Salmos 2
2
Vo'ot ma' ti jnich'onote
1¿C'u cha'al xvoletic xa ta spas sbaic ti jnaclejetic ti yan yajvalique?
¿C'u cha'al ya'yiel ochem yipal yu'unic ta snopel ti c'usi mu'yuc stuq'uile?
2Ti banquilal ajvaliletique xchi'uc ti its'inal ajvaliletic ti sbainojic ta sventainel ti jnaclejetique,
jun xa sjolic lic scontrainic ti Diose, xchi'uc ti t'ujbil ajvalil yu'une.#Hch 4.25-26.
3Xi ta x'avanique: “Laj to sc'oplal ma' ti ta xischucotic ta carina taq'uin une.
Jpoj jbatic ec un ti ts'otol xa caq'uiltic yu'une.”
4Ti Dios ti sventainoj ti vinajele
stse'in no'ox ta stojolic.#Sal 59.8.
5Ta jech yepal un, ta soquemal xa sjol, ta xlic sibtasan,
ti ta yepal xa sc'ac'al yo'ntone, xi ta xalbee:
6“Laj xa jt'uj ma' ti ajvalil buch'u ta sventain cu'un ti Sione, ja' ti ch'ul vitse.”
7Ta jcaj'al ti xi s'elan snopoj ti Diose:
ti xi laj yalbune: “Tana li'e, lanab cu'un ta ch'util,
lac'ot ta jnich'on.#Hch 13.33; Heb 1.5; 5.5.
8C'anbun ti c'otuc ta arexto ti muc'tiquil lumetique,
ti bu xa c'alal ta xpaj talel jujuti' ti banomile,
ta xc'ot ta avu'un, ta xcac'bot un.
9Co'ol a'elan junuc taq'uin vaxton ta xatsutses ti ajvaliletique,#Ap 2.26-27; 12.5; 19.15.
ti stuc slilijemal busul ta xcom avu'un jech c'u cha'al ti lumal binetique.”
10A'yibeic xchiquinal ava'iic li'e, banquilal ajvaliletic, its'inal ajvaliletic ti aventainojic ti banomile,
tuc'ulanic ta spasel ti va'i s'elan ta xich' alel li'e:
11Cuxuluc lec ajol avo'ntonic,
muyubajanic ta yich'el ta muc' ti Diose.
12Xi'tabiluc avu'unic ti nijil chimiloxuc ta stojole,
yu'un mu ta vocoluc ta xlic sc'ac'al yo'nton ti ta xac'otic ta lajel yu'un mi ilin ta atojolique.
Ja'uc ma' ti buch'u ta sa' spojelic ta stojole, xmuyubajic no'ox ta j'ech'el.
Currently Selected:
Salmos 2: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
