Zowɛli 2
2
Dɛnaa Lawa a lɛawaa dirii
1Ka bɛn pɛ *Siɔn nɛ,
ka pɛ gole,
maa kele sonbore kɛ la.
Gána lɛ a minin tumaa
gɔ̀nɔn nə bìn diɛ.
A giala
Dɛnaa Lawa a lɛawaa lɛ n die.
A lɛawaa lɛ diri.
2A pinaa n die wɔlɔ tì biribiri biɛ,
min yii a die wɔlɔ yii wa.
A n die goɛ̃ wɔlɔ tì lɛa.
Á ke
tɔrɔ kɔsɔn nə́ kɔn paã ǹ nə́ die.
Ka tèlò bɛ́ lɔn,
maǹ gigiã, kakaarɛ,
ka bisin bɛ́ lɔn.
Kɛ miã bin tɔn nə n zɛnaa wa,
ǹ miã dɔ din ba re n zɛnɛɛ
doo wa.
3Bɛ̀ ǹ nə́ n yɔrɔ dia bǎã mɛn nɛ,
ka tɛ n kuĩ die.
Bɛ̀ ǹ nə́ bɔ bǎã mɛn nɛ,
ka tɛ na á bɔ walan.
Ǹ bɛ́ ǹ tɔn daa wa,
gána lɛ na á goã
ka Edɛn dù gɔrɔ kɛ bɛ́ lɔn.
Sɛnɛ ǹ kiɛ̃ kio,
á n baa ka maǹ nə́ don dɛ.
Màn kɔn ba liɛ ǹ la wa.
4 #
SNS 9.7-9. Bɛ̀ ń nə́ ǹ yɛ,
ka sùin man baa la,
bɛ̀ ń nə́ ǹ yɛ baa sii,
ka sùidɛnaan manɛ.
5Maǹ paparɛ kelen koe kɔn,
ǹ wuu n ka ziabaa ǹ fɔlɔ wotoro
wuu bɛ́ lɔn,
ka tɛ wuu bɛ́ lɔn buu gere kuĩ.
Min kakan manɛ ǹ nə́ n yɔrɔ bɔ
ǹ nə́ woe zia la.
6Tɔrɔn tumaa gɔ̀nɔn nə bìn diɛ
ǹ nyɛɛnɛ
min tumaa yɔrɔ ziziɛ̃.
7Maǹ baa sii ka sɔraasin bɛ́ lɔn,
maǹ parɛ kungɔn kɛ la boe
ka zia-baalin bɛ́ lɔn.
Didie n woe a din nyɛɛn pepere,
ǹ kɔn ba kanɛɛ
a tá n boe a zii la wa.
8Ǹ kɔn ba ǹ miã nyɛnɛɛ wa,
didie n koe a din a zii lɛ.
Maǹ yui kun,
bɛ̀ ǹ bɔ kiɛn bii ǹ kiɛ̃,
màn kɔn ba ǹ kurii wa.
9Maǹ nə́ n diɛ kiwi lɛ gɔ́ɔ̃ la,
baa sii kungɔnɔn kɛn la,
kikiɛ kionən ne.
Maǹ we ka fənɛtərən ne
ka wurumunun wɔ bɛ́ lɔn.
10 #
SNS 8.12. Tán nə bìn diɛ ǹ nyɛɛnɛ,
lon nə ka a n die niɛ̃ a mɛnaa,
wasa laanka mui ba folon kiɛ
doo wa,
leeren ba tɛ-pii doo wa.
11 #
SNS 6.17. Dɛnaa Lawa na a zia-baalin
lɛn nyɛɛnɛ,
a n paraa we.
A sɔraasin lɛn man gigiã,
ǹ ná a bɔlɔ sii.
Dɛnaa Lawa a lɛawaa lɛ,
lɛawaa gole ne
á nyɛ́ɛ dɔ din diɛ.
Die n die n boe a nɛ?
Zaman nə wusii die Lawa li
12Dɛnaa Lawa n kɛ pii:
«A bɛ́ miɛ̃,
ka wusoo ka da ma li sisia,
ka ka foo tumaa nɛ.
Ka n lɛ sɔɔ, ka wuu pɛ,
ka gòã-kũ da ma ganaa.
13Ka n gɔ́ɔ̃ binyəə,
bɛ á soɛ ka lala diɛ nɛ.»
Ka wusoo ka da Dɛnaa Lawa li,
kaa Lawa lɛ.
Bǐɛ̃ gigiã na a din li,
a din nə makara doɛ̃ wole lɛa,
a foo a yui fufuu wa.
A minin narɛɛ á gole,
á boe la a dɔlɔ toa min ni.
14Die n doɛ̃,
kɔntan á boe la
a wusoo a n gɔ́ɔ̃ bɔyaa,
a bǐɛ̃ gigiã zɛnaa ka nɛ.
Bɛ á re toɛ
ka da ka *belee laanka duvɛ̃ nɛ,
Dɛnaa Lawa gɔ ǹ wɔ lɛa,
kaa Lawa lɛ.
Lɛ-sɔɔ laanka gòã-kũ da Lawa ganaa
15Ka bɛn pɛ Zeruzalɛmu kiwi,
ka lɛ-sɔɔ ǹ lɛawaa bɔ ka koa,
ka zaman bii a tɔ-a.
16Ka zaman lɛ sɔkɔn,
ka kɔn-yɛ gole zɛnaa.
Ka min tumaa bíi:
min golen ne, nɛ tenən ne,
ka nɛnyaanan mɛnɛn dɔn
dinin bɛ́ tɔn nyɔ mii.
Lɔ tii ǹ zuũ soo a n bɔ kion.
Lɔ tii dɔ soo a n bɔ kion.
17Wúlu-bɔlen kɛn
dí nyɛɛ Dɛnaa Lawa a kion,
bɛn nə golee wɔ ǹ kiɛnlɛ
kɛ laanka *wúlu bɔ ǹ bǎã kɛ bii,
ǹ wuu pɛ,
ǹ Lawa nyankɔ kɛnɛn:
– E, Dɛnaa Lawa,
makara bɔ ǹ zaman lɛ-a.
N nyan toa
sìi nə n din wɔn kɛn kũ wa,
n nyan toa
tɔrɔ kɔsɔn nə ǹ da yaa lɛa wa.
«Ǹ Lawa lɛ á maa kəni?»
N nyan toa
tɔrɔ kɔsɔn nə bɛ pɛ wɔ-n ma.
Lawa na a zaman a nyankɔ si
18Dɛnaa Lawa tá
a gána lɛ narɛ á kiɛ̃,
a minin lɛn makara kũ.
19Dɛnaa Lawa ná a minin lɛn
nyankɔ si á kɛ pɛ ǹ nɛ:
«A bɛ́ miɛ̃,
ma á re wusii ma belee kɔ ka la,
ka duvɛ̃ laanka nyɔɔ nɛ.
Ka á re kiɛ̃ ka bɛn nɛ.
Ma a re toɛ sìi ka kũ
tɔrɔ kɔsɔn bii doo duduu wa.
20Kaa zɔ́ɔn mɛnɛn bɛ́ n toɛ
gɔsɛ a lɛ̀gɔn li ǹ nə́ die,
ma á re bɛn lɛ goɛ ka ganaa,
ma ǹ dia sɔsɔɔ, don bǎã gere ne.
Ǹ mɛnɛn bɛ́ nyɛɛnɛ,
ma á re bɛn nyɛnɛɛ
ma ǹ kaa lɛ̀giala a tà mu kɛ li.
Ǹ mɛnɛn bɛ́ kio,
ma á re bɛn nyɛnɛɛ
ma ǹ kaa lɛ̀nyɛɛnɛ a mu kɛ li.
Ǹ tá re giɛ̃ walan,
ǹ gìĩ bɔ kusi kusi.
A giala, ǹ dɔn nə́ basaã gigiã kɔ.
21Màn mɛn tumaa bɛ́ tán la,
ka baran nyɛ́ɛ baa wa.
Ka bɛ̀ baa, ka n nyɛnyɛɛ.
A giala,
Dɛnaa Lawa á sii dadaran zɛnɛɛ.»
22Don mànan lɛn,
nyɛ́ɛ nyan ka kũ doo wa,
buu á ke wusii piɛ̃ don.
Dan nə́ ke nɛ koe,
gɔ́rɔ dan laanka *rezɛ̃ dan nə́ ke
nɛ lɛa kurututu.
23Kasɛn, Siɔn minin lɛn,
Dɛnaa Lawa taman yii,
kaa Lawa lɛ,
ka bɛ̀ baa,
ka n nyɛnyɛɛ.
Á re bǐɛ̃ koe ka-a
ka la bibinaa nə taãlen kio.
Bɛ̀ la a kaa biikoo dɔ,
á re la koe ka la a biikoo li.
Ká a bɛ́ ke á goã zɛnɛɛ lɔn lɛlɛ.
24Bɛa biikoo li,
bǎã tumaa á re piɛ̃ ka belee ne,
mànan tumaa á re piɛ̃
ka duvɛ̃ laanka nyɔɔ buə ne,
maǹ die piɛ̃ ǹ kaa.
25Bisin nɛ muən ne,
bisin tenən ne,
bisin dadaran laanka
tangiəə̃nən ne,
kɛn lɛn má ǹ dia die ka gialaa,
gigiã ka sɔraasin bɛ́ lɔn,
bɛn nə basaã mɛn kɔ ka nɛ,
lɛ̀ damata gɔ́ɔ̃ nɛ
ma á re bɛ dòo sarɛɛ.
26Ka á re màn bii sɔnbɔraanɛ ka kã
ka á re loe loe,
ka masɛ Dɛnaa Lawa,
kaa Lawa lɛ tɔ bɔ nɛ.
Ma din nə
má kaãbaa ǹ siin zɛnaa ka nɛ,
sìi á re maa zaman kɛ kuĩ doo
duduu wa.
27Ka á re doɛ̃,
mà ma tá kun
ka Izirayeli minin lɛn nɛ.
Ka á re doɛ̃, mà masɛ,
Dɛnaa Lawa din nə kaa Lawa lɛa,
mà miã na á banban.
Sìi á re maa zaman kɛ kuĩ doo
duduu wa.
Currently Selected:
Zowɛli 2: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Zowɛli 2
2
Dɛnaa Lawa a lɛawaa dirii
1Ka bɛn pɛ *Siɔn nɛ,
ka pɛ gole,
maa kele sonbore kɛ la.
Gána lɛ a minin tumaa
gɔ̀nɔn nə bìn diɛ.
A giala
Dɛnaa Lawa a lɛawaa lɛ n die.
A lɛawaa lɛ diri.
2A pinaa n die wɔlɔ tì biribiri biɛ,
min yii a die wɔlɔ yii wa.
A n die goɛ̃ wɔlɔ tì lɛa.
Á ke
tɔrɔ kɔsɔn nə́ kɔn paã ǹ nə́ die.
Ka tèlò bɛ́ lɔn,
maǹ gigiã, kakaarɛ,
ka bisin bɛ́ lɔn.
Kɛ miã bin tɔn nə n zɛnaa wa,
ǹ miã dɔ din ba re n zɛnɛɛ
doo wa.
3Bɛ̀ ǹ nə́ n yɔrɔ dia bǎã mɛn nɛ,
ka tɛ n kuĩ die.
Bɛ̀ ǹ nə́ bɔ bǎã mɛn nɛ,
ka tɛ na á bɔ walan.
Ǹ bɛ́ ǹ tɔn daa wa,
gána lɛ na á goã
ka Edɛn dù gɔrɔ kɛ bɛ́ lɔn.
Sɛnɛ ǹ kiɛ̃ kio,
á n baa ka maǹ nə́ don dɛ.
Màn kɔn ba liɛ ǹ la wa.
4 #
SNS 9.7-9. Bɛ̀ ń nə́ ǹ yɛ,
ka sùin man baa la,
bɛ̀ ń nə́ ǹ yɛ baa sii,
ka sùidɛnaan manɛ.
5Maǹ paparɛ kelen koe kɔn,
ǹ wuu n ka ziabaa ǹ fɔlɔ wotoro
wuu bɛ́ lɔn,
ka tɛ wuu bɛ́ lɔn buu gere kuĩ.
Min kakan manɛ ǹ nə́ n yɔrɔ bɔ
ǹ nə́ woe zia la.
6Tɔrɔn tumaa gɔ̀nɔn nə bìn diɛ
ǹ nyɛɛnɛ
min tumaa yɔrɔ ziziɛ̃.
7Maǹ baa sii ka sɔraasin bɛ́ lɔn,
maǹ parɛ kungɔn kɛ la boe
ka zia-baalin bɛ́ lɔn.
Didie n woe a din nyɛɛn pepere,
ǹ kɔn ba kanɛɛ
a tá n boe a zii la wa.
8Ǹ kɔn ba ǹ miã nyɛnɛɛ wa,
didie n koe a din a zii lɛ.
Maǹ yui kun,
bɛ̀ ǹ bɔ kiɛn bii ǹ kiɛ̃,
màn kɔn ba ǹ kurii wa.
9Maǹ nə́ n diɛ kiwi lɛ gɔ́ɔ̃ la,
baa sii kungɔnɔn kɛn la,
kikiɛ kionən ne.
Maǹ we ka fənɛtərən ne
ka wurumunun wɔ bɛ́ lɔn.
10 #
SNS 8.12. Tán nə bìn diɛ ǹ nyɛɛnɛ,
lon nə ka a n die niɛ̃ a mɛnaa,
wasa laanka mui ba folon kiɛ
doo wa,
leeren ba tɛ-pii doo wa.
11 #
SNS 6.17. Dɛnaa Lawa na a zia-baalin
lɛn nyɛɛnɛ,
a n paraa we.
A sɔraasin lɛn man gigiã,
ǹ ná a bɔlɔ sii.
Dɛnaa Lawa a lɛawaa lɛ,
lɛawaa gole ne
á nyɛ́ɛ dɔ din diɛ.
Die n die n boe a nɛ?
Zaman nə wusii die Lawa li
12Dɛnaa Lawa n kɛ pii:
«A bɛ́ miɛ̃,
ka wusoo ka da ma li sisia,
ka ka foo tumaa nɛ.
Ka n lɛ sɔɔ, ka wuu pɛ,
ka gòã-kũ da ma ganaa.
13Ka n gɔ́ɔ̃ binyəə,
bɛ á soɛ ka lala diɛ nɛ.»
Ka wusoo ka da Dɛnaa Lawa li,
kaa Lawa lɛ.
Bǐɛ̃ gigiã na a din li,
a din nə makara doɛ̃ wole lɛa,
a foo a yui fufuu wa.
A minin narɛɛ á gole,
á boe la a dɔlɔ toa min ni.
14Die n doɛ̃,
kɔntan á boe la
a wusoo a n gɔ́ɔ̃ bɔyaa,
a bǐɛ̃ gigiã zɛnaa ka nɛ.
Bɛ á re toɛ
ka da ka *belee laanka duvɛ̃ nɛ,
Dɛnaa Lawa gɔ ǹ wɔ lɛa,
kaa Lawa lɛ.
Lɛ-sɔɔ laanka gòã-kũ da Lawa ganaa
15Ka bɛn pɛ Zeruzalɛmu kiwi,
ka lɛ-sɔɔ ǹ lɛawaa bɔ ka koa,
ka zaman bii a tɔ-a.
16Ka zaman lɛ sɔkɔn,
ka kɔn-yɛ gole zɛnaa.
Ka min tumaa bíi:
min golen ne, nɛ tenən ne,
ka nɛnyaanan mɛnɛn dɔn
dinin bɛ́ tɔn nyɔ mii.
Lɔ tii ǹ zuũ soo a n bɔ kion.
Lɔ tii dɔ soo a n bɔ kion.
17Wúlu-bɔlen kɛn
dí nyɛɛ Dɛnaa Lawa a kion,
bɛn nə golee wɔ ǹ kiɛnlɛ
kɛ laanka *wúlu bɔ ǹ bǎã kɛ bii,
ǹ wuu pɛ,
ǹ Lawa nyankɔ kɛnɛn:
– E, Dɛnaa Lawa,
makara bɔ ǹ zaman lɛ-a.
N nyan toa
sìi nə n din wɔn kɛn kũ wa,
n nyan toa
tɔrɔ kɔsɔn nə ǹ da yaa lɛa wa.
«Ǹ Lawa lɛ á maa kəni?»
N nyan toa
tɔrɔ kɔsɔn nə bɛ pɛ wɔ-n ma.
Lawa na a zaman a nyankɔ si
18Dɛnaa Lawa tá
a gána lɛ narɛ á kiɛ̃,
a minin lɛn makara kũ.
19Dɛnaa Lawa ná a minin lɛn
nyankɔ si á kɛ pɛ ǹ nɛ:
«A bɛ́ miɛ̃,
ma á re wusii ma belee kɔ ka la,
ka duvɛ̃ laanka nyɔɔ nɛ.
Ka á re kiɛ̃ ka bɛn nɛ.
Ma a re toɛ sìi ka kũ
tɔrɔ kɔsɔn bii doo duduu wa.
20Kaa zɔ́ɔn mɛnɛn bɛ́ n toɛ
gɔsɛ a lɛ̀gɔn li ǹ nə́ die,
ma á re bɛn lɛ goɛ ka ganaa,
ma ǹ dia sɔsɔɔ, don bǎã gere ne.
Ǹ mɛnɛn bɛ́ nyɛɛnɛ,
ma á re bɛn nyɛnɛɛ
ma ǹ kaa lɛ̀giala a tà mu kɛ li.
Ǹ mɛnɛn bɛ́ kio,
ma á re bɛn nyɛnɛɛ
ma ǹ kaa lɛ̀nyɛɛnɛ a mu kɛ li.
Ǹ tá re giɛ̃ walan,
ǹ gìĩ bɔ kusi kusi.
A giala, ǹ dɔn nə́ basaã gigiã kɔ.
21Màn mɛn tumaa bɛ́ tán la,
ka baran nyɛ́ɛ baa wa.
Ka bɛ̀ baa, ka n nyɛnyɛɛ.
A giala,
Dɛnaa Lawa á sii dadaran zɛnɛɛ.»
22Don mànan lɛn,
nyɛ́ɛ nyan ka kũ doo wa,
buu á ke wusii piɛ̃ don.
Dan nə́ ke nɛ koe,
gɔ́rɔ dan laanka *rezɛ̃ dan nə́ ke
nɛ lɛa kurututu.
23Kasɛn, Siɔn minin lɛn,
Dɛnaa Lawa taman yii,
kaa Lawa lɛ,
ka bɛ̀ baa,
ka n nyɛnyɛɛ.
Á re bǐɛ̃ koe ka-a
ka la bibinaa nə taãlen kio.
Bɛ̀ la a kaa biikoo dɔ,
á re la koe ka la a biikoo li.
Ká a bɛ́ ke á goã zɛnɛɛ lɔn lɛlɛ.
24Bɛa biikoo li,
bǎã tumaa á re piɛ̃ ka belee ne,
mànan tumaa á re piɛ̃
ka duvɛ̃ laanka nyɔɔ buə ne,
maǹ die piɛ̃ ǹ kaa.
25Bisin nɛ muən ne,
bisin tenən ne,
bisin dadaran laanka
tangiəə̃nən ne,
kɛn lɛn má ǹ dia die ka gialaa,
gigiã ka sɔraasin bɛ́ lɔn,
bɛn nə basaã mɛn kɔ ka nɛ,
lɛ̀ damata gɔ́ɔ̃ nɛ
ma á re bɛ dòo sarɛɛ.
26Ka á re màn bii sɔnbɔraanɛ ka kã
ka á re loe loe,
ka masɛ Dɛnaa Lawa,
kaa Lawa lɛ tɔ bɔ nɛ.
Ma din nə
má kaãbaa ǹ siin zɛnaa ka nɛ,
sìi á re maa zaman kɛ kuĩ doo
duduu wa.
27Ka á re doɛ̃,
mà ma tá kun
ka Izirayeli minin lɛn nɛ.
Ka á re doɛ̃, mà masɛ,
Dɛnaa Lawa din nə kaa Lawa lɛa,
mà miã na á banban.
Sìi á re maa zaman kɛ kuĩ doo
duduu wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.