Josué 1
1
Ti Josuee c'oponat yu'un ti Diose
1C'alal cham ti Moisés ti ja' yajtunel to ox ti Diose, jech ti Diose xi laj yalbe ti Josué ti ja' xnich'on ti Nune, ti yajcoltaobba ti Moisese:
2“Ti jech cham ti cajtunel Moisese, abainoj c'ot ta xtuch'el jelavel ti uc'um Jordán xchi'uc scotol ti lum Israel avi tana li'e yo' jech ta xac'otic ta banomil ti bu caloj ta xcac'boxuque. 3Ti bu ta x'ech' axanic ti banomile, ja' ta xcac'boxuc jech c'u cha'al laj ono'ox calbe ya'i ti Moisese. 4Ta xcac'boxuc scotol ti banomil ti ta xlic ta sbajtical banomil xchi'uc ti svitstical Líbanoe, ti ta xc'ot ta muc' ta uc'um Eufratese, ti ta xjelav batel ta sjunlej sbanomil ti hititaetique, ti ta xc'ot c'alal to ta muc' ta nab Mediterráneoe. 5Ti c'u sjalil ti ach'iel ac'opojele, mu'yuc buch'u ta xastsalot.#Dt 11.24-25. Yu'un j'ech'el jva'anoj jba ta atojol jech c'u cha'al laj jva'an jba ta stojol ti Moisese. Mi ja'uc ta xaquictaot comel. Mi ja'uc ta xajtenot comel.#Dt 31.6,8; Heb 13.5. 6Tsotsan un cha'e, mu xatsiq'ues avo'nton.#Dt 31.6,7,23. Yu'un abainoj ta xch'acbel sbanomil ti lum li'e. Yu'un ja' xrexto osilic ti laj jva'an jba ta yalel ta stojol ti smolmuc'totic laj ech'icuc ta vo'nee. 7Ti tsots sc'oplal ta jc'anbote, ja'uc ti oyuc lec yip ti avo'ntone, ti mu xatsiq'uese. Tsotsuc sc'oplal ti c'otuc ta pasel avu'unic ti oy jbel ti c'usi tsots albil ti laj yalbot comel ti cajtunel Moisese. Tsotsuc sc'oplal ti c'otuc ta pasel avu'une yo' jech lec ta xc'ot ta loq'uel avu'un scotol ti c'usi ta xapase. 8Oyuc ono'ox ta ave ta ati' ta yavtael jpoc svunal ti oy jbel ti c'usi tsots yaloj ti Diose. C'ac'al ac'ubaluc, nopilano yo' jech ta xc'ot ta spasel avu'un ti c'u s'elan ta xale. Ti jech taj une, scotol ti c'usi ta xapase, lec ta xc'ot ta loq'uel avu'un. 9Vu'un ta xcal ti tsotsane, ti mu xatsiq'ues avo'ntone. Mu xasibtas aba. Mi ja'uc xavul avo'nton. Yu'un vu'un ti Ajvalil Diosun avu'une ta jva'an jba ta atojolal ti buyuc no'ox ta xabate.”
Ta xchapan sba ta yu'ninel banomil ti Josuee
10Va'i un, ti Josuee xi lic spas ta mantal ti banquilaletic yu'un ti jteclume: 11“Batanic ta sjunul ti bu lamalic ta naclej ti jchi'iltique, ba albeic ya'i ti ac'o xchapan sbaique. Yu'un li' ta oxib c'ac'ale, ta x'ech' jtuch'tic jelavel ti uc'um Jordane yo' jech ta xcu'nintic ti banomil ti bu ta xac'botic ti Ajvalil Dios cu'untique.”
12Ti Josuee xi laj yalbe ya'i xtoc snitilultac ti Rubene, ti Gade, xchi'uc ti o'lol jvoc' ti ja' snitilultac ti Manasese:
13—Mu me xch'ay xava'iic ti c'u s'elan laj yalboxuc ti Moisés ti yajtunel Diose, ti Ajvalil Dios avu'unique ta xac'boxuc ti banomil li'e yo' jech ta xlic acux ti avo'ntonique. 14Ja' yu'un un cha'e, ti avajnilique, ti anich'nabique, xchi'uc ti chon bolometic avu'unique, ictaic comel li' ta banomil ti bu laj yac'boxuc ti Moisés li' ta jot uc'um Jordane. Scotol ti viniquetic ti baxbolic ta yaq'uel ti letoe, ac'o xchapan ti yabtejebique, ti jba'be jelavicuc ech'el ta stojol ti xchi'ilique yo' jech ta scoltaic, 15ja' to ti c'uxi ac'batic yu'un Dios yavil ti xcuxobil yo'ntonique jech c'u cha'al la'ac'batic xae, ja' to ti c'uxi ta xc'ot ta pasel ti ta xc'otic ta yajval banomil ti ta x'ac'batic yu'un ti Diose. Mi laj une, xu' xa xasutic talel ta abanomilic ti oy ta yac'ol sloq'ueb c'ac'al ta yeloval uc'ume yo' jech ta xavu'ninic o ta j'ech'el ti banomil ti laj yac'boxuc ti Moisés ti ja' yajtunel ti Diose.#Nm 32.28-32; Dt 3.18-20; Jos 22.1-6.
16Xi laj staq'uique:
—Ta jpascutic scotol ti c'u s'elan ta xapasuncutic ta mantale. Ta xibatcutic ti bu ta xatacuncutic ech'ele. 17Yu'un j'ech'el ta xajch'unbecutic ti c'usi ta xavale jech c'u cha'al laj jch'unbecutic smantal ti Moisese. Ti juteb ta co'ntoncutic ta jc'ancutique, ti sva'anojuc o sba ta atojolal ti Ajvalil Dios avu'une jech c'u cha'al laj sva'an sba ta stojol ti Moisese. 18Chamuc scotol ti buch'u ta stoy sba ta atojole, ti mu xch'un ti c'u s'elan ta xapas ta mantale. Yu'un ja' no'ox ta jc'ancutic ti tsotsane, ti va'ano aba ta j'ech'ele.#Nm 27.20; Dt 34.9.
Currently Selected:
Josué 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000