Jonás 3
3
Ti jteclum Nínivee ta xlic sutes sbaic
1Ti Diose xi laj yalbe ti laj sc'opon ta xchibal velta ti Jonase: 2“Lican, va'lan, batan ti ta muc' ta jteclum Nínivee. Albo ya'iic ti c'u s'elan ta xcalbot ava'ie.” 3Jech ti Jonase laj stam batel sbe ta jteclum Nínive jech c'u cha'al albat yu'un ti Diose. Ti jteclum taje, muc' ta j'ech'el, ja' oxib c'ac'al sc'an yo' ta xlaj ta xaniel. 4Och batel ta jteclum ti Jonase, ti jun c'ac'al xanav ti xi lic ta yalilanele: “Ti li' ta cha'vinic c'ac'ale, ta xlilij ti jteclum Nínive li'e.”
5Jech ti jnaclejetic ta jteclume, mi cajal sc'oplalic, mi peq'uel sc'oplalic, laj xch'unic ti c'u s'elan laj yal ti Diose. Laj spucbeic sc'oplal ti ac'o yicta ti yotique, ti ac'o slapic ti lajemal c'u'ile, ti vinajuc ti c'ux ta sta ti svocolique.#Mt 12.41; Lc 11.32. 6C'alal c'ot ta stojol ti lo'il a'yeje, ti ajvalil yu'un ti jteclum Nínivee laj yicta comel ti bu chotol ta spas mantale. Laj sloc' ti sc'u' ti slapoj to ox sventa ajvalilale. Lic slap lajemal c'u'il ec. Lic xchotan sba ta lumtic xtoc. 7Laj taj une, jech ti ajvalile xchi'uc ti yajtuneltaque laj yac'be sna' ti jteclum ti xi s'elan loc' ta alel yu'un jun mantale: “Mu me junuc ti oy buch'u c'usi ta stun ta slajese. Ja' jech xtoc mu me junuc ta xbat yac'be sve'el, ta xac'be yuch' vo' ti xvacaxe, mi ja'uc ti xchije. 8Mu stac' ti jech ta xich' pasele. C'ajomal no'ox, lapic acotolic ti lajemal c'u'iletique. Oc'an avananic ta stojol ti Diose. Ictaic comel ta jujun ti jech yanijem ti ajol avo'ntonique, ti c'usitic mu'yuc smelol ti yacal to ta xapasic avi tana li'e. 9Mu jna'tic mi ja' to jech ta sjel ti c'u s'elan snopoj ti Diose, mi ja' to jech ta xlamaj ti sc'ac'al yo'ntone yo' jech mu xc'ot ta pasel ti ta xijchame.”
10Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.
Currently Selected:
Jonás 3: TZC00
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
