Minin nimi 3
3
Levii tɔrɔn man dí nyɛɛ Lawa a wúlu-bɔlen giulun
1Dɛnaa Lawa bɛ́ boo diɛ ka Muizu ni biikoo mɛn li, Sinayii kele la, min mɛnɛn nə goã Aarɔn laanka Muizu a kion minin lɛa, bɛn man ka kɛn nɛ: 2#MNS 26.60. Aarɔn a nɛgiĩn tɔn nə́ ke: a gɔn binaa nɛ Nadaabu ni, bɛ kio, Abiu ni, Eleyazaara nɛ, ka Itamaara nɛ. 3Aarɔn a nɛgiĩn lɛn tɔn man ka bɛn nɛ. Maǹ nə́ nyɔɔ lɔ ǹ ganaa ǹ nə́ ǹ bɔ ǹ nə́ ǹ koa Lawa a wúlu-bɔlen lɛa, ǹ nə́ Lawa a wúlu bɔ ǹ dí wɔ ǹ gɔn. 4#LWS 10.1-2; MNS 26.61. Nadaabu laanka Abiu gã Dɛnaa Lawa yɔrɔ-a, a giala maǹ nə́ goã ǹ nə́ woo ka tɛ soree ne a yɔrɔ-a. Ǹ nə́ gã Sinayii diə gole kɛ nɛ, ǹ nə́ ǹ nɛ yɛ wa. Eleyazaara laanka Itamaara nɛ, bɛn sɛn man nə́ goã wúlu bɔ ǹ dí lɛ nyɛɛ ǹ di Aarɔn lɛ yii ni. 5Dɛnaa Lawa boo da ka Muizu ni á pɛ: 6«*Levii tɔrɔn lɛn bii ǹ nə n wɔlɔ kunu kɔ, n nə ǹ kɔ Lawa a wúlu-bɔle Aarɔn la, màn mɛn bɛ́ toɛ ǹ nə ǹ dɔ lɛ. 7Ǹ tá re goɛ̃ dí nyɛɛ Aarɔn laanka Izirayeli zaman lɛ tumaa nɛ, kɔn yɛ ka Lawa nɛ ǹ kion kɛ yɔrɔ-a, màn mɛn bɛ́ toɛ ǹ kion lɛ a sii yɔrɔ bɔ. 8Ǹ tá re giɛ kɔn yɛ ka Lawa nɛ ǹ kion lɛ a màn bisinin tumaa walan, n kion lɛa sii yɔrɔ bɔ Izirayeli minin lɛa. 9N die n Levii tɔrɔn lɛn kɔ Aarɔn laanka a nɛgiĩn la kəni. Ǹ tá re n boe Izirayeli minin lɛn bii ǹ nə n kɔ Aarɔn laanka a nɛgiĩn lɛn la a tɔ-a. 10N die n Aarɔn laanka a minin kaa ǹ dí lɛ la, màn mɛn bɛ́ toɛ ǹ nə ǹ wúlu bɔ ǹ dí lɛ nya. Min kooro mɛn bɛ́ re n mɔrɛ, ǹ dɛnaa nyin nə n boe.»
11Dɛnaa Lawa wusoo á pɛ Muizu ni: 12«Á ke: Ma din ni má Levii tɔrɔn lɛn yii gɔgɔɔ̃ Izirayeli min gialakun lɛ tumaa bii. Maǹ dí nyɛɛ masɛ nɛ, ǹ nə́ Izirayeli zaman lɛ a nɛgiĩ bibinaan tumaa bǎã nɛ. Levii tɔrɔn lɛn man masɛ wɔn lɛa. 13#BBN 13.2. A giala gɔn binaa nɛ tumaa n masɛ wɔ lɛa. Ma nɛ bibinaan tumaa dɛ Ezipti gána nɛ ǹ mɛn pinaa, man má Izirayeli minin nɛgiĩ bibinaan tumaa baa ma din wɔn lɛa, ka ǹ tɔɔn nɛ bibinaan nɛ. Maǹ masɛ wɔn lɛa. Ma din ni Dɛnaa Lawa lɛa.»
Levii tɔrɔn tumaa nimii
14Dɛnaa Lawa pɛ Muizu ni Sinayii diə gole ne: 15«Levii tɔrɔn lɛn nimi sumu lɛ yii li, tanlɛ yii li: n die n nə ǹ giĩn tumaa nimi, a kũ mui goon nɛn ganaa a wo lon.» 16Muizu tɔ́n Levii tɔrɔn giĩn lɛn nimi á kɔnpɛ ka Dɛnaa Lawa a boo lɛ nɛ. Dɛnaa Lawa nə n gɔn waa-n lɔn, a na á zɛnaa á kɔnpɛ ka bɛ nɛ.
17Levii a minin tɔn nə́ ke: Gɛrsɔn nɛ, Keyati ni, ka Meraarii ni. 18Gɛrsɔn a nɛnyaanan man ka Livini laanka Simiyi ni. Ǹ tɔ bɛ́ tanlɛn mɛnɛn ganaa, maǹ bɛn minin digolon lɛa. 19Keyati a nɛnyaanan man ka Amuramu ni, Yisirari ni, Ebrɔn nɛ, ka Uziili ni. Ǹ dɔn manə ǹ tanlɛn minin digolon lɛa. 20Merarii a nɛnyaanan man ka Mayili laanka Musi ni. Ǹ dɔn manə ǹ tanlɛn minin digolon lɛa. Levii a tanlɛn minin lɛn man ka bɛn nɛ, ǹ nə́ ǹ nimi ǹ kion minin lɛ yii li.
21Gɛrsɔn nə Gɛrsɔn tɔrɔn digolo lɛa. Gɛrsɔn tɔrɔn lɛn man niɛ-n kɔn tanlɛ paa: Levini a tanlɛ minin laanka Simiyi a tanlɛ minin manɛ. 22Ǹ min mɛnɛn nimi kunun ǹ ni giĩn lɛa, a kũ mui goon nɛn ganaa a wo lon, bɛn man min duu sɔbaa ka biɛsooro (7 500). 23Gɛrsɔn tɔrɔn tanlɛn minin man nə́ goã giã-n kɔn yɛ ka Lawa nɛ ǹ zìã kion kɛ kio, lɛ̀ nyɛɛn gɔn la. 24Gɛrsɔn tɔrɔn lɛn goledɛnaa na á goã ka Layeli a nɛgiĩ Eliasafu ni. 25Kɔn yɛ ka Lawa nɛ ǹ kion lɛ a paǹan mɛnɛn gama walan sii nə n wɔ Gɛrsɔn tɔrɔn lɛn gɔn bɛn nə́ ke: kion gɔ́ɔ̃ mɔnaa kɛ nɛ, mɔnaan kɛn nɛ koe-n lɛ, mɔnaa kɛ nɛ koe ne kion lɛ a kiɛnlɛ lɛ, 26Mɔnaa gɔnɔn kɛn manɛ sumu lɛ lɛnpɛnɛ, kion lɛ laanka Lawa a *wúlu bɔ ǹ bǎã lɛ bɛ́ sumu mɛn nɛ, bɛa wɔ ǹ kiɛnlɛ-a ǹ mɔnaa kɛ nɛ, ka mɔnaa zìã lɛ a biɛn kɛn nɛ. Bɛa mànan kɛn lɛn gama walan na á goã Gɛrsɔn tɔrɔn lɛn gɔn.
27Keyati n Keyati tɔrɔn digolo lɛa. Keyati tɔrɔn lɛn man niɛ-n kɔn tanlɛ sii: Amuramu a tanlɛ minin manɛ, Yisirari a tanlɛ minin ni, Ebrɔn a tanlɛ minin ni, ka Uziili a tanlɛ minin ni. 28Ǹ min mɛnɛn nimi kunun ǹ ni giĩn lɛa, a kũ mui goon nɛn ganaa a wo lon, bɛn man min duu kiwisi ka biɛsɔrɔ (8 600), ǹ nə́ Lawa guguru kɔ ǹ bǎã lɛ a dí nyɛɛ. 29Keyati tɔrɔn tanlɛn minin lɛn man nə́ goã giã-n kɔn yɛ ka Lawa nɛ ǹ kion lɛ a gusin a lɛ̀gɔn la. 30Keyati tɔrɔn lɛn goledɛnaa na á goã ka Uziili a nɛgiĩ Elizafan nɛ. 31Keyati tɔrɔn lɛn man nə́ goã giɛ *lɛ kɔ kɔn la ǹ goo kɛ walan, tabala kɛ nɛ, bolon da ǹ bǎã kɛ nɛ, mànan kɛn nɛ ǹ nə́ dí nyɛɛ ǹ nɛ Lawa a kion, ka kion lɛ a bii kuru kɔn-a ǹ mɔnaa kɛ nɛ, ka a wɔ kɔn lɛ ǹ dí tumaa nɛ. 32Levii tɔrɔn lɛn goledɛnaa gole na á goã ka Lawa a wúlu-bɔle Aarɔn a nɛgiĩ Eleyazaara nɛ. Min mɛnɛn nə goã Lawa a kion lɛ a dí nyɛɛ, bɛn sii na á goã asɛ gɔn.
33Merarii n Merarii a tanlɛ digolo lɛa. Merarii a tanlɛ n niɛ-n kɔn wɔlɔ paa: Mayili a tanlɛ minin manɛ, ka Musi a tanlɛ minin ni. 34Ǹ minin mɛnɛn nimi kunun ǹ ni giĩn lɛa, a kũ mui goon nɛn ganaa a wo lon, bɛn man min duu sɔrɔ ka biɛpaa (6 200). 35Merarii tɔrɔn tanlɛn minin lɛn goledɛnaa n ka Abiayili a nɛgiĩ Suriyeli ni. Maǹ nə́ goã giã-n kion lɛ a gɔsɛ a lɛ̀gɔn la. 36Merarii tɔrɔn lɛn man nə́ goã giɛ kion sonbore lɛ a doa ǹ bàlàn walan, a bàlà kerekaãn nɛ, a giãmala ǹ mànan nɛ, a màn bisinin tumaa nɛ, a wɔ kɔn lɛ ǹ dí tumaa nɛ, 37ka doa ǹ bàlàn kɛn dɔn nɛ sumu lɛ lɛnpɛnɛ, kɔnlɛ ka ǹ giãmala ǹ mànan nɛ, ǹ kiɛn dere ni, ǹ biɛn nɛ. 38Muizu ni, ka Aarɔn laanka a nɛgiĩn ni, bɛn man nə́ goã giã-n kɔn yɛ ka Lawa nɛ ǹ kion lɛ yɔrɔ-a, a lɛ̀giala gɔn la. Maǹ nə́ goã kion lɛ a sii yɔrɔ boe, Izirayeli minin lɛn tɔ la. Bɛ̀ min kooro ná a dí nyɛɛ lɛn zɔɔ̃ ǹ dɛnaa ná a ba Lawa a wúlu-bɔle lɛa wa, n dɛnaa nyin nə n bɔ.
39Ǹ Levii tɔrɔn mɛnɛn tumaa nimi, giĩn lɛn tumaa, a kũ mui goon nɛn ganaa a wo lon, ǹ tumaa a kaa kun nə min duu fuəwenpaa (22 000). Muizu laanka Aarɔn na á ǹ nimi ǹ tanlɛn yii li, á kɔnpɛ ka Dɛnaa Lawa a gɔn waa nɛ.
Nɛgiĩ bibinaan mìi si
40Dɛnaa Lawa pɛ Muizu ni: Izirayeli minin lɛn nɛgiĩ bibinaan tumaa nimi n nə ǹ tɔn goa, a kũ mui goon nɛn ganaa a wo lon. 41Bɛ kio, n die n Levii tɔrɔn kɛn kaa ǹ gɔrɔn màn mɛn bɛ́ toɛ ǹ nə n baa masɛ din Dɛnaa Lawa lɛ wɔn lɛa, Izirayeli minin nɛgiĩ bibinaan lɛn tumaa bǎã nɛ. Levii tɔrɔn lɛn tɔɔn kaa Izirayeli minin lɛn tɔɔ nɛ bibinaan bǎã nɛ. A din yɔrɔ goon lɛ la, Levii tɔrɔn lɛn tɔɔn kaa ǹ gɔrɔn masɛ wɔn lɛa Izirayeli minin tɔɔ nɛ bibinaan tumaa bǎã nɛ. 42Muizu tɔ́n Izirayeli minin nɛgiĩ bibinaan tumaa nimi ka Dɛnaa Lawa goã á n gɔn waa-n lɔn. 43Ǹ nɛgiĩ bibinaan mɛnɛn tɔn goa ǹ nə́ ǹ nimi, a kũ mui goon nɛn ganaa a wo lon, ǹ kaa kun nə min duu fuəwenpaa ka biɛpaa ka pɔsɔbaawensɔɔ (22 273). 44Dɛnaa Lawa boo da Muizu-n doo á pɛ: 45Levii tɔrɔn lɛn kaa Izirayeli minin nɛgiĩ bibinaan tumaa bǎã nɛ. Ka bɛ dɔ nɛ, n Levii tɔrɔn lɛn tɔɔn kaa Izirayeli minin lɛn tɔɔ nɛ bibinaan bǎã nɛ. Levii tɔrɔn lɛn man die goɛ̃ masɛ wɔn lɛa. Ma din ni Dɛnaa Lawa lɛa. 46Sɛnɛ, Izirayeli minin nɛgiĩ bibinaan lɛn nə la Levii tɔrɔn lɛn manɛ ka min biɛpaa ka pɔsɔbaawensɔɔ mɛn nɛ, bɛn mìi-si n die goɛ̃ kanaa. 47Muizu, n die n wɔrɔ we soorobaa ǹ gogoonmaa mìi si ǹ giɔ̀mɔ lɛa. N toa wɔrɔ lɛ goã Lawa a kion wɔrɔ we kɛ lɛa, ke a gogoonmaa n garamu fù. 48N die n bɛa wɔrɔ lɛ kɔ Aarɔn laanka a nɛgiĩn la. Nɛgiĩ bibinaan lɛn nə min lɛ mɛn kaa Levii tɔrɔn lɛn la, maǹ die bɛn mìi sii ka bɛa yɔrɔ lɛ nɛ. 49Levii tɔrɔn lɛn nə min lɛ mɛn mìi si, min lɛ kɔsɔ mɛn mɛ bɛ la, Muizu bɛn mìi si ǹ wɔrɔ si. 50A na á bɛa wɔrɔ lɛ si Izirayeli minin nɛgiĩ bibinaan la, Lawa a kion wɔrɔ we kɛa duu goon biɛsɔɔ ka pɔsɔrɔwensooro (1 365). 51Muizu tɔ́n bɛa mìi si ǹ wɔrɔ kɛ lɛ saa á kɔ Aarɔn laanka a nɛgiĩn la, ka Dɛnaa Lawa goã á pɛ nɛ, á n gɔn waa-n lɔn.
Currently Selected:
Minin nimi 3: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Minin nimi 3
3
Levii tɔrɔn man dí nyɛɛ Lawa a wúlu-bɔlen giulun
1Dɛnaa Lawa bɛ́ boo diɛ ka Muizu ni biikoo mɛn li, Sinayii kele la, min mɛnɛn nə goã Aarɔn laanka Muizu a kion minin lɛa, bɛn man ka kɛn nɛ: 2#MNS 26.60. Aarɔn a nɛgiĩn tɔn nə́ ke: a gɔn binaa nɛ Nadaabu ni, bɛ kio, Abiu ni, Eleyazaara nɛ, ka Itamaara nɛ. 3Aarɔn a nɛgiĩn lɛn tɔn man ka bɛn nɛ. Maǹ nə́ nyɔɔ lɔ ǹ ganaa ǹ nə́ ǹ bɔ ǹ nə́ ǹ koa Lawa a wúlu-bɔlen lɛa, ǹ nə́ Lawa a wúlu bɔ ǹ dí wɔ ǹ gɔn. 4#LWS 10.1-2; MNS 26.61. Nadaabu laanka Abiu gã Dɛnaa Lawa yɔrɔ-a, a giala maǹ nə́ goã ǹ nə́ woo ka tɛ soree ne a yɔrɔ-a. Ǹ nə́ gã Sinayii diə gole kɛ nɛ, ǹ nə́ ǹ nɛ yɛ wa. Eleyazaara laanka Itamaara nɛ, bɛn sɛn man nə́ goã wúlu bɔ ǹ dí lɛ nyɛɛ ǹ di Aarɔn lɛ yii ni. 5Dɛnaa Lawa boo da ka Muizu ni á pɛ: 6«*Levii tɔrɔn lɛn bii ǹ nə n wɔlɔ kunu kɔ, n nə ǹ kɔ Lawa a wúlu-bɔle Aarɔn la, màn mɛn bɛ́ toɛ ǹ nə ǹ dɔ lɛ. 7Ǹ tá re goɛ̃ dí nyɛɛ Aarɔn laanka Izirayeli zaman lɛ tumaa nɛ, kɔn yɛ ka Lawa nɛ ǹ kion kɛ yɔrɔ-a, màn mɛn bɛ́ toɛ ǹ kion lɛ a sii yɔrɔ bɔ. 8Ǹ tá re giɛ kɔn yɛ ka Lawa nɛ ǹ kion lɛ a màn bisinin tumaa walan, n kion lɛa sii yɔrɔ bɔ Izirayeli minin lɛa. 9N die n Levii tɔrɔn lɛn kɔ Aarɔn laanka a nɛgiĩn la kəni. Ǹ tá re n boe Izirayeli minin lɛn bii ǹ nə n kɔ Aarɔn laanka a nɛgiĩn lɛn la a tɔ-a. 10N die n Aarɔn laanka a minin kaa ǹ dí lɛ la, màn mɛn bɛ́ toɛ ǹ nə ǹ wúlu bɔ ǹ dí lɛ nya. Min kooro mɛn bɛ́ re n mɔrɛ, ǹ dɛnaa nyin nə n boe.»
11Dɛnaa Lawa wusoo á pɛ Muizu ni: 12«Á ke: Ma din ni má Levii tɔrɔn lɛn yii gɔgɔɔ̃ Izirayeli min gialakun lɛ tumaa bii. Maǹ dí nyɛɛ masɛ nɛ, ǹ nə́ Izirayeli zaman lɛ a nɛgiĩ bibinaan tumaa bǎã nɛ. Levii tɔrɔn lɛn man masɛ wɔn lɛa. 13#BBN 13.2. A giala gɔn binaa nɛ tumaa n masɛ wɔ lɛa. Ma nɛ bibinaan tumaa dɛ Ezipti gána nɛ ǹ mɛn pinaa, man má Izirayeli minin nɛgiĩ bibinaan tumaa baa ma din wɔn lɛa, ka ǹ tɔɔn nɛ bibinaan nɛ. Maǹ masɛ wɔn lɛa. Ma din ni Dɛnaa Lawa lɛa.»
Levii tɔrɔn tumaa nimii
14Dɛnaa Lawa pɛ Muizu ni Sinayii diə gole ne: 15«Levii tɔrɔn lɛn nimi sumu lɛ yii li, tanlɛ yii li: n die n nə ǹ giĩn tumaa nimi, a kũ mui goon nɛn ganaa a wo lon.» 16Muizu tɔ́n Levii tɔrɔn giĩn lɛn nimi á kɔnpɛ ka Dɛnaa Lawa a boo lɛ nɛ. Dɛnaa Lawa nə n gɔn waa-n lɔn, a na á zɛnaa á kɔnpɛ ka bɛ nɛ.
17Levii a minin tɔn nə́ ke: Gɛrsɔn nɛ, Keyati ni, ka Meraarii ni. 18Gɛrsɔn a nɛnyaanan man ka Livini laanka Simiyi ni. Ǹ tɔ bɛ́ tanlɛn mɛnɛn ganaa, maǹ bɛn minin digolon lɛa. 19Keyati a nɛnyaanan man ka Amuramu ni, Yisirari ni, Ebrɔn nɛ, ka Uziili ni. Ǹ dɔn manə ǹ tanlɛn minin digolon lɛa. 20Merarii a nɛnyaanan man ka Mayili laanka Musi ni. Ǹ dɔn manə ǹ tanlɛn minin digolon lɛa. Levii a tanlɛn minin lɛn man ka bɛn nɛ, ǹ nə́ ǹ nimi ǹ kion minin lɛ yii li.
21Gɛrsɔn nə Gɛrsɔn tɔrɔn digolo lɛa. Gɛrsɔn tɔrɔn lɛn man niɛ-n kɔn tanlɛ paa: Levini a tanlɛ minin laanka Simiyi a tanlɛ minin manɛ. 22Ǹ min mɛnɛn nimi kunun ǹ ni giĩn lɛa, a kũ mui goon nɛn ganaa a wo lon, bɛn man min duu sɔbaa ka biɛsooro (7 500). 23Gɛrsɔn tɔrɔn tanlɛn minin man nə́ goã giã-n kɔn yɛ ka Lawa nɛ ǹ zìã kion kɛ kio, lɛ̀ nyɛɛn gɔn la. 24Gɛrsɔn tɔrɔn lɛn goledɛnaa na á goã ka Layeli a nɛgiĩ Eliasafu ni. 25Kɔn yɛ ka Lawa nɛ ǹ kion lɛ a paǹan mɛnɛn gama walan sii nə n wɔ Gɛrsɔn tɔrɔn lɛn gɔn bɛn nə́ ke: kion gɔ́ɔ̃ mɔnaa kɛ nɛ, mɔnaan kɛn nɛ koe-n lɛ, mɔnaa kɛ nɛ koe ne kion lɛ a kiɛnlɛ lɛ, 26Mɔnaa gɔnɔn kɛn manɛ sumu lɛ lɛnpɛnɛ, kion lɛ laanka Lawa a *wúlu bɔ ǹ bǎã lɛ bɛ́ sumu mɛn nɛ, bɛa wɔ ǹ kiɛnlɛ-a ǹ mɔnaa kɛ nɛ, ka mɔnaa zìã lɛ a biɛn kɛn nɛ. Bɛa mànan kɛn lɛn gama walan na á goã Gɛrsɔn tɔrɔn lɛn gɔn.
27Keyati n Keyati tɔrɔn digolo lɛa. Keyati tɔrɔn lɛn man niɛ-n kɔn tanlɛ sii: Amuramu a tanlɛ minin manɛ, Yisirari a tanlɛ minin ni, Ebrɔn a tanlɛ minin ni, ka Uziili a tanlɛ minin ni. 28Ǹ min mɛnɛn nimi kunun ǹ ni giĩn lɛa, a kũ mui goon nɛn ganaa a wo lon, bɛn man min duu kiwisi ka biɛsɔrɔ (8 600), ǹ nə́ Lawa guguru kɔ ǹ bǎã lɛ a dí nyɛɛ. 29Keyati tɔrɔn tanlɛn minin lɛn man nə́ goã giã-n kɔn yɛ ka Lawa nɛ ǹ kion lɛ a gusin a lɛ̀gɔn la. 30Keyati tɔrɔn lɛn goledɛnaa na á goã ka Uziili a nɛgiĩ Elizafan nɛ. 31Keyati tɔrɔn lɛn man nə́ goã giɛ *lɛ kɔ kɔn la ǹ goo kɛ walan, tabala kɛ nɛ, bolon da ǹ bǎã kɛ nɛ, mànan kɛn nɛ ǹ nə́ dí nyɛɛ ǹ nɛ Lawa a kion, ka kion lɛ a bii kuru kɔn-a ǹ mɔnaa kɛ nɛ, ka a wɔ kɔn lɛ ǹ dí tumaa nɛ. 32Levii tɔrɔn lɛn goledɛnaa gole na á goã ka Lawa a wúlu-bɔle Aarɔn a nɛgiĩ Eleyazaara nɛ. Min mɛnɛn nə goã Lawa a kion lɛ a dí nyɛɛ, bɛn sii na á goã asɛ gɔn.
33Merarii n Merarii a tanlɛ digolo lɛa. Merarii a tanlɛ n niɛ-n kɔn wɔlɔ paa: Mayili a tanlɛ minin manɛ, ka Musi a tanlɛ minin ni. 34Ǹ minin mɛnɛn nimi kunun ǹ ni giĩn lɛa, a kũ mui goon nɛn ganaa a wo lon, bɛn man min duu sɔrɔ ka biɛpaa (6 200). 35Merarii tɔrɔn tanlɛn minin lɛn goledɛnaa n ka Abiayili a nɛgiĩ Suriyeli ni. Maǹ nə́ goã giã-n kion lɛ a gɔsɛ a lɛ̀gɔn la. 36Merarii tɔrɔn lɛn man nə́ goã giɛ kion sonbore lɛ a doa ǹ bàlàn walan, a bàlà kerekaãn nɛ, a giãmala ǹ mànan nɛ, a màn bisinin tumaa nɛ, a wɔ kɔn lɛ ǹ dí tumaa nɛ, 37ka doa ǹ bàlàn kɛn dɔn nɛ sumu lɛ lɛnpɛnɛ, kɔnlɛ ka ǹ giãmala ǹ mànan nɛ, ǹ kiɛn dere ni, ǹ biɛn nɛ. 38Muizu ni, ka Aarɔn laanka a nɛgiĩn ni, bɛn man nə́ goã giã-n kɔn yɛ ka Lawa nɛ ǹ kion lɛ yɔrɔ-a, a lɛ̀giala gɔn la. Maǹ nə́ goã kion lɛ a sii yɔrɔ boe, Izirayeli minin lɛn tɔ la. Bɛ̀ min kooro ná a dí nyɛɛ lɛn zɔɔ̃ ǹ dɛnaa ná a ba Lawa a wúlu-bɔle lɛa wa, n dɛnaa nyin nə n bɔ.
39Ǹ Levii tɔrɔn mɛnɛn tumaa nimi, giĩn lɛn tumaa, a kũ mui goon nɛn ganaa a wo lon, ǹ tumaa a kaa kun nə min duu fuəwenpaa (22 000). Muizu laanka Aarɔn na á ǹ nimi ǹ tanlɛn yii li, á kɔnpɛ ka Dɛnaa Lawa a gɔn waa nɛ.
Nɛgiĩ bibinaan mìi si
40Dɛnaa Lawa pɛ Muizu ni: Izirayeli minin lɛn nɛgiĩ bibinaan tumaa nimi n nə ǹ tɔn goa, a kũ mui goon nɛn ganaa a wo lon. 41Bɛ kio, n die n Levii tɔrɔn kɛn kaa ǹ gɔrɔn màn mɛn bɛ́ toɛ ǹ nə n baa masɛ din Dɛnaa Lawa lɛ wɔn lɛa, Izirayeli minin nɛgiĩ bibinaan lɛn tumaa bǎã nɛ. Levii tɔrɔn lɛn tɔɔn kaa Izirayeli minin lɛn tɔɔ nɛ bibinaan bǎã nɛ. A din yɔrɔ goon lɛ la, Levii tɔrɔn lɛn tɔɔn kaa ǹ gɔrɔn masɛ wɔn lɛa Izirayeli minin tɔɔ nɛ bibinaan tumaa bǎã nɛ. 42Muizu tɔ́n Izirayeli minin nɛgiĩ bibinaan tumaa nimi ka Dɛnaa Lawa goã á n gɔn waa-n lɔn. 43Ǹ nɛgiĩ bibinaan mɛnɛn tɔn goa ǹ nə́ ǹ nimi, a kũ mui goon nɛn ganaa a wo lon, ǹ kaa kun nə min duu fuəwenpaa ka biɛpaa ka pɔsɔbaawensɔɔ (22 273). 44Dɛnaa Lawa boo da Muizu-n doo á pɛ: 45Levii tɔrɔn lɛn kaa Izirayeli minin nɛgiĩ bibinaan tumaa bǎã nɛ. Ka bɛ dɔ nɛ, n Levii tɔrɔn lɛn tɔɔn kaa Izirayeli minin lɛn tɔɔ nɛ bibinaan bǎã nɛ. Levii tɔrɔn lɛn man die goɛ̃ masɛ wɔn lɛa. Ma din ni Dɛnaa Lawa lɛa. 46Sɛnɛ, Izirayeli minin nɛgiĩ bibinaan lɛn nə la Levii tɔrɔn lɛn manɛ ka min biɛpaa ka pɔsɔbaawensɔɔ mɛn nɛ, bɛn mìi-si n die goɛ̃ kanaa. 47Muizu, n die n wɔrɔ we soorobaa ǹ gogoonmaa mìi si ǹ giɔ̀mɔ lɛa. N toa wɔrɔ lɛ goã Lawa a kion wɔrɔ we kɛ lɛa, ke a gogoonmaa n garamu fù. 48N die n bɛa wɔrɔ lɛ kɔ Aarɔn laanka a nɛgiĩn la. Nɛgiĩ bibinaan lɛn nə min lɛ mɛn kaa Levii tɔrɔn lɛn la, maǹ die bɛn mìi sii ka bɛa yɔrɔ lɛ nɛ. 49Levii tɔrɔn lɛn nə min lɛ mɛn mìi si, min lɛ kɔsɔ mɛn mɛ bɛ la, Muizu bɛn mìi si ǹ wɔrɔ si. 50A na á bɛa wɔrɔ lɛ si Izirayeli minin nɛgiĩ bibinaan la, Lawa a kion wɔrɔ we kɛa duu goon biɛsɔɔ ka pɔsɔrɔwensooro (1 365). 51Muizu tɔ́n bɛa mìi si ǹ wɔrɔ kɛ lɛ saa á kɔ Aarɔn laanka a nɛgiĩn la, ka Dɛnaa Lawa goã á pɛ nɛ, á n gɔn waa-n lɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.