Filipenses 4
4
J'ech'eluc o muyubajanic ta stojol ti Cajvaltique
1Ti jech jchi'il jbatique, ta xcalboxuc ava'iic ti j'ech'eluc o junuc avo'ntonic ta stojol ti Cajvaltique, ti vo'oxuc c'uxoxuc ta co'ntone, ti oy ta co'nton ta jc'an ta jq'ueloxuc ca'ie, ti ximuyubaj avu'unique, ti c'otemoxuc ta jmoton ta xca'ie.
2Ta jc'anbe vocol ti Evodiae xchi'uc ti Síntiquee, co'oluc ti yo'ntonique, yu'un junic xa ta stojol ti Cajvaltique. 3Ti vo'ote, ti jech jchi'il jbatic ta abtele, avocoluc coltao ti cha'vo' antsetique. Yu'un ti stuquique laj spasic tsatsal ta scoltaelun ta yalel ti colebal lequil ach' c'ope, jmoj xchi'uc ti Clementee, xchi'uc ti yan jchi'iltac ta abtele. Yu'un ti stuquique, tsacal xa sbiic ta jpoc vun yu'un ti cuxlejale.
4Muyubajanic scotol c'ac'al ta stojol ti Cajvaltique. Xi ta jcha'alboxuc xtoque: ¡j'ech'eluc o muyubajanic!#1 Ts 5.16. 5Aq'uic ta ilel ti slequil yutsil avo'ntonic ta stojol scotol ti jnaclejetic ta banomile, yu'un nopol xa talel ti Cajvaltique.#Sal 119.151.
6Mu xavulilan avo'ntonic yu'un ti c'usi ta xvul ta atojolique. Ac'beic ta yoc ta sc'ob ti Dios ti c'alal ta xac'opon xati'inique. C'anbeic, xchi'uc colaval, utic.#Col 4.2-7; 1 Ts 5.17-18. 7Jech ti Diose ta xac'boxuc slamajemal yo'nton, yu'un jelavem yutsil, ti ja' mu sta yutsil snopbenal yu'un jun jnaclejetic ta banomile. Ti avich'ojbe ti slamajemal yo'ntone, mu'yuc c'usi xana', yu'un ta sventain avo'nton xchi'uc ti c'usi ta xanopique, yu'un oyoxuc ta stojol ti Cristo Jesuse.
Ja'uc nopic scotol ti c'usi leque
8Ti jech jchi'il jbatique, slajeb ti xi ta xcalboxuque: ja'uc nopic scotol ti bu ja melele, scotol ti bu ja' ich'bil ta muq'ue, scotol ti bu lec sc'oplale, scotol ti c'usi jun yutsile, scotol ti bu lec ta q'uelele, scotol ti c'usi lec sc'oplale. Nopic scotol ti c'usi lec ta alele, ti c'usi lec sc'oplal ta nopele. 9Pasic tsatsal ta spasel ti c'u s'elan laj jchanubtasoxuque, ti c'u s'elan laj jbijubtasoxuque, ti c'u s'elan laj ava'iic laj cale, ti c'u s'elan laj avilic laj jpase. Pasic jech, jech ti Diose ta xac'boxuc slamajemal yo'nton, ta xchi'inoxuc.
Ti matanal ac'bat ti Pablo yu'un ti jch'unolajeletic ta Filipose
10Ximuyubaj xa ta stojol ti Cajvaltique, ti laj acha'vulesicun ta avo'ntonique. Ti jech taje, mu yu'unuc ta xcal ti laj ach'ayicun ta avo'ntonique, ja' ti mu'yuc c'usi xavutic ta xtal acoltaicune. 11Mu yu'unuc ta xcalboxuc ava'iic ti ta jc'an coltaele, yu'un laj xa jchan ti ximuyubaj no'ox yu'un ti c'u yepal oy cu'une. 12Yu'un jna' lec c'u s'elan ti me'on mu'natile, ti c'usi oy ep x'ayan xtoque. Mi ta xivi'naj, mi noj jch'ut, mi oy c'usi x'ayan cu'un, mi mu'yuc, laj xa jchan ti c'usiuc no'ox ta xc'ot ta jtojole. 13Xu' cu'un scotol ta sventa Cristo, yu'un ja' ta xiyac'bun jtsatsal. 14Manchuc mi jech un, jun yutsil laj apasic yu'un laj acoltaicun c'alal oyun ta vocole. 15C'alal liloc' batel ta alumalic li' ta Macedoniae yo' ta xba cal ti colebal lequil ach' c'op ta yan partee, xana'ic lec ti mu'yuc yan jch'unolajeletic laj scoltaicune. Ja' no'ox ti vo'oxuc tsoboloxuc ta Filipose, laj atacbeicun talel ti coltael ta sventa ti laj ava'iic ti lequil ach' c'ope. 16C'alal oyun to ox ta Tesalónicae,#Hch 17.1. laj ataquic batel jaycojuc ti c'usi ta xtun cu'une.#2 Co 11.9. 17Ti jech ta xcal taje, ma'uc ta jc'an ti oy c'usi ta xquich'e, ja' ta jc'an epajuc ti ac'ulejalic ta stojol ti Diose. 18Yu'un laj xa quich' scotol. Mu'yuc xa c'usi xal co'nton. Ti c'u yepal laj atacbeicun talel ta stojol ti Epafroditoe, xiloc' o lec xchi'uc, oy to com scomilal. Ti c'u yepal laj atacbeicun talele, co'ol smuil pom ta xich' chiq'uel ta stojol Dios ti lec ta xile.#Ex 29.18. 19Ja' yu'un un, ti Dios cu'une ta xac'boxuc scotol ti c'usi ta xtun avu'unique, co'ol xchi'uc ti lequil c'ulejal ti oy ta stojol ti Cristo Jesuse. 20Ich'biluc ta muc' sbatel osil ti Jtotic Diose. Jechuc.
Sc'oplal ti slajeb chabanuque
21Ta sventa ti Jesucristoe, chabanuc xavalbe ya'i scotol ti buch'u yu'untac ti Diose. Chabanuc xayalboxuc ti jchi'iltac li' jchi'inojane. 22Ja' jech xtoc chabanuc xayalboxuc ti buch'utic oyic ta sna ti ajvalil Romanoe. Chabanuc xayalboxuc scotol ti buch'u yu'untac Dios ti li' oyique.
23Ac'o sva'an sba ta atojol acotolic ti Cajvaltic Jesucristoe. Jechuc.
Currently Selected:
Filipenses 4: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000