Rɔmɛri̧ 13
13
Lá nzáʼa hí̧ Lásarari
1Njuku too, kú lá nzáʼa hí̧ lásarari, a kú ɓá kuriri kaw. Ɓayhí̧lé, kpɔ́ŋa too gí ka gel a Gáŋvbôn, dáy kpɔ́ŋári̧ too ka erú, ɓá Gáŋvbôn pé ɓá ka̧n. 2Ɓaykénɔ́, pé njuku mí kpútûl kuu lásarari lé, ké kpútûl ziŋ hɛ̧ ka Gáŋvbôn mɔny. Dáy njukuri ka kpútûl kuu lásarari, e kɔʼɔ walɓay a Gáŋvbôn gí tûl a kuriri. 3Tí ɓá njukuri ka niŋ hɛ̧ béláké, pé ŋgú wɔ́w a njuku walɓayri yá, ɓá njukuri ka niŋ hɛ̧ a belyáké. Dáy, mɔ́ zi ŋgú wɔ́w a lásarari yá lé? Nǎŋnɔ́ lé, mɔ́ niŋ hɛ̧ a béláké dalé mɔ e ziŋ ɗéla a kuriri. 4Ɓayhí̧lé njuku walɓayri, ɓá njukupéna a Gáŋvbôn, ɓay tûl béla a mɔ̌. Dáy, mɔ̌ mí niŋ hɛ̧ a belyáké lé, mɔ́ ŋgú wɔ́w! Ɓayhí̧lé tí ɓá ɓǎŋ pé kú erú ka kpɔ́ŋa ɓay kú ɓá njukuri tɔ́ʼɔsêey yá, kú kaw ɓá njukupéna a Gáŋvbôn, ɓay a káŋ njuku rá̧ ɓay a tɔ́ʼɔ hɛ́rɛ a Gáŋvbôn kɔ́ tûl a njukuri, ka niŋ belyáy. 5Ɓaykénɔ́ pé belɓá, njuku ké lá nzáʼa a lásarari, tí ɓá ɓay a ŋgú hɛ́rɛ a Gáŋvbôn mbɛ́ŋ nyá, ɓá ɓay a tûl kɛrɛ a law a manárí̧.
6Ɓaykénɔ́ kɔ́, pé i pû lambôri. Ɓayhí̧lé lásarari too, ɓá njukupéna a Gáŋvbôn, ɓay a niŋ pénáké too ka ŋgboroké ɓá béláké. 7Í niŋ hí̧ njukuri too, hɛ̧ ka ɓá hɛ̧ niŋa hí̧ kuriri. Í pú lambô hí̧ njukuri ka i e pú lambô hí̧ kuriri, a lari tûl hɛ̧ sɔ́ʼɔri too, hí̧ njukuri ka i e hí̧ kuriri. Í tɔ́ʼɔ hɛʼɛ hɛ̧ hí̧ njukuri ka i e hɛʼɛ kuriri, a i hɔ̧́ njukuri, ka i e hɔ̧́ kuriri.
Zína a mbɔ́ŋnɔ́
8Í zi ná e ka túna a njuku a há̧na mbêw ka tûl a wǎyri, mí tí ɓá zína a bazeŋ a wǎyri yáy. Ɓayhí̧lé, njuku ka zi mbɛ́ŋnɛ́, ké tɔ́ŋ sáŋna a Gáŋvbôn. 9Katína, nzáʼapéna a sáŋna sa ɓá: «Mɔ́ niŋ dala yá, mɔ́ í hûl yá, mɔ́ ríw yá, mɔ́ ɓá law ka̧n tûl hɛ̧ a njuku yá», rá̧ sáŋna a fékéri too mára̧ a ɓil sáŋna nɛ́ mbêw: «Mɔ zi mbɔ́ŋnɔ́, ɓá báŋké ka mɔ́ zi mûn nɔ́y!» 10Njuku ka erú ka zínay, zi niŋ ɓéké a há̧na mbêw hí̧ mbɛ́ŋnɛ́ nyá. Nǎŋnɔ́, zína ɓá niŋ hɛ̧ too ka nzáʼapéna a sáŋna vbíy.
Káwa dɛ́ŋ zoko sé gína a Kiris
11E ka nɛ́rɛ̧ mambá, ɓay a i tu nâm ka i e a ɓilké a ŋgɛŋnɛ́y: nâm ka e a ɓilkéy, ɓá sɛl a sêe ka belɓá i toma ka nâm! Ɓayhí̧lé, sêe ka ná láɓulaw hí̧ Kiris, pɛ̧́na e ɓá ɗínáké ɓáy, dáy ŋgɛŋnɛ́, ké gí ɗɛ́ŋ kuu manárí̧ dá. 12Sû̧ŋ sé ɗí dá, zaa gelé gel ké táŋ, ná pɔŋ péna a belyákéri ka niŋ ɓá ɓil tirí̧may, a ná fa̧ hɛ̧bére a geltáŋari̧. 13Ná sé bɔʼɔséna a law mbêw ɓá báŋa bɔʼɔséna a ɓil geltáŋay. Ná koro tûl a manárí̧ ka sɔ̧́lâʼa táŋ ŋgboroké rá̧ távôn, niŋ dala rá̧ káwa táŋ ŋgboroké, ɛ́ ɓayri rá̧ káwa sɛ́rɛ. 14Dáy, í mbí Gáŋmbây Zezú Kiris, a í ri ka̧n mûn a wǎyri, ɓá báŋa gári, a í zi ná tɔ́ŋ ɓá kɛrɛ a hay mûn, ɓay a niŋ hɛ̧ a ké ziy.
Currently Selected:
Rɔmɛri̧ 13: pnz
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL
Rɔmɛri̧ 13
13
Lá nzáʼa hí̧ Lásarari
1Njuku too, kú lá nzáʼa hí̧ lásarari, a kú ɓá kuriri kaw. Ɓayhí̧lé, kpɔ́ŋa too gí ka gel a Gáŋvbôn, dáy kpɔ́ŋári̧ too ka erú, ɓá Gáŋvbôn pé ɓá ka̧n. 2Ɓaykénɔ́, pé njuku mí kpútûl kuu lásarari lé, ké kpútûl ziŋ hɛ̧ ka Gáŋvbôn mɔny. Dáy njukuri ka kpútûl kuu lásarari, e kɔʼɔ walɓay a Gáŋvbôn gí tûl a kuriri. 3Tí ɓá njukuri ka niŋ hɛ̧ béláké, pé ŋgú wɔ́w a njuku walɓayri yá, ɓá njukuri ka niŋ hɛ̧ a belyáké. Dáy, mɔ́ zi ŋgú wɔ́w a lásarari yá lé? Nǎŋnɔ́ lé, mɔ́ niŋ hɛ̧ a béláké dalé mɔ e ziŋ ɗéla a kuriri. 4Ɓayhí̧lé njuku walɓayri, ɓá njukupéna a Gáŋvbôn, ɓay tûl béla a mɔ̌. Dáy, mɔ̌ mí niŋ hɛ̧ a belyáké lé, mɔ́ ŋgú wɔ́w! Ɓayhí̧lé tí ɓá ɓǎŋ pé kú erú ka kpɔ́ŋa ɓay kú ɓá njukuri tɔ́ʼɔsêey yá, kú kaw ɓá njukupéna a Gáŋvbôn, ɓay a káŋ njuku rá̧ ɓay a tɔ́ʼɔ hɛ́rɛ a Gáŋvbôn kɔ́ tûl a njukuri, ka niŋ belyáy. 5Ɓaykénɔ́ pé belɓá, njuku ké lá nzáʼa a lásarari, tí ɓá ɓay a ŋgú hɛ́rɛ a Gáŋvbôn mbɛ́ŋ nyá, ɓá ɓay a tûl kɛrɛ a law a manárí̧.
6Ɓaykénɔ́ kɔ́, pé i pû lambôri. Ɓayhí̧lé lásarari too, ɓá njukupéna a Gáŋvbôn, ɓay a niŋ pénáké too ka ŋgboroké ɓá béláké. 7Í niŋ hí̧ njukuri too, hɛ̧ ka ɓá hɛ̧ niŋa hí̧ kuriri. Í pú lambô hí̧ njukuri ka i e pú lambô hí̧ kuriri, a lari tûl hɛ̧ sɔ́ʼɔri too, hí̧ njukuri ka i e hí̧ kuriri. Í tɔ́ʼɔ hɛʼɛ hɛ̧ hí̧ njukuri ka i e hɛʼɛ kuriri, a i hɔ̧́ njukuri, ka i e hɔ̧́ kuriri.
Zína a mbɔ́ŋnɔ́
8Í zi ná e ka túna a njuku a há̧na mbêw ka tûl a wǎyri, mí tí ɓá zína a bazeŋ a wǎyri yáy. Ɓayhí̧lé, njuku ka zi mbɛ́ŋnɛ́, ké tɔ́ŋ sáŋna a Gáŋvbôn. 9Katína, nzáʼapéna a sáŋna sa ɓá: «Mɔ́ niŋ dala yá, mɔ́ í hûl yá, mɔ́ ríw yá, mɔ́ ɓá law ka̧n tûl hɛ̧ a njuku yá», rá̧ sáŋna a fékéri too mára̧ a ɓil sáŋna nɛ́ mbêw: «Mɔ zi mbɔ́ŋnɔ́, ɓá báŋké ka mɔ́ zi mûn nɔ́y!» 10Njuku ka erú ka zínay, zi niŋ ɓéké a há̧na mbêw hí̧ mbɛ́ŋnɛ́ nyá. Nǎŋnɔ́, zína ɓá niŋ hɛ̧ too ka nzáʼapéna a sáŋna vbíy.
Káwa dɛ́ŋ zoko sé gína a Kiris
11E ka nɛ́rɛ̧ mambá, ɓay a i tu nâm ka i e a ɓilké a ŋgɛŋnɛ́y: nâm ka e a ɓilkéy, ɓá sɛl a sêe ka belɓá i toma ka nâm! Ɓayhí̧lé, sêe ka ná láɓulaw hí̧ Kiris, pɛ̧́na e ɓá ɗínáké ɓáy, dáy ŋgɛŋnɛ́, ké gí ɗɛ́ŋ kuu manárí̧ dá. 12Sû̧ŋ sé ɗí dá, zaa gelé gel ké táŋ, ná pɔŋ péna a belyákéri ka niŋ ɓá ɓil tirí̧may, a ná fa̧ hɛ̧bére a geltáŋari̧. 13Ná sé bɔʼɔséna a law mbêw ɓá báŋa bɔʼɔséna a ɓil geltáŋay. Ná koro tûl a manárí̧ ka sɔ̧́lâʼa táŋ ŋgboroké rá̧ távôn, niŋ dala rá̧ káwa táŋ ŋgboroké, ɛ́ ɓayri rá̧ káwa sɛ́rɛ. 14Dáy, í mbí Gáŋmbây Zezú Kiris, a í ri ka̧n mûn a wǎyri, ɓá báŋa gári, a í zi ná tɔ́ŋ ɓá kɛrɛ a hay mûn, ɓay a niŋ hɛ̧ a ké ziy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 CABTAL