Malaquías 4
4
Ti sc'ac'alil ta xvul ta loq'uel ti Diose
1Ti Dios ti scotol xu' yu'une xi ta xale: “Ta xnopaj talel sc'ac'alil yorail ti oy bu co'ol s'elan stilemal sc'ac'al jornoe. Ta xc'aq'uic scotol ti buch'utic toyobbaique, xchi'uc ti buch'utic mu'yuc xch'ulel xa'i sbaique, ti natic no'ox sleb ta xtil jech c'u cha'al ta xc'ac' ti jobele. Ti jech ta xvul ta loq'uel ti jech c'ac'al taje, ta xchic'atic, ti mi ja'uc jutebuc xvinaj bu bate. 2Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale. 3Ti jech c'ac'al taje, ti chapanbil xa cu'une, co'ol s'elan pucuc ta xaju'ic ta teq'uel ti buch'utic mu'yuc xch'ulel xa'i sbaique.
4“Vuleso ta avo'ntonic xtoc un ti oy c'usi jbel tsots albil ti laj cac'be ti cajtunel Moisés ti ta vits Horebe.#Ex 19.16—20.20; 24.1-17; Dt 5.1-3. ¡Ja' ti c'usitic nopbile xchi'uc ti mantaletic ti tsots sc'oplal ta xch'unic scotol ti israeletique!
5“A'yio ava'iic ti xi ta xcalboxuque: Ba'yel ta jtac talel ta atojolic ti j'alc'op Eliase,#1 R 17—21; 2 R 2.1-12; Mt 11.14; 17.10-13; Mr 9.11-13; Jn 1.21. c'alal mu to ta xvul ta loq'uel ti sc'ac'alil ti ta xvul ta loq'uel ti Diose, ti ja' jun c'ac'al ti xi'bal sba ti oy c'usi muc'tic no'ox ta xc'ot ta pasele. 6Yu'un ta xc'ot ta pasel ti ta slajesbe sba yo'ntonic ti totil me'iletic xchi'uc ti alab nich'nabiletique.#Lc 1.17. Mi mo'oje, ta xtal cac'be svocol ti steclumale, ta jtsutses ta j'ech'el.”
Currently Selected:
Malaquías 4: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000