Ezequiel 43
43
Da lauaq ñi qara'gaxala' rapila añi no'ueenaxanaxaqui
1Ca' so ỹale yauega ñi lasom pa'a'gue da lqodoigue cañi no'ueenaxanaxaqui quiyi Jerusalén, 2chaqai seuana da lauaq ñi qota'olec quiyi Israel chicqa'gue da lqodoigue. Ca' 'ue so sa'xaỹaque 'xoic lelamaxa, 'ec da lelamaxa ana lachiugue quena' nqo'ñishiguim na huaxaỹaq. Ca' na 'laua re'qojlec. 3Da iuanaxanaxac 'nejem na' ñi qara'gaxala' novi' quiyim nopoxoỹaxajñi yi Jerusalén chaqai 'nejem só'maq na' seueto'ot na lahi aso lachiugue Quebar. Ca' ñqai'guiñi, soviraxata'guit na ỹatap na 'laua. 4Ca' da lauaq ñi qara'gaxala' inoxono quiñi no'ueenaxanaxaqui quiñi lasom pa'a'gue da lqodoigue.
5Ca na'le, ca' so lquesaxanaxa ñi qota'olec yanojshiguim, ca' yilla'ñi yi nedaaqa' pa'aauo, ca' seuana da lauaq ñi qara'gaxala' no'xataxachichigui ñi no'ueenaxanaxaqui. 6Ca' so ỹale huaxauo caỹim, ca' sa'xaỹaque ñi qara'gaxala' yitaxaỹaxantac 'maqatapougui ñi no'ueenaxanaxaqui. 7Ca 'neetapiguiỹa': Najo ná'maq hua'ñi ca ñqa'xanqa', ná'maq sco'ueeta'ñi; ca' sqaica lqodoc quiyim salequetaugui na llaalqaipi so Israel. Ca na'maxare chaqai na lashillipi tot yiualaxainari' quiyim se ỹaqamaxat da co'teeta ỹeenaxat: ca' tot liỹa no'xonshiguim ca ladenqatec lqui'i na lashillipi ná'maq mashic ileu, 8loqo'm quiyim no'xonshiguim ca 'imec lodegaxat quiyim ca lasom huaqato quiñi lasom ñi no'ueenaxanaxaqui, quiyim qaisoota so quiñigui na lavinñi. Ca na'maxare iualaxain da co'teeta ỹeenaxat quedá'maq lo'ueenataxanaxac se yqo'ta; ca vichiguiño' so'ỹa na'le yi'maxare, ca' so'uet quiyim ileu. 9Ca loỹoochihe'oga nagui caỹim dá'maq quiyim se raqamaxahi chaqai quiyim no'xoñishiguim na ladenqatec lqui'illipi na lashillipi, ca' ỹim seuetañigui lavinñi na llaalqaipi so Israel sqaica lqodoc.
(43.10—46.24 Ada dalaxaic ncopatoxonaxalate. Ñí'maq ishit inoxonougui ñi no'ueenaxanaxaqui. Nemaqachic quena' qaỹo'leente na' qoyique'e yi Egipto. Da lo'ueenataxanaxac ca nashi.)
Currently Selected:
Ezequiel 43: MCV91
Highlight
Copy
Compare
Share
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
