Minin nimi Da yiri-a ǹ boo
Da yiri-a ǹ boo
Izirayeli minin lɛn bɛ́ ǹ nə́ goã n binbirin boe diə gole gɔ́ɔ̃ nɛ, ǹ lɛ̀ pusi, ǹ nə́ tɔ́n dɔ Kanaan gána nɛ, Minin nimi ǹ sɛ́wɔ lɛ n bɛ boo diɛ.
Sɛ́wɔ lɛ tɔ n Minin nimi ǹ sɛ́wɔ, a giala Lawa a zaman lɛ a nimii boo tá a nɛ gunyin gigiã.
Sɛ́wɔ lɛ a boo na á n na kɔn bǎã dadara sɔɔ. A bǎã bibinaa nɛ (1.1—10.10), Dɛnaa Lawa na á pɛ Muizu ni mà a Izirayeli a zaman lɛ nimi, ǹ Levii tɔrɔn dɔn dí kɔ ǹ la. Bɛa bǎã bibinaa lɛ tá kiɛ̃mala ǹ zɔ́n zɛnaa dɔ boo diɛ.
Sɛ́wɔ lɛ a bǎã paabaa ǹ wɔ nɛ (10.11—21.20), zaman lɛ na á n toa Sinayii, ǹ nə́ zii saa ǹ nə́ die woe Kanaan gána nɛ. Lawa na á n lɛ kɔ mà asɛ á bɛa gána kɛ lɛ koe ǹ la. Nɔmaa gigiã nə́ ǹ yɛ zii tɔ lɛ gɔ́ɔ̃ nɛ, ǹ tɛn din ni, á n baa gù giɛ̃ lɛa ǹ ganaa. Ǹ nə́ goã n lɛ susuĩ Lawa laanka a dí-nyali Muizu li. Ǹ nə́ goã ǹ nə́ minin dia ka durii ni, ǹ nə́ woo ga Kanaan gána kɔɔ̃n kɔɔ̃n lɛ ganaa. Sɛnɛ nyɛ́ɛ goã zaman lɛ ganaa, ǹ nə́ n piã ǹ wɔ gána lɛ gɔ́ɔ̃-n wa. Bɛ lɛ nɛ, Lawa tɔ́n dɔlɔ bɔ ǹ ganaa, á ǹ kaa binbirin bɔ ganaa lɛ̀ pusi, diə gole ne.
Sɛ́wɔ lɛ a bǎã sɔɔbaa ǹ wɔ nɛ (21.21-36), Izirayeli minin lɛn man Zurdɛ̃ tà a lɛ̀giala gɔn la. Ǹ bɛ́ ǹ nə́ dɔ Amɔɔrɔ tɔrɔn gána nɛ, ǹ nə́ zia da kii min paa ganaa ǹ nə́ boo ǹ la: Sihɔn laanka Ɔgu ni. Moabu gána a kii dɔ goã, á lɛ dia Balaamu la, mà a da lɛn baraa bíi Lawa a zaman lɛ li, sɛnɛ Balaamu Lawa bɔlɔ si, á barka da zaman lɛ ganaa. Zurdɛ̃ tà a lɛ̀giala gɔn lɛ la, ǹ nə́ goã ǹ nə́ wusoo ǹ nə́ zaman lɛ nimi. Zozoe yii na á n gɔgɔɔ̃ Muizu a bǎã-saali lɛa. Bɛa sɛ́wɔ lɛ a bǎã sɔɔbaa ǹ wɔ kɛ lɛ nɛ, Lawa wusoo á dí-pɛn kɔ Muizu la, zɔ́nɔn laanka wúlu mànan wɔ paǹ li. Izirayeli minin gána lɛ gèlè bɛ́ re boe bǎãn mɛnɛn nɛ, Lawa bɛn dɔn nyaa.
Minin nimi ǹ sɛ́wɔ lɛ n Lawa a zaman lɛ boo diɛ, bɛa zaman mɛn lɛ á ke a gù gã, nyɛ́ɛ-baali lɛa, ǹ nə́ n gòãn dii Lawa din laanka a dí-nyali Muizu ganaa. Sɛnɛ a laanka bɛ yii ni, Lawa goã kun ka a zaman lɛ nɛ. A ǹ toa diə gole lɛ nɛ, á ǹ tamaa. Á barka da ǹ ganaa, á toa ǹ nə́ boo ǹ zɔ́ɔn la.
Sɛ́wɔ lɛ a boo mìi dadaran:
Zaman lɛ a nimii, 1—4
Dí-pɛ tɔrɔ tɔtɔ ka Levii tɔrɔn koa, 5—8
Kiɛ̃mala ǹ zɔ́n zɛnaa, 9.1—10.10
Zaman lɛ zii saa a wo Kanaan gána nɛ, 10.11—21.35
Izirayeli minin tá Moabu gána a nyankɔrɔ lɛ nɛ, 22—32
Izirayeli minin lɛn zii tɔ, a kũ ǹ soo Ezipti-n ganaa, 33.1-49
Lawa a sii zɛnaa ǹ gɔnɔn nyaa, 33.50—36.13.
Currently Selected:
Minin nimi Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Minin nimi Da yiri-a ǹ boo
Da yiri-a ǹ boo
Izirayeli minin lɛn bɛ́ ǹ nə́ goã n binbirin boe diə gole gɔ́ɔ̃ nɛ, ǹ lɛ̀ pusi, ǹ nə́ tɔ́n dɔ Kanaan gána nɛ, Minin nimi ǹ sɛ́wɔ lɛ n bɛ boo diɛ.
Sɛ́wɔ lɛ tɔ n Minin nimi ǹ sɛ́wɔ, a giala Lawa a zaman lɛ a nimii boo tá a nɛ gunyin gigiã.
Sɛ́wɔ lɛ a boo na á n na kɔn bǎã dadara sɔɔ. A bǎã bibinaa nɛ (1.1—10.10), Dɛnaa Lawa na á pɛ Muizu ni mà a Izirayeli a zaman lɛ nimi, ǹ Levii tɔrɔn dɔn dí kɔ ǹ la. Bɛa bǎã bibinaa lɛ tá kiɛ̃mala ǹ zɔ́n zɛnaa dɔ boo diɛ.
Sɛ́wɔ lɛ a bǎã paabaa ǹ wɔ nɛ (10.11—21.20), zaman lɛ na á n toa Sinayii, ǹ nə́ zii saa ǹ nə́ die woe Kanaan gána nɛ. Lawa na á n lɛ kɔ mà asɛ á bɛa gána kɛ lɛ koe ǹ la. Nɔmaa gigiã nə́ ǹ yɛ zii tɔ lɛ gɔ́ɔ̃ nɛ, ǹ tɛn din ni, á n baa gù giɛ̃ lɛa ǹ ganaa. Ǹ nə́ goã n lɛ susuĩ Lawa laanka a dí-nyali Muizu li. Ǹ nə́ goã ǹ nə́ minin dia ka durii ni, ǹ nə́ woo ga Kanaan gána kɔɔ̃n kɔɔ̃n lɛ ganaa. Sɛnɛ nyɛ́ɛ goã zaman lɛ ganaa, ǹ nə́ n piã ǹ wɔ gána lɛ gɔ́ɔ̃-n wa. Bɛ lɛ nɛ, Lawa tɔ́n dɔlɔ bɔ ǹ ganaa, á ǹ kaa binbirin bɔ ganaa lɛ̀ pusi, diə gole ne.
Sɛ́wɔ lɛ a bǎã sɔɔbaa ǹ wɔ nɛ (21.21-36), Izirayeli minin lɛn man Zurdɛ̃ tà a lɛ̀giala gɔn la. Ǹ bɛ́ ǹ nə́ dɔ Amɔɔrɔ tɔrɔn gána nɛ, ǹ nə́ zia da kii min paa ganaa ǹ nə́ boo ǹ la: Sihɔn laanka Ɔgu ni. Moabu gána a kii dɔ goã, á lɛ dia Balaamu la, mà a da lɛn baraa bíi Lawa a zaman lɛ li, sɛnɛ Balaamu Lawa bɔlɔ si, á barka da zaman lɛ ganaa. Zurdɛ̃ tà a lɛ̀giala gɔn lɛ la, ǹ nə́ goã ǹ nə́ wusoo ǹ nə́ zaman lɛ nimi. Zozoe yii na á n gɔgɔɔ̃ Muizu a bǎã-saali lɛa. Bɛa sɛ́wɔ lɛ a bǎã sɔɔbaa ǹ wɔ kɛ lɛ nɛ, Lawa wusoo á dí-pɛn kɔ Muizu la, zɔ́nɔn laanka wúlu mànan wɔ paǹ li. Izirayeli minin gána lɛ gèlè bɛ́ re boe bǎãn mɛnɛn nɛ, Lawa bɛn dɔn nyaa.
Minin nimi ǹ sɛ́wɔ lɛ n Lawa a zaman lɛ boo diɛ, bɛa zaman mɛn lɛ á ke a gù gã, nyɛ́ɛ-baali lɛa, ǹ nə́ n gòãn dii Lawa din laanka a dí-nyali Muizu ganaa. Sɛnɛ a laanka bɛ yii ni, Lawa goã kun ka a zaman lɛ nɛ. A ǹ toa diə gole lɛ nɛ, á ǹ tamaa. Á barka da ǹ ganaa, á toa ǹ nə́ boo ǹ zɔ́ɔn la.
Sɛ́wɔ lɛ a boo mìi dadaran:
Zaman lɛ a nimii, 1—4
Dí-pɛ tɔrɔ tɔtɔ ka Levii tɔrɔn koa, 5—8
Kiɛ̃mala ǹ zɔ́n zɛnaa, 9.1—10.10
Zaman lɛ zii saa a wo Kanaan gána nɛ, 10.11—21.35
Izirayeli minin tá Moabu gána a nyankɔrɔ lɛ nɛ, 22—32
Izirayeli minin lɛn zii tɔ, a kũ ǹ soo Ezipti-n ganaa, 33.1-49
Lawa a sii zɛnaa ǹ gɔnɔn nyaa, 33.50—36.13.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.