Malimo ga Vatume 21
21
UPawulo iihelela ku Yelusalemu
1Twaviye twílagile na vavaha va ku Efeso, twikwingilaga mu meli, twihelelaga kidonya, twifikaga ku kigunguli kya Kosi. Pe kúkiye, twigendaga twifikaga ku kigunguli kya Lode. Ukuhuma apo, twihegaga kangi, twifikaga ku wudzenge wa Patala. 2Apo tukuyiwonaga imeli iyiihagama ku nyi ya Foyinike, neke tuhovage tuhelelage nayo. 3Twaviye túfikile pa ligunguli lya Kipulo, twigendelaga ulubali ulwa kumavemba, twifikaga ku wudzenge wa Tilo, ku nyi ya Silya. Twihumaga mu meli iyo, pakuva ifitegulo fiiswaga apo. 4Tukuvawonaga avanyigendwa va apo, twihuwaga baaho figono mufungʼati (7) tukwikala ukwawo. Avanyigendwa avo vamugongoolaga uPawulo mu ngufu dza Mubepo uMwimike ukutigila, atane ukuhelela ku Yelusalemu. 5Napo kangi, pe twaviye túmalile ifigono mufungʼati, twihegaga. Avanyigendwa vonda va pa Tilo apo, avamwadaada na vadala vaawo, na vaana vaawo, vakutusindikidzaga kwivala ya wudzenge uwo nu kufika ku mwani ya nyandza. Apo twifugamaga nu kulapangila kwa Nguluvi. 6Neke twilagage navo, tuhovage mu meli iyo, aveene viipilukaga ukwawo.
7Twihegaga apo pa Tilo, twikwendelelaga nu lugendo ukufikila ku wudzenge wa Tolemayo. Tukuvahungilaga avafuuwa vayiisu nu kuhuwa apo kigono kimwinga. 8Kwaviye kúkiye, twihegaga, twihelelaga ku Kayisalya. Tukwikalaga mu nyumba ya Filipo ye aali mudalisi va Mola iNofu, kangi yumwinga mu vatangilidzi mufungʼati avo avaahaaguliilwe ku Yelusalemu.#Malimo ga Vatume 6:5 9UFilipo uyo aali na vaana vahindza vatayi avasinaa vatawuka, vaali ni kipeelwa kya kuvila uwuvidzi.
10Twaviye twíkalile figono fikeefu pa Kayisalya apo, iifikaga umuvidzi ukuhuma ku Yudeya, ye aatambulwaga Agabo.#Malimo ga Vatume 11:28 11Uyo akutwadzilaga, iinyamulaga umukandalo gwa Pawulo, akwiwopaga mu magulu na mu mawoko iitigilaga, “UMubepo uMwimike iilonga ukutigila, ‘Umuunu umunya mukandalo ugu, aVayahudi va ku Yelusalemu vahadza vakumuwopa ndeeni, nu kumuleka mu mawoko ga avasili Vayahudi avedze mudindilwa.’ ”
12Uneefwe pamwinga na vayiisu va ku Kayisalya, pe twapuliike idzo, tukumugongoolaga mbandu uPawulo ukutigila, atane ukuhelela ku Yelusalemu. 13Neke kangi umwene ahigage atigilage, “Kye kiki mwivemba nu kuundendewula inumbula? Uneene ndíigelaniidze si kudindilwa hela, nda haamu, nambe kufuwa ku Yelusalemu wiimila wa litaawa lya Mutwa Yesu.” 14Pe twaweene ukutigila, uPawulo asikutupulikidza, twibihilaga ukumugongoola twitigilaga, “Lwe ákeeliye uMutwa Nguluvi, lwe lwene lulimikage.”
15Pambele twiwopaga ifitegulo fyesu, twivangaga ulugendo ukuhelela ku Yelusalemu. 16Avanyigendwa vakeefu va pa Kayisalya vaaheleengʼiise naafwe, vakutusindikaga ku nyumba ya Munasoni, ye twahelelaga ukwikala nave musika mudoodo. Uyo aali muhuma ku Kipulo, kangi yumwinga va vanyigendwa avamufuuviilwe uYesu ukuhuma kataali.
UPawulo iifika ku Yelusalemu
17Twaviye túfikile ku Yelusalemu, avafuuwa vayiisu va apo vakutwanukilaga nu lukeelo. 18Ikigono ikyafudiike, uneefwe nu Pawulo twihelelaga kumuwona uYakobo, avavaha vonda va lukombeso vaali apo. 19UPawulo akuvahungilaga, iivangaga ukuvalongela dzonda dze aalimile uNguluvi ku avasili Vayahudi wugendela wa wulimila-vangi waakwe.
20Vaaviye vápuliike ulo, vakumupeelaga indolo uNguluvi. Neke vamulongelage uPawulo vatigilage, “Munyalukolo veesu, wiilola imbilima mbilima dza Vayahudi kye vámufuuviilwe uYesu, vonda avo viikwinatila imilagililwe gya Mose. 21Neke kangi vápuliike imola dzaako ukutigila, wiiwulanidza aVayahudi vonda avakwikala ku nyi dza avasili Vayahudi ukutigila, vatanage ukwinatila imilagililwe gya Mose, vatanage ukuvasinga avaswamu-vaawo, nambe kuniniila imigendzehedze gyesu gya Kiyahudi. 22Lino tulime kiki? AVayahudi vayiisu va apa vahadza viipulika ukutigila, wáadzile apa. 23Lino ulime ngita kye tukukulongela. Apa umwesu poovali avamwadaada vatayi ávaviikile uluyiigo pa miiho ga Nguluvi. 24Uheleengʼase navo ku lwifuunyo ulwa kwivaladza. Uvahombele uwusembe we viisakulwa ukutawula, ukuta vakeete ifwili dzaawo.#Malimo ga Vatume 18:18 Apo avaanu vonda vahadza viidzeela ukutigila, imola dzaako dze vápuliike si dza ndakyene, nda haamu, ukutigila uveeve ukugiinatila nu kugigendela imilagililwe gya Mose. 25Lino ku vafuuwa avo avasili Vayahudi, tukavasimbiye ihaate ya kuvalongela imilamulile gyesu ukutigila, vatanage ukuliya ifiliyo ífiteekeliilwe ku fihwananguluvi, vatanage ukuliya idaaho, nambe nyama ya fingʼooko fye vábudile, viiyefyage nu wugoni.”#Malimo ga Vatume 15:28-29
26Kwaviye kúkiye, uPawulo akuvanyamulaga avamwadaada avo, iivangaga ulwifuunyo lwa kwivaladza pamwinga navo. Pambele iikwingilaga mu lipaala lya tembeli, ukuta amulongele umuteekedzi ikigono ikya wusililo pe valaavedza vámalile ukwivaladza kwawo, nu wusembe pe wuhadza wiitawulwa wiimila wa muunu yumwinga yumwinga.
UPawulo iikwibatwa ku tembeli
27Ifigono mufungʼati ifya kwivaladza pe fyali biihi ukusila, aVayahudi vakeefu avaahumile ku Asya, vakumuwonaga uPawulo mu lipaala lya tembeli. Viilumbilidzaga ililugu lyonda lya vaanu avaali apo, vakumwibataga uPawulo, 28viivangaga ukoova viitigilaga, “Unyeenye Vaisilaheli, mututange! Umuunu uyu ye yula ye iiwulanidza avaanu vonda ponda ukutigila, vatubenapulage uneefwe Vaisilaheli, ni milagililwe gya Mose, nayi tembeli iyi. Uluviifu hiilo, áviikile ulupumba mu tembeli indzimike pe áviingiidze aVagiliki mu lipaala lyesu.” 29Vaalongile ewo, pakuva vamuweene uTulofimo umuhuma ku Efeso, ye asaali Muyahudi, ali pamwinga nu Pawulo ku Yelusalemu. Viihoodzaga ukutigila, uPawulo ámwingiidze uTulofimo mu lipaala lya tembeli.
30Neke uwudzenge wonda wa Yelusalemu wumemage lyowo, avaanu vanyilage ukuhuma kuno na uko ukufikila pe agenda uPawulo. Vakumwibataga, vakumukuluwulilaga kwivala, baaho na baaho indzidzi dza tembeli dziibadidzwaga. 31Avaanu avo, umusika pe vaasakaga vamukome uPawulo, imola dzikumufikilaga umuvina va vakolakyanda va Valoma ukutigila, uwudzenge wonda wa Yelusalemu wúmemile lyowo. 32Umuvina va vakolakyanda akuvanyamulaga kisaatu avimiilidzi va vakolakyanda na vakolakyanda avangi, viinyilaga kuhelela ku lilugu lya vaanu. Avaanu avo, pe vaaweene avakolakyanda vali pamwinga nu muvina vaawo, viilekaga ukumutova uPawulo.
33Umuvina va vakolakyanda uyo akumuhegelelaga uPawulo, akumwibataga, iilagidzaga ukutigila, awopwe ni minyololo givili. Neke avawuudzage avaanu atigilage, “Mwene uyu ani? Álimile kiki?” 34Avangi mu lilugu, viivangaga ukoova wuhulo, avangi viilongaga ulu, avangi ulungi. Ilyowo ilyo lyamutaniidze umuvina va vakolakyanda ukuyifika indakyene, neke alagidzage ukutigila, vamusindike uPawulo ku lilinga lya vakolakyanda. 35UPawulo pe aafikile mu fikomo fya kwinukila ku lilinga ilyo, avakolakyanda avo vakumupaasaga ukuhuma mu ngufu dza vaanu. 36Avaanu va lilugu ilyo vaaniniilaga kumbele ukwawo, kuno viikoova viitigila, “Mumukome!”
UPawulo akwikengela
37Avakolakyanda avo, umusika pe vamwingidzaga mu lilinga lyawo, uPawulo akumuwuudzaga umuvina vaawo iitigilaga, “Ndiikwidikwa ukukulongela kiinu kimwinga?” Umuvina vaawo iihigaga iitigilaga, “Úlukaguwe ukulonga iKigiliki? 38Ongo, uveeve siye Mumisili yula ye akaalumbiliidze uwugalusi, nu kuvasindika ku lungʼalangʼala avawuladzi mbilima dzitayi (4,000) umusika wuli ugukaahelaniidze?” 39UPawulo iihigaga iitigilaga, “Uneene ndili Muyahudi, ndaaholiilwe ku wudzenge wa Taliso, ku nyi ya Kilikya, ndili muvanda va wudzenge úwudzeelaniike. Ndiinyilika uundzidike ndilongane na vaanu ava.” 40Umuvina va vakolakyanda uyo, aaviye ámwidikiye uPawulo iikwimaga pakyanya pa fikomo, akuvavingilaga iliwoko avaanu avo ukutigila, vadzike. Vaaviye vádzikile vonda, iivangaga ukuvalongela mu ndongele ya veeneka iitigilaga,
Currently Selected:
Malimo ga Vatume 21: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Malimo ga Vatume 21
21
UPawulo iihelela ku Yelusalemu
1Twaviye twílagile na vavaha va ku Efeso, twikwingilaga mu meli, twihelelaga kidonya, twifikaga ku kigunguli kya Kosi. Pe kúkiye, twigendaga twifikaga ku kigunguli kya Lode. Ukuhuma apo, twihegaga kangi, twifikaga ku wudzenge wa Patala. 2Apo tukuyiwonaga imeli iyiihagama ku nyi ya Foyinike, neke tuhovage tuhelelage nayo. 3Twaviye túfikile pa ligunguli lya Kipulo, twigendelaga ulubali ulwa kumavemba, twifikaga ku wudzenge wa Tilo, ku nyi ya Silya. Twihumaga mu meli iyo, pakuva ifitegulo fiiswaga apo. 4Tukuvawonaga avanyigendwa va apo, twihuwaga baaho figono mufungʼati (7) tukwikala ukwawo. Avanyigendwa avo vamugongoolaga uPawulo mu ngufu dza Mubepo uMwimike ukutigila, atane ukuhelela ku Yelusalemu. 5Napo kangi, pe twaviye túmalile ifigono mufungʼati, twihegaga. Avanyigendwa vonda va pa Tilo apo, avamwadaada na vadala vaawo, na vaana vaawo, vakutusindikidzaga kwivala ya wudzenge uwo nu kufika ku mwani ya nyandza. Apo twifugamaga nu kulapangila kwa Nguluvi. 6Neke twilagage navo, tuhovage mu meli iyo, aveene viipilukaga ukwawo.
7Twihegaga apo pa Tilo, twikwendelelaga nu lugendo ukufikila ku wudzenge wa Tolemayo. Tukuvahungilaga avafuuwa vayiisu nu kuhuwa apo kigono kimwinga. 8Kwaviye kúkiye, twihegaga, twihelelaga ku Kayisalya. Tukwikalaga mu nyumba ya Filipo ye aali mudalisi va Mola iNofu, kangi yumwinga mu vatangilidzi mufungʼati avo avaahaaguliilwe ku Yelusalemu.#Malimo ga Vatume 6:5 9UFilipo uyo aali na vaana vahindza vatayi avasinaa vatawuka, vaali ni kipeelwa kya kuvila uwuvidzi.
10Twaviye twíkalile figono fikeefu pa Kayisalya apo, iifikaga umuvidzi ukuhuma ku Yudeya, ye aatambulwaga Agabo.#Malimo ga Vatume 11:28 11Uyo akutwadzilaga, iinyamulaga umukandalo gwa Pawulo, akwiwopaga mu magulu na mu mawoko iitigilaga, “UMubepo uMwimike iilonga ukutigila, ‘Umuunu umunya mukandalo ugu, aVayahudi va ku Yelusalemu vahadza vakumuwopa ndeeni, nu kumuleka mu mawoko ga avasili Vayahudi avedze mudindilwa.’ ”
12Uneefwe pamwinga na vayiisu va ku Kayisalya, pe twapuliike idzo, tukumugongoolaga mbandu uPawulo ukutigila, atane ukuhelela ku Yelusalemu. 13Neke kangi umwene ahigage atigilage, “Kye kiki mwivemba nu kuundendewula inumbula? Uneene ndíigelaniidze si kudindilwa hela, nda haamu, nambe kufuwa ku Yelusalemu wiimila wa litaawa lya Mutwa Yesu.” 14Pe twaweene ukutigila, uPawulo asikutupulikidza, twibihilaga ukumugongoola twitigilaga, “Lwe ákeeliye uMutwa Nguluvi, lwe lwene lulimikage.”
15Pambele twiwopaga ifitegulo fyesu, twivangaga ulugendo ukuhelela ku Yelusalemu. 16Avanyigendwa vakeefu va pa Kayisalya vaaheleengʼiise naafwe, vakutusindikaga ku nyumba ya Munasoni, ye twahelelaga ukwikala nave musika mudoodo. Uyo aali muhuma ku Kipulo, kangi yumwinga va vanyigendwa avamufuuviilwe uYesu ukuhuma kataali.
UPawulo iifika ku Yelusalemu
17Twaviye túfikile ku Yelusalemu, avafuuwa vayiisu va apo vakutwanukilaga nu lukeelo. 18Ikigono ikyafudiike, uneefwe nu Pawulo twihelelaga kumuwona uYakobo, avavaha vonda va lukombeso vaali apo. 19UPawulo akuvahungilaga, iivangaga ukuvalongela dzonda dze aalimile uNguluvi ku avasili Vayahudi wugendela wa wulimila-vangi waakwe.
20Vaaviye vápuliike ulo, vakumupeelaga indolo uNguluvi. Neke vamulongelage uPawulo vatigilage, “Munyalukolo veesu, wiilola imbilima mbilima dza Vayahudi kye vámufuuviilwe uYesu, vonda avo viikwinatila imilagililwe gya Mose. 21Neke kangi vápuliike imola dzaako ukutigila, wiiwulanidza aVayahudi vonda avakwikala ku nyi dza avasili Vayahudi ukutigila, vatanage ukwinatila imilagililwe gya Mose, vatanage ukuvasinga avaswamu-vaawo, nambe kuniniila imigendzehedze gyesu gya Kiyahudi. 22Lino tulime kiki? AVayahudi vayiisu va apa vahadza viipulika ukutigila, wáadzile apa. 23Lino ulime ngita kye tukukulongela. Apa umwesu poovali avamwadaada vatayi ávaviikile uluyiigo pa miiho ga Nguluvi. 24Uheleengʼase navo ku lwifuunyo ulwa kwivaladza. Uvahombele uwusembe we viisakulwa ukutawula, ukuta vakeete ifwili dzaawo.#Malimo ga Vatume 18:18 Apo avaanu vonda vahadza viidzeela ukutigila, imola dzaako dze vápuliike si dza ndakyene, nda haamu, ukutigila uveeve ukugiinatila nu kugigendela imilagililwe gya Mose. 25Lino ku vafuuwa avo avasili Vayahudi, tukavasimbiye ihaate ya kuvalongela imilamulile gyesu ukutigila, vatanage ukuliya ifiliyo ífiteekeliilwe ku fihwananguluvi, vatanage ukuliya idaaho, nambe nyama ya fingʼooko fye vábudile, viiyefyage nu wugoni.”#Malimo ga Vatume 15:28-29
26Kwaviye kúkiye, uPawulo akuvanyamulaga avamwadaada avo, iivangaga ulwifuunyo lwa kwivaladza pamwinga navo. Pambele iikwingilaga mu lipaala lya tembeli, ukuta amulongele umuteekedzi ikigono ikya wusililo pe valaavedza vámalile ukwivaladza kwawo, nu wusembe pe wuhadza wiitawulwa wiimila wa muunu yumwinga yumwinga.
UPawulo iikwibatwa ku tembeli
27Ifigono mufungʼati ifya kwivaladza pe fyali biihi ukusila, aVayahudi vakeefu avaahumile ku Asya, vakumuwonaga uPawulo mu lipaala lya tembeli. Viilumbilidzaga ililugu lyonda lya vaanu avaali apo, vakumwibataga uPawulo, 28viivangaga ukoova viitigilaga, “Unyeenye Vaisilaheli, mututange! Umuunu uyu ye yula ye iiwulanidza avaanu vonda ponda ukutigila, vatubenapulage uneefwe Vaisilaheli, ni milagililwe gya Mose, nayi tembeli iyi. Uluviifu hiilo, áviikile ulupumba mu tembeli indzimike pe áviingiidze aVagiliki mu lipaala lyesu.” 29Vaalongile ewo, pakuva vamuweene uTulofimo umuhuma ku Efeso, ye asaali Muyahudi, ali pamwinga nu Pawulo ku Yelusalemu. Viihoodzaga ukutigila, uPawulo ámwingiidze uTulofimo mu lipaala lya tembeli.
30Neke uwudzenge wonda wa Yelusalemu wumemage lyowo, avaanu vanyilage ukuhuma kuno na uko ukufikila pe agenda uPawulo. Vakumwibataga, vakumukuluwulilaga kwivala, baaho na baaho indzidzi dza tembeli dziibadidzwaga. 31Avaanu avo, umusika pe vaasakaga vamukome uPawulo, imola dzikumufikilaga umuvina va vakolakyanda va Valoma ukutigila, uwudzenge wonda wa Yelusalemu wúmemile lyowo. 32Umuvina va vakolakyanda akuvanyamulaga kisaatu avimiilidzi va vakolakyanda na vakolakyanda avangi, viinyilaga kuhelela ku lilugu lya vaanu. Avaanu avo, pe vaaweene avakolakyanda vali pamwinga nu muvina vaawo, viilekaga ukumutova uPawulo.
33Umuvina va vakolakyanda uyo akumuhegelelaga uPawulo, akumwibataga, iilagidzaga ukutigila, awopwe ni minyololo givili. Neke avawuudzage avaanu atigilage, “Mwene uyu ani? Álimile kiki?” 34Avangi mu lilugu, viivangaga ukoova wuhulo, avangi viilongaga ulu, avangi ulungi. Ilyowo ilyo lyamutaniidze umuvina va vakolakyanda ukuyifika indakyene, neke alagidzage ukutigila, vamusindike uPawulo ku lilinga lya vakolakyanda. 35UPawulo pe aafikile mu fikomo fya kwinukila ku lilinga ilyo, avakolakyanda avo vakumupaasaga ukuhuma mu ngufu dza vaanu. 36Avaanu va lilugu ilyo vaaniniilaga kumbele ukwawo, kuno viikoova viitigila, “Mumukome!”
UPawulo akwikengela
37Avakolakyanda avo, umusika pe vamwingidzaga mu lilinga lyawo, uPawulo akumuwuudzaga umuvina vaawo iitigilaga, “Ndiikwidikwa ukukulongela kiinu kimwinga?” Umuvina vaawo iihigaga iitigilaga, “Úlukaguwe ukulonga iKigiliki? 38Ongo, uveeve siye Mumisili yula ye akaalumbiliidze uwugalusi, nu kuvasindika ku lungʼalangʼala avawuladzi mbilima dzitayi (4,000) umusika wuli ugukaahelaniidze?” 39UPawulo iihigaga iitigilaga, “Uneene ndili Muyahudi, ndaaholiilwe ku wudzenge wa Taliso, ku nyi ya Kilikya, ndili muvanda va wudzenge úwudzeelaniike. Ndiinyilika uundzidike ndilongane na vaanu ava.” 40Umuvina va vakolakyanda uyo, aaviye ámwidikiye uPawulo iikwimaga pakyanya pa fikomo, akuvavingilaga iliwoko avaanu avo ukutigila, vadzike. Vaaviye vádzikile vonda, iivangaga ukuvalongela mu ndongele ya veeneka iitigilaga,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.