UMose pe aapuliike ulo, iivangaga ukuhilila, iikoogopaga nambe kulola.
33“Neke uMutwa Nguluvi amulongelage atigilage, ‘Uwopole indaatu dzaako, pakuva apoono pe wíimile, nyi ndzimike. 34Ndakyene ndíweene avaanu vangu kye viipumuswa ku nyi ya Misili. Ndípuliike ingʼuuto dza kivembo kyawo, ndíikile ukuvapoka ukuhuma mu wusutu. Lino waadze, ndikutume, uhelele ku Misili uko.’#Kuhega 3:5, 7-10
35“UMose uyo ye mwene ye vamukaanile avakuhwesu, pe vamulongiye ukutigila, ‘Ye ani ye akakutemiidze uvedzage mutemi nu munya kutuhiga uneefwe?’ Ye mwene uyo, ye aatumiilwe nu Nguluvi avedzage mutemi vaawo kangi mupoki vaawo, ukugendela umunyamwandza ye amuwonekiye pa kitundu kila. 36Ye mwene uyo, ye avalongwidze aVaisilaheli pe viihega mu nyi ya Misili, wugendela wa fidzumo ni fimanyilo fya filole fye aahuufiidze ku Misili, mu Nyandza iDuungʼu,#7:36 Nyandza iDuungʼu Ilitaawa ilingi yiitambulwa Nyandza ya Samu. na mu musika gwa myaka makyumi gatayi mu lungʼalangʼala.
37“UMose uyo ye mwene ye avalongiye aVaisilaheli ukutigila, ‘Ukuhuma umwenyo, uMutwa Nguluvi ahadza akuvahaagulila umuvidzi uyungi ngita uneene.’#Lwiwuko 18:15 38UMose ye mwene ye aali pamwinga na vakuhwesu avaakoongʼiine ku lungʼalangʼala. Kangi uyo aalongile nu munyamwandza va Nguluvi ku kidunda Sinayi, pe aanukiye amadzwi ga wuumi, ukuta atupeele uneefwe.
39“Neke kangi avakuhwesu vasaakeeliye ukumwidika uMose, vakumukaanaga, na mu numbula dzaawo viidobokaga ukupiluka ku nyi ya Misili. 40Vakumulongelaga uAloni viitigilaga, ‘Utuwuyapile iminguluvi, ukuta gitulongolele, pakuva uMose uyo ye akatulongodziige ukuhuma ku nyi ya Misili, sitwidzeela ídzimuhumiye uko!’#Kuhega 32:1 41Mu figono ifyo aVaisilaheli vaawuyiipe ikihwanangwada. Vakukiteekelelaga indiimwa nu kukiviikila ulukeelanilo, ikiinu kye váwuyiipe na mawoko gaawo. 42Neke kangi uNguluvi avalekage veene viifuunyage ku lidzuwa, umwedzi ni nondwe, ngita kye lúsimbiilwe mu kitabu kya vavidzi ukutigila,
‘Vaisilahelaanye, mu musika gwe mwikalile imyaka makyumi gatayi mu lungʼalangʼala,
ongo, mwaanyindziye uneene indiimwa, ukuta muuneekelele uwusembe? Nambi!
43Lolage, mwanyamuwe iliheema ilya nguluvi veenyo uMoloki,
nu lutondwe lwa nguluvi veenyo uLefwani.
Ifihwano ifyo mwahonguwe, ukuta mwifuunyage ku ifyo.
Wiimila wa ulo, ndihadza ndikuvasindika ku wugalulano kutaali ukulutila ku Babeli.’#Amosi 5:25-27 ”
44USitefwani iiginaga ukulonga iitigilaga, “Avakuhwesu vaali ni liheema lya kutaangʼanila#7:44 Liheema lya kutaangʼanila Lole Iliheema lya kutaangʼanila ku Figanulo. ku lungʼalangʼala uko. Iliheema ilyo lyawuyiipwe ngita uNguluvi kye amulagiidze uMose, na ngita uluhwano lwe aluweene. 45Pambele avakuhwesu viikwanuungʼanaga iliheema ilyo, vakulileetaga ku nyi yaawo pe avalongwidze uYehoswa. Umusika ugo, uNguluvi avadagile avaanu avasili Vayahudi avaali umo, ukuta aveene vahaale inyi ya luhuuvidzo. Iliheema ilyo liisigalaga umo ukufikila umusika gwa Dawudi.
46“UDawudi uyo amukeeliidze uNguluvi, akumunyilikaga iidikilwe ukudzenga inyumba ya Nguluvi va Yakobo. 47Apo uSelemani umuswamuve, ye mwene ye aadzengile itembeli. 48Neke kangi uNguluvi Mukomi, asikwikala mu nyumba íyidzengiilwe na vaanu. Ngita umuvidzi kye aalongile ukutigila,
49‘UMutwa Nguluvi iitigila endee,
“Ikyanya, kye kideego kyangu kya wutwa,
inyi, pe pa kuviika amagulu gangu.
Lino ye nyumba yiki ye muhadza mukuundzengela?
Kwe kwi kwe ndihadza ndiipola?
50Ongo, fyonda ifyo siye neene ye ndígavile?” ’#Isaya 66:1-2 ”
51USitefwani iiginaga ukulonga iitigilaga, “Unyeenye vaanu vatalamu ukufuuwa! Inumbula dzeenyo ngʼiliitafu na masiikidza geenyo ngita avasili Vayahudi, gasiipulika imola ya Nguluvi. Unyeenye mukumutanidza mbeepali uMubepo uMwimike ngita avakuhwenyo kye vaalimaga! 52Kuli muvidzi ye vasamupumwise avakuhwenyo? Lolage, vavakomile nava vavidzi avaavilile ukwadza kwa Munya Wugolofu!#7:52 Munya Wugolofu Uyu ye Yesu Kilisiti. Ye mwene ye mwamusutuwe unyeenye nu kumukoma. 53Unyeenye yuunye ye mwanukiye indagi dza Nguluvi#7:53 Indagi dza Nguluvi Lole ku Figanulo. wugendela wa munyamwandza vaakwe, neke kangi mwikaana ukudzigendela.”
USitefwani iikomwa na maganga
54Avanya kiwungu ikya Vayahudi avo, pe vaapuliike amadzwi ga Sitefwani, viimemaga ililaakali, vakumugeledzulilaga amiino. 55Neke kangi uSitefwani pe ámemile uMubepo uMwimike, iingʼanukilaga amiiho kukyanya, akudziwonaga indolo dza Nguluvi, nu Yesu íimile ulubali ulwa kundiyo kwa Nguluvi. 56Apo iilongaga ukutigila, “Lolage! Ndiiwona kukyanya kúdindwike, uMuswamuve va Muunu#7:56 UMuswamuve va Muunu Lole ku Figanulo. íimile ulubali ulwa kundiyo kwa Nguluvi!”
57Neke avaanu vonda pa kiwungu apo vabihilage ukumupulikidza, vadindage amasiikidza gaawo, vayooyage, vamudzumbilage mutima gumwinga, 58vamululundilage kwivala ya wudzenge, vavangage ukumutova na maganga. Umusika guugo, avoolesi#7:58 Avoolesi Lwiwoneka avoolesi ve ava aviitambulwa mu Malimo ga Vatume 6:13. Avo vaaniniiliye imilagililwe igya kutoodza amaganga ga kutala, Valevi 24:14; Lwiwuko 17:7. avaali apo viifuulaga amakoote gaawo, viiviikaga pa magulu ga muvinano yumwinga ye aatambulwaga Sawuli.
59Umusika pe vamutovaga na maganga, uSitefwani aalapangilaga iitigila, “Mutwa Yesu, waanukile uwuumi wangu!” 60Neke afugamage, akoolage mu sawuti ngomi atigilage, “Mutwave, utane ukuvahiga indzanangifu yaawo iyi ye válimile.” Aaviye álongile idzo, gwidumukaga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.