Proverbios 3
3
Sc'oplal c'u s'elan ta tael ti bijilile
1Ti c'u s'elan laj jchanubtasote, cuni nich'on, mu xach'ay ta avo'nton,
bejeluc ta ajol ti jmantaltaque,
2jech ta xata ti ta xnatij acuxlejal une,
mu'yuc c'usi xana' ta x'ech' avu'un ti c'ac'ale.
3J'ech'eluc mu xavicta ti xc'uxul avo'ntone, ti meleluc ti ac'ope,
ti uinbiluc avu'un jech c'u cha'al ti nats'ile.
Bejeluc ta ajol ta avo'nton,
4jech ta xata ti lec xa'ile yu'un ti Diose,
xchi'uc ta stojol ti jnaclejetique.#Lc 2.52.
5J'ech'eluc pato avo'nton ta stojol ti Diose,
ma'ucuc ti c'u s'elan ta xac' ti snopobil avu'une.#Ro 12.16.
6Ta scotol ti c'usi ta xapase, sventainojuc ti Diose,
va'i unbi, ta stojobtasot batel ta tuq'uil be.
7Xi s'elan sc'an pasele:
mu xabis aba ti ech'em xa abijile,
xi'tao ti Diose, ch'aco aba ta spasel ti chopole.
8Taje, ja' jun lequil poxil sventa yo' chijtsatsub yu'un.
9Tuneso ta yich'el ta muc' Dios xchi'uc ti c'usitic x'ayan avu'une,
xchi'uc ti sba sat-tac ats'unob xloc' x'ayane,
10va'i unbi, bujul no'ox ta xata ti sq'uejobiltac ti c'usitic x'ayane,
xchi'uc ti xch'amlebtac ya'lel uvae.
11Cuni nich'on, mu xabaj ti tojobtasel yu'un ti Diose,
mu chopoluc xava'i ti tuq'uibtasel yu'une.#Job 5.17; Heb 12.5-6.
12Yu'un ta xtojobtasat ti buch'u mu tuch'baj ta o'ntonal ta x'a'yie yu'un ti Diose#Ap 3.19.
jech c'u cha'al ti totil ta stojobtas ti xnich'on ti mu jipbaj ta xa'ie.#Dt 8.5; 2 S 7.14; Heb 12.5-6.
13Mu'yuc c'usi sna' ti buch'u laj sta ti sbijile, ti laj sta ti snopbenale,
14yu'un ech'em stunel, ja' mu sta ti platae,
yepal yabtel, ja' mu sta ti oroe.
15Ti bijilil une, tsots sc'oplal, ja' mu sta ti c'upil sba tonetique,
mi ja'uc sta sc'oplal ti c'usitic xbic'taj o'ntonal yu'une.
16Ta xnatij ti cuxlejal yu'une,
ta xac' c'ulejal xchi'uc ich'el ta muc'.
17Mi tambil batel ti c'usi ta xale, jun yutsil ta j'ech'el;
mi tambil batel bu ta x'ic'van batele, ch'iel c'opojel xal unbi.
18Ti buch'u oy yu'un ti bijilile, cuxlejal ta j'ech'el;
mu'yuc c'usi sna' ti buch'u xtojob ta stunesele.
19Ti laj sva'an vinajel banomil ti Diose,
ta sbijil ta snopobil yu'un.
20Ti laj xch'ac sba yu'un ti nabe,
ti ta xac' job ac'ubal ti toque, ta sbijil no'ox.
21Oyuc ta ajol ti tuc'uc snopobil avu'une, cuni nich'on,
mu xch'ay xava'i ti bijbijane.
22Ta xacuxi yu'un,
ti c'upil aba ch'alalot xchi'uc jech c'u cha'al ti uile.
23Apatoj avo'nton ti bu yalel muyelote,
j'ech'el mu xabosi avoc.
24Mi jutebuc xi'el ta xava'i c'alal ta xacux avo'ntone;
c'alal ta xapuch'an abae, jun avo'nton ta xavay.#Sal 3.5; 4.8.
25Mu xaxi' yu'un ti c'usi ta xvul ta loq'uel ti xi'bal sbae,
mi ja'uc ti c'usi ta xvul ta stojolic ti buch'utic mu'yuc xch'ulel xa'i sbaique,
26yu'un ti Diose ta xac'bot yip avo'nton,
mu sq'uelojuc ta xabaj ta buyuc no'ox pets'.
27Mu xajalta mi oy buch'u ta sc'an coltaele,#Mt 5.42.
tic'o aba ta scoltael c'alal xu' avu'un une.
28Ti coltaele, mu xacomtsan ta yoc'omal c'alal stac' xapas ti c'ac'al tana li'e.
29Mu xtal ajol ta pasbel chopol ti buch'u spatoj yo'nton ta atojole.
30Mu xatsacvan ta leto mi mu'yuc buch'u ti c'usi chopol ta spasbote.
31Mu it'ixuc xava'i yu'un ti buch'u ts'i'uneb xa'i sbae,
ma'ucuc ti xac' xa ajol ta spasel jech c'u cha'al ta spase,
32yu'un ti Diose mu sc'an sq'uel ti buch'utic mu'yuc xch'ulel xa'i sbaique,
ja'uc ti buch'u oy slequil yo'ntonique, ta xac'be spatobil yo'nton.
33Ti Diose ta sbisbe ta cotol chaval sna ti buch'u mu'yuc xch'ulel xa'i sbaique,
ja'uc ti buch'u oy stuq'uil sjol yo'ntone, sva'anoj sba ta stojol.
34Ti Diose xlabaj no'ox ta stojol ti jlabanvanejetique,
oy yutsil yo'nton ta stojol ti buch'u biq'uit yac'oj sbaique.#Stg 4.6; 1 P 5.5.
35Ti buch'u bijique c'otem ta smotonic ti cajal sc'oplalique,
yan ti buch'u pimunebique, ja' xa yuni motonic ec un ti bajbil tenbile.
Currently Selected:
Proverbios 3: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000