Nchipo na Solomoni 7
7
Musombwe
1We namwalli a mwene,
manyallwaawo tti ooreera
musapatoni owanreewennddo.
Akasambaraawo ahoopeya phaama
wonanko malluku oowallamella mutengo,
oosemiwa ni muthu eeruso.
2Ntukhwa nawo niri wonanko kapu oovillikeya phaama,
oyo ahinawelleella vinyo oottakanyihera.
Erukullwaawo tti wonanko nipwiddi na tirigu,
nowaapheelliwa ni malluwa ooreera.
3Mapellaawo meelli tti wonanko anapattha a epaalla.
4Nikohi nawo tti noorekama
wonanko nttattha na manyaka na ethepo.
Miitthwaawo tti wonanko ehime dda o Heshiboni,
nnddo ddiri vakhuviru ni mullako wa o Batirabimu.
Ephunaawo tti wonanko nttattha na o Lebanoni,
nooweha o Damasiko.
5Murwaawo wohiimella phaama
wonanko mwaango wa Karimele.
Meehaawo tti ooripa phaama ni oowala.
Oreera woofiira wiwa#7.5 Oreera…wiwa: Mawu yaalla mu Eheberi kheniiweya phaama. onnamukusa murima naari mwene.
6Wooreeresesa, onnahakallalliha!
We ookondiwaaka, namwalli oohakallallihesesa.
7Orekama wawo tti wonanko muteekho wa mukwarangwa,
mapellaawo tti wonanko ntthatta na ezipaso.
8Kaallota wi, kiwelle mukwarangooyo,
kiphare ezipaso ddiwa.
Mapellaawo ekhalle wonanko matthatta a mpesa,
wunkhella wa mpweyaawo okhalle wonanko mapulosi.
9Eyanwaawo ekhalle wonanko vinyo ooddivesesa,
oomorella vayanoni ni vamiinoni.#7.9: Ottaphullella wakhalle waamodda: Vayanoni ni vamiinoni; mu Eheberi mookhalla mawu awi eyano dda ayo enakona.
Namwalli
10Mi tti a ookondiwaaka,
munkhellaaye muttheene ori va miyaano.
11Hanko niye o emata, ookondiwaaka,
niye nakone m'malluwani awunkhella.#7.11 m'malluwani awunkhella: apaalle muwaani.
12Hanko nipehe ohinase oya o emata ddampesa,
noone mipesa ddaarimi ddiphuwalle,
ddaarimi ddaambille wooniha anamwani a ezipaso
navettho makangaza yaarimi ettaphullalle malluwa.
Wenko kineerowooniha echikondaaka.
13Miteekho dda murete woohura ddinnunkhellesesa,
vaatte vahu vookhalla ezipaso ddooddiva,
ddakhalle ni ddisha,
kuusungenlleemi, we ookondiwaaka.
Currently Selected:
Nchipo na Solomoni 7: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Nchipo na Solomoni 7
7
Musombwe
1We namwalli a mwene,
manyallwaawo tti ooreera
musapatoni owanreewennddo.
Akasambaraawo ahoopeya phaama
wonanko malluku oowallamella mutengo,
oosemiwa ni muthu eeruso.
2Ntukhwa nawo niri wonanko kapu oovillikeya phaama,
oyo ahinawelleella vinyo oottakanyihera.
Erukullwaawo tti wonanko nipwiddi na tirigu,
nowaapheelliwa ni malluwa ooreera.
3Mapellaawo meelli tti wonanko anapattha a epaalla.
4Nikohi nawo tti noorekama
wonanko nttattha na manyaka na ethepo.
Miitthwaawo tti wonanko ehime dda o Heshiboni,
nnddo ddiri vakhuviru ni mullako wa o Batirabimu.
Ephunaawo tti wonanko nttattha na o Lebanoni,
nooweha o Damasiko.
5Murwaawo wohiimella phaama
wonanko mwaango wa Karimele.
Meehaawo tti ooripa phaama ni oowala.
Oreera woofiira wiwa#7.5 Oreera…wiwa: Mawu yaalla mu Eheberi kheniiweya phaama. onnamukusa murima naari mwene.
6Wooreeresesa, onnahakallalliha!
We ookondiwaaka, namwalli oohakallallihesesa.
7Orekama wawo tti wonanko muteekho wa mukwarangwa,
mapellaawo tti wonanko ntthatta na ezipaso.
8Kaallota wi, kiwelle mukwarangooyo,
kiphare ezipaso ddiwa.
Mapellaawo ekhalle wonanko matthatta a mpesa,
wunkhella wa mpweyaawo okhalle wonanko mapulosi.
9Eyanwaawo ekhalle wonanko vinyo ooddivesesa,
oomorella vayanoni ni vamiinoni.#7.9: Ottaphullella wakhalle waamodda: Vayanoni ni vamiinoni; mu Eheberi mookhalla mawu awi eyano dda ayo enakona.
Namwalli
10Mi tti a ookondiwaaka,
munkhellaaye muttheene ori va miyaano.
11Hanko niye o emata, ookondiwaaka,
niye nakone m'malluwani awunkhella.#7.11 m'malluwani awunkhella: apaalle muwaani.
12Hanko nipehe ohinase oya o emata ddampesa,
noone mipesa ddaarimi ddiphuwalle,
ddaarimi ddaambille wooniha anamwani a ezipaso
navettho makangaza yaarimi ettaphullalle malluwa.
Wenko kineerowooniha echikondaaka.
13Miteekho dda murete woohura ddinnunkhellesesa,
vaatte vahu vookhalla ezipaso ddooddiva,
ddakhalle ni ddisha,
kuusungenlleemi, we ookondiwaaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.