Jonás 2
2
Da nqouagaxainaxac so Jonás
1Ca co'na' so Jonás co'na' hueetagui na lauel so nallin lodegaxat, ca' nqouagaxaintacot ñi la'gaxala' qota'olec. 2'Naaco' na' nqouagaxain:
Nagui ỹaatqajam seuetaugui na i'xoric, ca soỹaxanot qami', qami' ỹa'gaxala',
ca' saachichiguit aỹim.
Mashic ypa'xantañi da nelauaxa,
ca' soỹaxanot qami', ca' qami' na'xaỹaxañiriua'.
3Yinaqairi'ña na paguec pa'aañi cana huaaxai,
na lo'paxaripi lepachigui aỹim.
Nelachi' na paguec lecaic lo'paxaripi,
ca' quelec aỹim.
4Ca' ñauate'e quiyim 'ec yo'yirauec,
ca 'neetapigui iuel quiyim tot seuana ca ra'aachi' co'teeta.
5Na huaxaỹaq ỹapojlem aỹim quena pa'aañi cana huaaxai,
ana qol lepachigui na iqahic.
6Ỹaatqajam seyinñi sovira'ña na lqodoc na qaica 'nejem lishigui'ña;
ỹaatqajam 'ec mashic polec aỹim quena 'laua.
Qalaxam qami' ỹa'gaxala' qota'olec caỹim,
yca'laxachirec queso nelauaxa.
7Na' ñauata'uegue mashic eec dá'ogue da iquesaxanaxa,
ca' so'leente'e qami', qami' ỹa'gaxala';
ca' da ñqouagaxainaxac ỹoviro'ot qami' quiyí'maq ñi'sa'ñi ra'aachi' co'teeta.
8Ná'maq huelec na nashiilec nqolaquipi,
na'maxare ỹaxanñi quiyim huelec qami'.
9Qam ỹim saantacot qami' da ña'aachicyaxac,
chaqai queeta saanot qami' aca savigaxat ỹachitaxanataxanqate;
chaqai somachichigui ma'le da ỹa'qaatec sepacqajanchigui.
¡Qami' na'gaxala', chaqaqamite' shichi' ca'laqataxañi'!
10Co'na'le, ca' ñi qara'gaxala' ila' so nallin lodegaxat quiyim nesalegue so Jonás quiyi llima.
Currently Selected:
Jonás 2: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.