Proverbios 2
2
Oy c'usi lec ta xich' tael ta sventa ti bijilile
1C'otuc ta avo'nton ti jc'op ca'yeje, cuni nich'on,
bejano ta ajol ta avo'nton ti jmantaltaque.
2Ts'etano lec achiquin ta ya'yiel ti c'usi ta xac' ta na'el ti bijilile,
tuneso lec ta ajol ta avo'nton ti slequil nopbenale.
3Ta sjunuluc avip, sa'o ti lecuc snopbenal avu'une, ti oyuc stuq'uil ajole.
4Batuc avo'nton ta sa'el jech c'u cha'al ta xasa' ti platae, mi ja' ti c'ulejal bu nac'ale.
5Va'i unbi, ta xlic ava'ibe smelol ta xi'tael ti Diose;
ta xlic jamuc asat c'u s'elan ta ojtiquinel ti Diose.
6Ti bijilile, ja' ta xac' ti Diose;
ta ye ta sti' ta xlic ayanuc talel ti lec snopbenale, ti jamal ba satil ta yojtiquinele.
7Ti Diose ta stic' sba ta scoltael ti buch'u stamojbe smelole,
ti mu'yuc soquesoj ti sc'oplale.
8Ta xchabi ti buch'u oy stuq'uil smelole;
ta spoj ti buch'u jun sjol yo'ntonic ta stojole.
9Ta xlic ava'ibe smelol ti c'usi leque,
ta xbat avo'nton ta snopel ti c'usi tuq'ue.
10Ta xata ti abijile, ti lec snopbenal une,
ta xlic ava'i ti jun yutsil ti abijile.
11Ti xana' xatuc'ulan abae, ti oy abijile,
mu'yuc c'usi xanuptan unbi.
12Mu xatam batel yu'un ti chopol be,
ti bu stamojic batel ti jti'-jol-o'ntonetique,
13ti laj xa yictaic comel bu to ox lec stamojic batele,
ti stamojic xa batel sbelel ch'ayele,
14ti batem xch'ulel xchi'uquic ta spasel ti c'usi chopole,
ti spasic xa q'uin xchi'uquic sventa ti c'usi chopol ta spasique,
15sbelel xa ch'ayel xal o ti bu stamojic batele,
ti laj xa yictaic comel steq'uel ti tuq'uil bee.
16Ja' jech xtoc mu sq'uelojucot ta xu'ninbot avo'nton ti ants ti yan o yuni c'op ta a'yiele,
ti chi' xa ya'yel ta lajesel ti c'usi ta xale,#Pr 7.5.
17ti ta sjip ta sten comel ti xchi'ile,
ti ta xch'ay ta yo'nton ti yaloj strate ta stojol ti Dios une.
18Ti tam xi batel ti sbelel snae,
ja' xa tambil batel sbelel ti lajebale.
19Ti buch'u ta x'och batel ta snae, mu xa sut talel,
j'ech'el mu xa xtal stec' sbelel ti cuxlejale.
20Jech o xal un, tamo ti lequil bee,
paso jech c'u cha'al ta spasic ti buch'u tuc' sjol yo'ntonique.
21Ti buch'u stamojbe stuq'uile, ti mu'yuc soquesoj ti sc'oplale,
ta xcuxi ta banomil.
22Ti buch'u mu'yuc xch'ulel xa'i sbaique, xchi'uc ti jpayvaneje,
ta xjipe ta xteneic loq'uel.#Sal 37.9.
Currently Selected:
Proverbios 2: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000