Malimo ga Vatume 6
6
Ukuhaagulwa kwa vatangilidzi mufungʼati
1Mu figono fiifyo, avanyigendwa va Yesu vaaginaga ukoongelela. Mu vanyigendwa avo, vaali moovali aVayahudi avaalongaga indongele ya Kigiliki, na avaalongaga indongele ya Kiebulaniya.#6:1 Kiebulaniya AVayahudi avangi mu Isilaheli vaalongaga indongele ya Kiebulaniya, neke kangi avangi vaali válekile ukulonga indongele iyo, kangi vaalongaga indongele ídzilekiine, kwe kutigila iKigiliki ni Kialamayo. Lino avaalongaga iKigiliki viingʼulandzaga, pakuva avamwayuuva vaawo avafwile na vagoosi, vasaagavilwaga ifyakuliya ikigono ni kigono. 2Neke avatume vanyikyumi na vavili (12) avo vavalundasage avanyigendwa vonda, vavalongelage vatigilage, “Lusiivagila uneefwe tuleke amalimo ga kuwulanidza ilidzwi lya Nguluvi, ukuta tuvagavilage avaanu ifyakuliya. 3Lino unyeenye vafuuwa vayiisu, muvahaagulage avamwadaada mufungʼati (7) ukuhuma umwenyo, aviilongwa wunofu, ávamemile uMubepo uMwimike, kangi vanya luhalawukagudzi. Ve veene avo ve tuhadza tukuvapeela amalimo aga, 4ukuta uneefwe tugimbage ukulapangila nu kuwulanidza avaanu ilidzwi lya Nguluvi.”
5Ilidzwi ilyo likuvakeeledzaga vonda. Neke vahaagulage uSitefwani, ye aali nu lufuuwo lukomi kwa Nguluvi, kangi ámemile uMubepo uMwimike. Avangi vaali uFilipo, uPolokolo, uNikanoli, uTimona, uPalumena nu Nikolawo umuhuma ku wudzenge wa Andyokya, ye aapitukiye ulufuuwo lwa Vayahudi. 6Ava ve veene avaasindiikwe pawutalo pa vatume. Neke avatume vavalapangilage kwa Nguluvi nu kuvaviikila mawoko, suwe vakuvaviikaga mu malimo.
7Neke ilidzwi lya Nguluvi liginage ukutagalila ku vaanu, na vanyigendwa mu Yelusalemu vaaginaga mbandu ukoongelela. Mu avo, ililugu lya vateekedzi voloofu liikwidikilaga ukumufuuwa uYesu.
USitefwani iikwibatwa
8USitefwani pe ámemile ulusungu ni ngufu ndzoloofu dza Nguluvi, aahuufyaga ifimanyilo ifya filole ni fidzumo fikomi mu vaanu. 9Kwali aVayahudi avangi avaahumile ku wudzenge wa Kilene, nu wa Alekisandilya, na vangi mu avo vaahumile mu mugoola gwa Kilikya, nu gwa Asya. Avaanu avo vaali va luholanilo ulwatambulwaga Luholanilo lwa Vaanu Vaawule,#6:9 Vaanu Vaawule Ava vaali vaanu va kipelela kya Vayahudi avaali vasutu, pambele viikwawulwaga. navo viivangaga ukwibeedza nu Sitefwani. 10Neke kangi valemwage ukubeedza uluhalawukagudzi lwa madzwi gaakwe, pakuva uSitefwani aalongodzwaga nu Mubepo uMwimike pa kulonga.
11Neke aVayahudi avo, vavafundage kinyele avamwadaada avangi ukuta valonge ukutigila, vámupuliike uSitefwani iilonga amadzwi ga kumulonga fivi uMose nu Nguluvi. 12Pa kulonga ulo, vakuvaviifyaga avaanu, avavaha na vawulanidzi va milagililwe. Neke vamuhelelelage uSitefwani, vamwibatage, vamusindikage pa kiwungu. 13Vakuviimyaga avoolesi, viikoolelaga idza wudesi viitigilaga, “Umuunu uyu asiipela ukulonga amadzwi amaviifu aPiimike pa tembeli, ni milagililwe gya Mose!#6:13 Milagililwe gya Mose Lole Imilagililwe gya Mose ku Figanulo. 14Ndakyene túmupuliike iilonga ukutigila, uYesu umuhuma ku Nasaleti uyu, iikwadza mu kwananga itembeli, nu kupitula imilagililwe gye atulekiye uMose.”
15Avaanu vonda avaali mu kiwungu ikyo, vakumungʼanukilaga amiiho uSitefwani, viiwonaga ku miiho kwakwe kuli ngita ku miiho kwa munyamwandza.
Currently Selected:
Malimo ga Vatume 6: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Malimo ga Vatume 6
6
Ukuhaagulwa kwa vatangilidzi mufungʼati
1Mu figono fiifyo, avanyigendwa va Yesu vaaginaga ukoongelela. Mu vanyigendwa avo, vaali moovali aVayahudi avaalongaga indongele ya Kigiliki, na avaalongaga indongele ya Kiebulaniya.#6:1 Kiebulaniya AVayahudi avangi mu Isilaheli vaalongaga indongele ya Kiebulaniya, neke kangi avangi vaali válekile ukulonga indongele iyo, kangi vaalongaga indongele ídzilekiine, kwe kutigila iKigiliki ni Kialamayo. Lino avaalongaga iKigiliki viingʼulandzaga, pakuva avamwayuuva vaawo avafwile na vagoosi, vasaagavilwaga ifyakuliya ikigono ni kigono. 2Neke avatume vanyikyumi na vavili (12) avo vavalundasage avanyigendwa vonda, vavalongelage vatigilage, “Lusiivagila uneefwe tuleke amalimo ga kuwulanidza ilidzwi lya Nguluvi, ukuta tuvagavilage avaanu ifyakuliya. 3Lino unyeenye vafuuwa vayiisu, muvahaagulage avamwadaada mufungʼati (7) ukuhuma umwenyo, aviilongwa wunofu, ávamemile uMubepo uMwimike, kangi vanya luhalawukagudzi. Ve veene avo ve tuhadza tukuvapeela amalimo aga, 4ukuta uneefwe tugimbage ukulapangila nu kuwulanidza avaanu ilidzwi lya Nguluvi.”
5Ilidzwi ilyo likuvakeeledzaga vonda. Neke vahaagulage uSitefwani, ye aali nu lufuuwo lukomi kwa Nguluvi, kangi ámemile uMubepo uMwimike. Avangi vaali uFilipo, uPolokolo, uNikanoli, uTimona, uPalumena nu Nikolawo umuhuma ku wudzenge wa Andyokya, ye aapitukiye ulufuuwo lwa Vayahudi. 6Ava ve veene avaasindiikwe pawutalo pa vatume. Neke avatume vavalapangilage kwa Nguluvi nu kuvaviikila mawoko, suwe vakuvaviikaga mu malimo.
7Neke ilidzwi lya Nguluvi liginage ukutagalila ku vaanu, na vanyigendwa mu Yelusalemu vaaginaga mbandu ukoongelela. Mu avo, ililugu lya vateekedzi voloofu liikwidikilaga ukumufuuwa uYesu.
USitefwani iikwibatwa
8USitefwani pe ámemile ulusungu ni ngufu ndzoloofu dza Nguluvi, aahuufyaga ifimanyilo ifya filole ni fidzumo fikomi mu vaanu. 9Kwali aVayahudi avangi avaahumile ku wudzenge wa Kilene, nu wa Alekisandilya, na vangi mu avo vaahumile mu mugoola gwa Kilikya, nu gwa Asya. Avaanu avo vaali va luholanilo ulwatambulwaga Luholanilo lwa Vaanu Vaawule,#6:9 Vaanu Vaawule Ava vaali vaanu va kipelela kya Vayahudi avaali vasutu, pambele viikwawulwaga. navo viivangaga ukwibeedza nu Sitefwani. 10Neke kangi valemwage ukubeedza uluhalawukagudzi lwa madzwi gaakwe, pakuva uSitefwani aalongodzwaga nu Mubepo uMwimike pa kulonga.
11Neke aVayahudi avo, vavafundage kinyele avamwadaada avangi ukuta valonge ukutigila, vámupuliike uSitefwani iilonga amadzwi ga kumulonga fivi uMose nu Nguluvi. 12Pa kulonga ulo, vakuvaviifyaga avaanu, avavaha na vawulanidzi va milagililwe. Neke vamuhelelelage uSitefwani, vamwibatage, vamusindikage pa kiwungu. 13Vakuviimyaga avoolesi, viikoolelaga idza wudesi viitigilaga, “Umuunu uyu asiipela ukulonga amadzwi amaviifu aPiimike pa tembeli, ni milagililwe gya Mose!#6:13 Milagililwe gya Mose Lole Imilagililwe gya Mose ku Figanulo. 14Ndakyene túmupuliike iilonga ukutigila, uYesu umuhuma ku Nasaleti uyu, iikwadza mu kwananga itembeli, nu kupitula imilagililwe gye atulekiye uMose.”
15Avaanu vonda avaali mu kiwungu ikyo, vakumungʼanukilaga amiiho uSitefwani, viiwonaga ku miiho kwakwe kuli ngita ku miiho kwa munyamwandza.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.