Rɔmɛri̧ 14
14
Walɓay ka̧n tûl a nyîn nɔ́ nyá
1I nyá njukuri ka zi kpú a ɓil láɓulaw yáy, a í zi ná many há̧narí̧ sé tûl hɛ̧ri̧ kɛrɛ a wǎyri. 2Ɓá báŋa a nɛ́ njuku a há̧na e kɛrɛ ɓá lâʼa too ma sɔ̧́na, njuku a féké ka zi kpú a ɓil láɓulaw yáy, sɔ̧́ ɓá goyhay. 3Njuku ka sɔ̧́lâʼa tooy, ké zi ná yáw njuku ka zi sɔ̧́lâʼa too yáy. A njuku ka zi sɔ̧́lâʼa too yáy, ké zi ná walɓay ka̧n tûl a njuku ka sɔ̧́lâʼa tooy, ɓayhí̧lé Gáŋvbôn nyá káwa mɛ̌ kɔ́. 4Mɔ̌, mɔ ɓá gé rá̧ a walɓay ka̧n tûl a njukupéna a njuku a féké lé? Ké mí ew kpú a ɓil péna a mɛ̌y, malé ké mí léy, a̧hí̧ kó mɔ́ a ɓilké lé, kɔ́ ɓá bákáwa a mɛ̌. Dáy, ké e ew kpú, ɓayhí̧lé Gáŋmbây e ka kpɔ́ŋa ɓay a ŋgbá nɛ́ ew sâa.
5A njuku a há̧narí̧ ka kó nâm tá mbɛ̧́nɛ́, njuku a fékéri kó nâmkéri too mambɛ̧́nɛ́. Dáy belɓá, njuku mbêw mbêw too, ké tu ɓá táŋáké ɓá, hɛ̧ a ké kɛrɛy ɓá katína. 6Njuku ka wal bazeŋ a nâmri̧, ké niŋ ɓay a hɔ̧́ Gáŋmbây. A njuku ka zi wal bazeŋ a nâmri̧ nyáy, ké niŋ ɓay a hɔ̧́ Gáŋmbây kɔ́. A njuku ka sɔ̧́lâʼa tooy, ké niŋ ɓay a hɔ̧́ Gáŋmbây, ɓayhí̧lé, ké zi awá hí̧ Gáŋvbôn sé tûl lâʼaké. A njuku, ka zi sɔ̧́lâʼa too yáy, ké niŋ ɓay a hɔ̧́ Gáŋmbây, a zi awá hí̧ Gáŋvbôn kɔ́. 7Katína lé, njuku a há̧na mbêw a bazeŋ a manárí̧, zi kaw ɓay tûlé yá. Nǎŋnɔ́ pí, njuku a há̧na mbêw zi hú ɓay tûlé yá. 8Ɓayhí̧lé, manárí̧ mí kaw ka ndísɛ̌ʼɛ, ná kaw ɓay a Gáŋmbây, manárí̧ mí húy, ná hú ɓay a Gáŋmbây. Nǎŋnɔ́, ná kaw ka ndísɛ̌ʼɛ malé ná húy lé too, ná kaw too ɓá ɓala Gáŋmbây. 9Ɓayhí̧lé, Kiris ziŋ hûl, a retoma ka hûl ɓay kaw ɓá Gáŋmbây a hûlri rá̧ njukuri ka e ka ndísɛ̌ʼɛ. 10Dáy a mɔ̌, ɓayhí̧rá̧, mɔ́ walɓay ka̧n tûl a nyîn nɔ́ lé? Malé ɓayhí̧rá̧ mɔ́ yáw nyîn nɔ́ lé? Ná e tá ew mbɛl a Gáŋvbôn too, ɓay ké walɓay ka̧n tûl a manárí̧. 11Ɓayhí̧lé; Mbété sa ɓá:
«Mǐ Gáŋmbây a ndísɛ̌ʼɛ, mi sa:
Njukuri too e huku ka nzáʼa túku a kuriri a mbɛl ní,
nǎŋnɔ́, nzáʼaɓayri too e hí̧ hɔ̧́na hí̧ Gáŋvbôn.»
12Nǎŋnɔ́, njuku mbêw mbêw too, e rerú ka fal péna a mɛ̌ ka mûn nɛ́, a mbɛl a Gáŋvbôn.
Ɓá nyîn nɔ́ lé ɓil ɓéké yá
13Ná pɔŋ walɓay a bazeŋ a manárí̧ kɔ̧ tûl há̧narí̧. Dáy, ná niŋ hɛ̧ too, táŋ niŋ hɛ̧ ka e ɓá nyîn a manárí̧ ɓɛ̧ malé lé ɓil ɓékéhɛ̧. 14Dáy mi tu ɓá táŋáké ka ŋgboro a Gáŋmbây Zezú ɓá, hɛ̧ a há̧na mbêw ka tɛ̧́ ɓá ɗaʼama,#14:14 Ɗaʼama, a gelé zi ɓay a sa ɓá, hɛ̧ri̧ ka zi belyáy, ná e kó ɓá hɛ̧ké ná ɓá táŋáké pɛ̧́nɛ́, dáy, a mbɛl a Gáŋvbôn, ná ɓá hɛ̧ ɗaʼama. zi tí yá. Njuku a há̧na, mí kɛrɛ ɓá, hɛ̧ nɛ́ ɓá ɗaʼama lé, hɛ̧ké e ná ɓá ɗaʼama hí̧ nɛ́, ɓay tûl kɛrɛ ɓay nɔ́ a mɛ̌. 15Nyîn nɔ́ mí ziŋ yíra law ɓay a tûl hɛ̧ ka mɔ lâʼay lé, tɔ́ʼɔ ɓá, mɔ́ zi séséna ka ŋgboro a law zína nyá. Dáy, ɓay a tûl lâʼa, mɔ́ ná ɓá nyîn nɔ́ ɓɔ́l, mɛ̌, ka Kiris ziŋ hûl ɓay tûlé. 16Hɛ̧ ka ɓá hɛ̧ a béláké a gel a wǎyri, ké zi ná tɛ̧́ hɛ̧ ka e hí̧ ŋgboro hí̧ njuku a fékéri, a kú ɓew ɓay a wǎyri a bazeŋ kuriri. 17Katína lé Pû Mbây a Gáŋvbôn, zi tí ɓá hɛ̧lâʼa malé hɛ̧ nzóna lé yá, dáy Pû a Mbây a Gáŋvbôn, ɓá káwa a ndáráké, káwa a vónáké, káwa ɓil sáʼa, ka ŋgboro a Têm Pukí. 18Njuku ka niŋ péna Kiris nǎŋnɔ́, rí law a Gáŋvbôn, njukuri too zibɔʼɔ káwa a mɛ̌.
19Nǎŋnɔ́ dáy, ná ɛ́ hɛ̧ ka e hí̧ káwa a vónáké, rá̧ ŋgboro hɔ̧́ mbêw sé mbɛl a ɓil láɓulaw a manárí̧. 20Ɓay tûl lâʼa, mɔ́ zi ná ɓew péna a Gáŋvbôn. Katína, lâʼa too belbéla, dáy zi belyá, ɓay a sɔ̧́lâʼa ka e ɓá nyîn nɔ́ lé ɓil ɓékéhɛ̧. 21Zi belɓá, mɔ́ sɔ̧́ háy yá, mɔ́ nzó vôn nyá, a mɔ́ sáŋ hɛ̧ri̧ too, ka e ɓá nyîn nɔ́, lé ɓil ɓékéhɛ̧. 22Láɓulaw a ka mɔ erúy, mɔ́ koro ɓay a mɔ̌ a mbɛl a Gáŋvbôn. Béla hí̧ njuku, ka zi ɓá ɓay ŋgbá nɛ́ ka mûn nɛ́ nyá, sé tûl hɛ̧ niŋa a mɛ̌y. 23Dáy, njuku ka sɔ̧́lâʼa ka law lúnay, Gáŋvbôn ɓá ɓay ŋgbá nɛ́ dá, ɓayhí̧lé, ké zi niŋ ka ŋgboro a láɓulaw yá. Hɛ̧ too ka zi gí ka ŋgboro a láɓulaw yáy, ɓá ɓéké.
Currently Selected:
Rɔmɛri̧ 14: pnz
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL
Rɔmɛri̧ 14
14
Walɓay ka̧n tûl a nyîn nɔ́ nyá
1I nyá njukuri ka zi kpú a ɓil láɓulaw yáy, a í zi ná many há̧narí̧ sé tûl hɛ̧ri̧ kɛrɛ a wǎyri. 2Ɓá báŋa a nɛ́ njuku a há̧na e kɛrɛ ɓá lâʼa too ma sɔ̧́na, njuku a féké ka zi kpú a ɓil láɓulaw yáy, sɔ̧́ ɓá goyhay. 3Njuku ka sɔ̧́lâʼa tooy, ké zi ná yáw njuku ka zi sɔ̧́lâʼa too yáy. A njuku ka zi sɔ̧́lâʼa too yáy, ké zi ná walɓay ka̧n tûl a njuku ka sɔ̧́lâʼa tooy, ɓayhí̧lé Gáŋvbôn nyá káwa mɛ̌ kɔ́. 4Mɔ̌, mɔ ɓá gé rá̧ a walɓay ka̧n tûl a njukupéna a njuku a féké lé? Ké mí ew kpú a ɓil péna a mɛ̌y, malé ké mí léy, a̧hí̧ kó mɔ́ a ɓilké lé, kɔ́ ɓá bákáwa a mɛ̌. Dáy, ké e ew kpú, ɓayhí̧lé Gáŋmbây e ka kpɔ́ŋa ɓay a ŋgbá nɛ́ ew sâa.
5A njuku a há̧narí̧ ka kó nâm tá mbɛ̧́nɛ́, njuku a fékéri kó nâmkéri too mambɛ̧́nɛ́. Dáy belɓá, njuku mbêw mbêw too, ké tu ɓá táŋáké ɓá, hɛ̧ a ké kɛrɛy ɓá katína. 6Njuku ka wal bazeŋ a nâmri̧, ké niŋ ɓay a hɔ̧́ Gáŋmbây. A njuku ka zi wal bazeŋ a nâmri̧ nyáy, ké niŋ ɓay a hɔ̧́ Gáŋmbây kɔ́. A njuku ka sɔ̧́lâʼa tooy, ké niŋ ɓay a hɔ̧́ Gáŋmbây, ɓayhí̧lé, ké zi awá hí̧ Gáŋvbôn sé tûl lâʼaké. A njuku, ka zi sɔ̧́lâʼa too yáy, ké niŋ ɓay a hɔ̧́ Gáŋmbây, a zi awá hí̧ Gáŋvbôn kɔ́. 7Katína lé, njuku a há̧na mbêw a bazeŋ a manárí̧, zi kaw ɓay tûlé yá. Nǎŋnɔ́ pí, njuku a há̧na mbêw zi hú ɓay tûlé yá. 8Ɓayhí̧lé, manárí̧ mí kaw ka ndísɛ̌ʼɛ, ná kaw ɓay a Gáŋmbây, manárí̧ mí húy, ná hú ɓay a Gáŋmbây. Nǎŋnɔ́, ná kaw ka ndísɛ̌ʼɛ malé ná húy lé too, ná kaw too ɓá ɓala Gáŋmbây. 9Ɓayhí̧lé, Kiris ziŋ hûl, a retoma ka hûl ɓay kaw ɓá Gáŋmbây a hûlri rá̧ njukuri ka e ka ndísɛ̌ʼɛ. 10Dáy a mɔ̌, ɓayhí̧rá̧, mɔ́ walɓay ka̧n tûl a nyîn nɔ́ lé? Malé ɓayhí̧rá̧ mɔ́ yáw nyîn nɔ́ lé? Ná e tá ew mbɛl a Gáŋvbôn too, ɓay ké walɓay ka̧n tûl a manárí̧. 11Ɓayhí̧lé; Mbété sa ɓá:
«Mǐ Gáŋmbây a ndísɛ̌ʼɛ, mi sa:
Njukuri too e huku ka nzáʼa túku a kuriri a mbɛl ní,
nǎŋnɔ́, nzáʼaɓayri too e hí̧ hɔ̧́na hí̧ Gáŋvbôn.»
12Nǎŋnɔ́, njuku mbêw mbêw too, e rerú ka fal péna a mɛ̌ ka mûn nɛ́, a mbɛl a Gáŋvbôn.
Ɓá nyîn nɔ́ lé ɓil ɓéké yá
13Ná pɔŋ walɓay a bazeŋ a manárí̧ kɔ̧ tûl há̧narí̧. Dáy, ná niŋ hɛ̧ too, táŋ niŋ hɛ̧ ka e ɓá nyîn a manárí̧ ɓɛ̧ malé lé ɓil ɓékéhɛ̧. 14Dáy mi tu ɓá táŋáké ka ŋgboro a Gáŋmbây Zezú ɓá, hɛ̧ a há̧na mbêw ka tɛ̧́ ɓá ɗaʼama,#14:14 Ɗaʼama, a gelé zi ɓay a sa ɓá, hɛ̧ri̧ ka zi belyáy, ná e kó ɓá hɛ̧ké ná ɓá táŋáké pɛ̧́nɛ́, dáy, a mbɛl a Gáŋvbôn, ná ɓá hɛ̧ ɗaʼama. zi tí yá. Njuku a há̧na, mí kɛrɛ ɓá, hɛ̧ nɛ́ ɓá ɗaʼama lé, hɛ̧ké e ná ɓá ɗaʼama hí̧ nɛ́, ɓay tûl kɛrɛ ɓay nɔ́ a mɛ̌. 15Nyîn nɔ́ mí ziŋ yíra law ɓay a tûl hɛ̧ ka mɔ lâʼay lé, tɔ́ʼɔ ɓá, mɔ́ zi séséna ka ŋgboro a law zína nyá. Dáy, ɓay a tûl lâʼa, mɔ́ ná ɓá nyîn nɔ́ ɓɔ́l, mɛ̌, ka Kiris ziŋ hûl ɓay tûlé. 16Hɛ̧ ka ɓá hɛ̧ a béláké a gel a wǎyri, ké zi ná tɛ̧́ hɛ̧ ka e hí̧ ŋgboro hí̧ njuku a fékéri, a kú ɓew ɓay a wǎyri a bazeŋ kuriri. 17Katína lé Pû Mbây a Gáŋvbôn, zi tí ɓá hɛ̧lâʼa malé hɛ̧ nzóna lé yá, dáy Pû a Mbây a Gáŋvbôn, ɓá káwa a ndáráké, káwa a vónáké, káwa ɓil sáʼa, ka ŋgboro a Têm Pukí. 18Njuku ka niŋ péna Kiris nǎŋnɔ́, rí law a Gáŋvbôn, njukuri too zibɔʼɔ káwa a mɛ̌.
19Nǎŋnɔ́ dáy, ná ɛ́ hɛ̧ ka e hí̧ káwa a vónáké, rá̧ ŋgboro hɔ̧́ mbêw sé mbɛl a ɓil láɓulaw a manárí̧. 20Ɓay tûl lâʼa, mɔ́ zi ná ɓew péna a Gáŋvbôn. Katína, lâʼa too belbéla, dáy zi belyá, ɓay a sɔ̧́lâʼa ka e ɓá nyîn nɔ́ lé ɓil ɓékéhɛ̧. 21Zi belɓá, mɔ́ sɔ̧́ háy yá, mɔ́ nzó vôn nyá, a mɔ́ sáŋ hɛ̧ri̧ too, ka e ɓá nyîn nɔ́, lé ɓil ɓékéhɛ̧. 22Láɓulaw a ka mɔ erúy, mɔ́ koro ɓay a mɔ̌ a mbɛl a Gáŋvbôn. Béla hí̧ njuku, ka zi ɓá ɓay ŋgbá nɛ́ ka mûn nɛ́ nyá, sé tûl hɛ̧ niŋa a mɛ̌y. 23Dáy, njuku ka sɔ̧́lâʼa ka law lúnay, Gáŋvbôn ɓá ɓay ŋgbá nɛ́ dá, ɓayhí̧lé, ké zi niŋ ka ŋgboro a láɓulaw yá. Hɛ̧ too ka zi gí ka ŋgboro a láɓulaw yáy, ɓá ɓéké.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL