Nchipo na Solomoni 6
6
Anamwalli
1We ooreeresesa mwa anamwalli attheene,
ethiyo ookondiwaawo akelle wuuwi?
Ethiyo ookondiwaawo avollowelle vaavi,
wi nuukavihere omwaashaasha?
Namwalli
2Ookondiwaaka akitthenlle o emataaye,
o mikhuttu dda mmiddo wawunkhella.
Akelle achihe eziweto ddaye o emata,
akelle arukulle malluwa ooreera.
3Ookondiwaaka tti aakaaka
nave miyaano tti aayaaye.
Anachiha eziweto ddaye variyari va malluwa.
Nchipo naneesese
Musombwe
4We ookondiwaaka, ori ooreera wonanko muzinda wa Tiriza,
awooneya phaama wonanko Yerusalemu,
awoopiha wonanko allupa ekhoto eembendela.#6.4 awoopiha…embendela: Mawu yaalla mu Eheberi kheniiweya phaama.
5Ohikiwehesese,
miitthwaawo ennakikusa murima.
Meehaawo tti ooripa mooreera
wonanko epuri ddinakitthella
o miyaango dda o Giliyadi.
6Miinwaawo tti aweella wonanko enkhosa,
ddoovenyera wene woohapihiwa.
Miino mattheene tti ookumanella phaama,
kheviri nihonga naari nimodda.
7Otulli wa ekuwaawo yookhuneellana ekhove,
maramaawo ennawala.
8Va awaramwene uullupalli 60
nave awariye ang'onong'ono 80
navettho anamwalli ooheerengeya,
9ekhundaaka, aphaamaaka tti mmoddave.
Ayariwemo yeekha mwa amennya,
tti a vamurimani a amennya.
Anamwalli emoonille yaamuromolla oodala,
naari awaramwene uullupalli
owaaka ang'onong'ono yaamuriiha.
10Ttaani oyo anakhuma wonanko ohinase,
ooreera wonanko mweeri,
oowala wonanko nndduwa,
awoopiha wonanko allupa ekhoto eembendela?#6.10 awoopiha…embendela: Mawu yaalla mu Eheberi kheniiweya phaama.
11Kaakitthella o emata ya muteza wa alimondi,
wi koone munyepu wa otapo,
wi koone mipesa ddaarimi ddiphuwalle,
ezipaso ddamakangaza ddaarimi ddittaphunlle malluwa.
12Kihinadduwelle erive ello,
kakhanlle wonanko kinalloha
kiri mugaretani na mwene.#6.12: Mu Eheberi evesi yeella kheniiweya phaama.
13Hokollowa, hokollowa,#6.13 Hokollowa, hokollowa: apaalle Ina, ina. we Musulami?
Hokollowa wi nuuwehesese.
Namwalli
Ethiyo yookiwehesesella miyaano Musulami tti tini,
kaawiinaka variyari va mizere miilli?
Currently Selected:
Nchipo na Solomoni 6: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Nchipo na Solomoni 6
6
Anamwalli
1We ooreeresesa mwa anamwalli attheene,
ethiyo ookondiwaawo akelle wuuwi?
Ethiyo ookondiwaawo avollowelle vaavi,
wi nuukavihere omwaashaasha?
Namwalli
2Ookondiwaaka akitthenlle o emataaye,
o mikhuttu dda mmiddo wawunkhella.
Akelle achihe eziweto ddaye o emata,
akelle arukulle malluwa ooreera.
3Ookondiwaaka tti aakaaka
nave miyaano tti aayaaye.
Anachiha eziweto ddaye variyari va malluwa.
Nchipo naneesese
Musombwe
4We ookondiwaaka, ori ooreera wonanko muzinda wa Tiriza,
awooneya phaama wonanko Yerusalemu,
awoopiha wonanko allupa ekhoto eembendela.#6.4 awoopiha…embendela: Mawu yaalla mu Eheberi kheniiweya phaama.
5Ohikiwehesese,
miitthwaawo ennakikusa murima.
Meehaawo tti ooripa mooreera
wonanko epuri ddinakitthella
o miyaango dda o Giliyadi.
6Miinwaawo tti aweella wonanko enkhosa,
ddoovenyera wene woohapihiwa.
Miino mattheene tti ookumanella phaama,
kheviri nihonga naari nimodda.
7Otulli wa ekuwaawo yookhuneellana ekhove,
maramaawo ennawala.
8Va awaramwene uullupalli 60
nave awariye ang'onong'ono 80
navettho anamwalli ooheerengeya,
9ekhundaaka, aphaamaaka tti mmoddave.
Ayariwemo yeekha mwa amennya,
tti a vamurimani a amennya.
Anamwalli emoonille yaamuromolla oodala,
naari awaramwene uullupalli
owaaka ang'onong'ono yaamuriiha.
10Ttaani oyo anakhuma wonanko ohinase,
ooreera wonanko mweeri,
oowala wonanko nndduwa,
awoopiha wonanko allupa ekhoto eembendela?#6.10 awoopiha…embendela: Mawu yaalla mu Eheberi kheniiweya phaama.
11Kaakitthella o emata ya muteza wa alimondi,
wi koone munyepu wa otapo,
wi koone mipesa ddaarimi ddiphuwalle,
ezipaso ddamakangaza ddaarimi ddittaphunlle malluwa.
12Kihinadduwelle erive ello,
kakhanlle wonanko kinalloha
kiri mugaretani na mwene.#6.12: Mu Eheberi evesi yeella kheniiweya phaama.
13Hokollowa, hokollowa,#6.13 Hokollowa, hokollowa: apaalle Ina, ina. we Musulami?
Hokollowa wi nuuwehesese.
Namwalli
Ethiyo yookiwehesesella miyaano Musulami tti tini,
kaawiinaka variyari va mizere miilli?
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.