Ezequiel 41

1Laj taje, ti vinique laj yic'un batel ta yut ch'ulna, ti xi s'elan loc' ta bisel yu'un ti yoyaltaque: Yich'oj oxib (3) metro spimiquil ti jujune. 2Sjamalil ti ti'nae, yich'oj vo'ob (5) metro. O'lol yoxibal (2.50) metro yich'oj snatiquil ti jujun sts'amte'ale. Laj sbis xtoc un c'u sjamlej ti yute. Loc' jtob (20) metro ti snatile, lajuneb (10) metro ti sjamalile. 3Bat ta xcha'c'olal yut. Laj sbis c'u smuc'tiquil ti yoyaltaque. Loc' jun metro ti spimile. Yich'oj oxib (3) metro sjamlej ti ochebal yu'une. Spimil ti yoyaltac yich'oj jujune, o'lol xchanibal (3.50) metro. 4Laj sbis ti jc'ol na oy ta yute. Loc' lajuneb (10) metro ti jujujote. Va'i un, xi laj yalbune: “Li'e, ja' ti Bats'i Cuxul Ch'ul Cuartoe.”

Ti chac'te' naetic meltsanbil liquel xchi'uc ti moque

5Ti vinique laj sbis xtoc spac'balil ti ch'ulnae. Loc' oxib (3) metro ti spimile. Ta yoxjotal xocon yut ti ch'ulnae, oy naetic meltsanbil ta chac'te' ti spac'bale. Yich'oj chib (2) metro x'och batel ti yute. 6Ti chac'te' naetic taje, oxcoj muyem batel. Ti jujucoje yich'oj lajuneb xcha'vinic (30) ta c'ol. Ti bu lic scajanic sts'amte'altac ti sjam sba ech'el jujucoj spac'obalil ti ch'ulnae, yo' mu'yuc ta xch'ojic ta jomel ti spac'balile. 7Ti chac'te' naetic tsacal muyel ta spac'balil ti ch'ulnae, meltsanbil muyebal xc'ot c'alal to ac'ol, yo' xu' ta xmuyic batel ta xlic ta olon c'alal to xcha'cajal. 8Laj quil ta jujujot xocon ti ch'ulnae, j'ic'vanej ti chac'te' naetic tsacanel ta meltsanel muyele. Ti jujucoj bu tsacanbil liquele, oxib (3) metro yich'oj ti jujucoje. 9Spac'bal sjamlej xocon ti chac'te' naetique, yich'oj o'lol yoxibal (2.50) metro. Stsacoj sba ta joyob xchi'uc spac'obalil ch'ulna x'och batel. 10Sjamlej yiloj sba ti chac'te' naetic xchi'uc jujuc'ol naetic yu'un ti paleetique, lajuneb (10) metro. 11Ti chac'te' naetique liquem ech'el bu jamal comem ta o'lole. Oy ti'na sq'ueloj batel ta yolon ti yolon xocon sloq'ueb c'ac'ale, xchi'uc yan ti'na sq'ueloj batel ta yolon ti yac'ol xocon sloq'ueb c'ac'ale. Ti c'u sjamlej comeme macbil ta moc o'lol yoxibal (2.50) metro ti spimile.

Ti na meltsanbil ta stuq'uil smaleb c'ac'ale

12Ta smaleb c'ac'al sq'ueloj batel ti bu macbil amaq'ue, oy jbej na yich'oj vo'lajuneb xcha'vinic (35) metro ti sjamleje, vo'ob yoxvinic (45) metro ti snatile, o'lol yoxibal (2.50) metro spimil ti smocale.

Ti c'u s'elan loc' ta bisel ti ch'ulnae

13Ti vinique lic sbis ti ch'ulnae. Loc' lajuneb yoxvinic (50) metro snatil ta scotol. Sjamlej ti amac' bu macale, ti naetique, xchi'uc ti smocale, yich'oj lajuneb yoxvinic (50) metro. 14Sjamlej yelov ti ch'ulna nopol ta ts'el amac' ti sq'ueloj batel ta sloq'ueb c'ac'ale, yich'oj lajuneb yoxvinic (50) metro. 15Laj sbis xtoc c'u snatil ti na oy ta spat ti ch'ulnae, c'ot ti bu bajal ti amaq'ue, ti sliquebtac yoc ta jujujote, ti sc'olol-c'ol naetic yu'un ch'ulnae, xchi'uc ti scoriolale. Loc' ta bisel lajuneb yoxvinic (50) metro.

Ti c'usitic sc'an meltsanel ta ch'ulnae

16-17Taje, pac'bil ta tenel-te'etic jujuc'ol ti yute, xchi'uc ep ta jom sventanailtac. Naca pac'bil ta tenel-te' ti yoxjotal xocon smarcoil ti c'u staylej ti sventanaile. Naca pac'bil ta tenel-te' lic ta yoc, c'ot ta sba c'u sjamlej comeme. Ta stuq'uil jol ti ti'nae, pac'bil ta tenel-te' xtoc. 18Ti pac'baletic ta yut ch'ulnae, naca loc'tabil ta luchel ti c'usitic oy xiq'uique, xchi'uc xanetic. Jujun ti c'usitic oy xic' loc'tabile, oy cha'jot sat. 19Ti jote, sat cristiano ta q'uelel ti sq'ueloj batel sloc'obbail xane. Ti jote, sat león ta q'uelel ti sq'ueloj batel sloc'obbail ti xane. Naca jech yich'oj ta loc'tael sjoylej ti ch'ulnae. 20Naca loc'tabil c'usitic oy xiq'uic, xchi'uc xan loc'tabil ta luchel, lic muyel ta yoc pac'bal, c'ot ta jol ti'naetic, xchi'uc ta sjunul spac'bal ti yute. 21Ta smarcoil ti ti'naetique, chantsel yoyaltac ac'bil.

Ti altar meltsanbil ta te'e

Ta ochebal yu'un ti Bats'i Cuxul Ch'ul Cuartoe, xco'olaj jun altar meltsanbil ta te'. 22Yich'oj vo'ch'ix (1 m.) sjamlej ti jujujote, vuc-ch'ix xchi'uc jquejlej (1.50 m.) ti stayleje. Yich'oj smac sti'il ta xocontac. Ti spac' xocone xchi'uc ti yacane, naca ta te' meltsanbil. Ti vinique xi laj yalbune: “Ti mexa le'e, ja' ti oy o ta stojol ti Diose.”

Ti ti'naetique

23Ta sti' ochebal yu'un ti jamal yut nae, xchi'uc ti Bats'i Cuxul Ch'ul Cuartoe, yich'oj cha'c'ol sti'tac. 24Ti jujupech ti'naetique, cha'pech yich'ojan quiquil ta xc'ot ta yibel na c'alal ta sjamique. 25Ta ti'naetic yu'un ti ochebal jamal yut nae, oy c'usitic oy xiq'uic luchbil ta loc'tael, xchi'uc xan loc'tabil ta luchel jech c'u cha'al loc'tabil ta pac'baletique. Ti yeloval sti' coriole, oy chac'te' moc. 26Ta jujujot xocon ti coriole, ep ta jom sventanailtac yich'oj, xchi'uc loc'tabil luchbil xanetic. Ti jujuc'ol ti chac'te' naetique, tsacbil muyel xchi'uc spac'balil ti ch'ulnae, ti yich'oj xchac'te'altaque.

Currently Selected:

Ezequiel 41: TZC00

Highlight

Copy

Compare