Yesaya 4

1Enthawi yeeyo atthiyana atthanu ni eelli eneeromwaakanella mullopwana mmodda ni ollota wi, “Hi niniichiheke ni wiiwariha weekhiihu, weyaano weeremoona onaakhullella wi neeriweke awariyo wi nihiye owulliwa muru.”

Yerusalemu aneeromakiwattho

2Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla. 3Vano oohalla o Ziyoni, ootthoolliwa ni Mulluku wi ekhalle ni okumi o Yerusalemu, eneeroromolliwa oopatuleya. 4Vaavo Apwiya enaakhalle yaahapihalle athu a o Ziyoni ni ovenyihavo ddoonanara ddiwa nave enaakhalle ehuwalle nikhame nno nahelliwe mu Yerusalemu. Eneere ddenndda ni munepa waweeruza ni waweelliha ni munllo. 5#Eks 13.21; 24.16Sika Apwiya eneerohuruwella mwaango muttheene wa Ziyoni ni athwiiwa ni murapo otthaana ni mwiisi owaaka munllo woowala mahiiyu. 6Ntitimiho niwa ninaakhalle muuthuuchi woothawellamo oviha wa otthaana nave ninaakhalle nipuro noomuthawellamo namondwe ni murimu.

Currently Selected:

Yesaya 4: MW2019

Highlight

Copy