Ezekieli 18
18
Lawa a min saraa ǹ gɔn
1Dɛnaa Lawa boo da ma nɛ á pɛ: 2#ZER 31.29. – Wàa na á baa, ǹ tá suusu kɛ diɛ Izirayeli gána dɔ nɛ ǹ nə́ pii: «Díin nə́ rezɛ̃ burun bii, bɛ lɛ na á ǹ nɛnyaanan sɔ piã?» 3Masɛ Dɛnaa Lawa a da ǹ boo á ke: A ma toa ma yii n koo, ka a re bɛa suusu kɛ diɛ Izirayeli gána-n doo wa! 4Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.
5Boo ke nə n diɛ min pepere wɔ paǹ li, min mɛn bɛ́ koe sii a zii lɛ, á n sii zɛnɛɛ ka peperebaa nɛ. 6Bɛa dɛnaa lɛa woe wúlu bɔ ǹ mànan kɛn bii kele la wa, a ba Izirayeli tɔrɔn kɛn dìn guguru koe wa. A ba we ǹ miã kɔsɔ a lɔ lɛ wa, bɛ̀ lɔ a lɛawaa tá a ganaa, a ba diɛ pìi-n wa. 7A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la. 8A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ. 9#LWS 18.5. A n tɔ we a n kɔnpii ka maa landa boon kɛn nɛ, a n maa sii yɔrɔ bɔ ǹ boon kɛn tamɛɛ, a n sii zɛnɛɛ a peperebaa li, bɛa dɛnaa lɛ n min sonbore lɛa. Sàabaa ba la wa, a yii á re goɛ̃ koo. Ma din Dɛnaa Lawa a da ǹ boo ne.
10Bɛa giĩ lɛ a nɛgiĩ á boe la a goã kakaarɛ, gɛ̀-dɛle lɛa, á n bɛ miã siin kɛn lɛn tɔrɔ tumaa zɛnɛɛ, 11a da yaa ǹ di lɛ bɛa goon din zɛnaa lɛlɛ wa. Sɛnɛ, nɛ lɛ sɛ n wúlu mànan bii kele la, we ǹ miã kɔsɔn lɔn lɛ. 12A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ. 13A n giɔ̀mɔ diɛ minin ganaa á n giɛ là li, a n là babaraa boe. Bɛ lɛ miã yii á boe la a goã koo sonbore? A yii a boe la a goã koo wa, a giala, á bɛa sii bɔbɔnɛɛ kɛ lɛ tumaa zɛnaa. Sàabaa ba la wa, á re giɛ̃. Bɛ̀ á gã dɔn, a din sii ni.
14Nɛ á boe la a na a díi yɛ sii baraa tɔrɔ tumaa zɛnɛɛ, sɛnɛ, a ná a koe a díi lɛ a zɛnaa ǹ sii lɛ wa. 15A ba dì mànan bii kelen la wa, a Izirayeli tɔrɔn kɛn dìn guguru koe wa, a we ǹ miã kɔsɔ a lɔ lɛ wa. 16A mɛnɛɛ min kɔn la wa, a nɔmɛ giɔ̀mɔ lɛ koa ǹ màn ganaa wa, a wurumu biɛ wa. A n màn-bii koe bòonaa la, a n mɔnaa koe gɔ̀nɔn kooro-a lɛ. 17A sii kɔkɔrɔ zɛnɛɛ wa, a giɛ là li wa, a là baraa boe wa. A n koe maa sii yɔrɔ bɔ ǹ boon laanka maa landa boon kɛn lɛ. Bɛa dɛnaa kɛ lɛ a re giɛ̃ ǹ di a sii baraa zɛnaa taman yii wa. Sàabaa ba la wa, a yii á re goɛ̃ koo. 18A díi lɛ sɛ bɛ́ na á pàã nyaa ǹ miãn manɛ, á wurumu baa, sii mɛn bɛ́ a siĩn wa á bɛ zɛnaa, a tɔrɔ minin bii, a din lɛ n die giɛ̃, a din a sii baraa zɛnaa taman yii.
19Ka n nɔ̀n diɛ kɛnɛn: «Wàa na á baa, dɔlɔ ba n diɛ nɛ mìi ni, ǹ di a sii baraa zɛnaa a lɛa wa?» Nɛ lɛ bɛ́ á kɔ zii lɛ, á sii pepere zɛnaa, á maa landa boon kɛn tumaa tamaa á kɔ ǹ lɛ, sàabaa ba la wa, a yii á re goɛ̃ koo. 20#TDP 24.16. Bɛ̀ min mɛn sii baraa zɛnaa, bɛa dɛnaa din nə die giɛ̃. Nɛ a sii baraa a doe díi-a wa, díi dɔ a sii baraa ba doe nɛ ganaa wa. Min pepere a peperebaa a saraa n doe a din ganaa, min baraa dɔ a baraabaa a dɔlɔ n doe a din ganaa.
Dɛnaa Lawa n didie sarɛɛ a kɔnpɛ ka a zɛnaa ǹ sii ni
21Sɛnɛ, bɛ̀ min baraa wusoo a sii baraan tumaa kio, á maa landa siin kɛn tumaa tamaa, bɛ̀ á kɔ zii lɛ á sii pepere zɛnaa, sàabaa ba la wa, a yii á re goɛ̃ koo, a re giɛ̃ wa. 22A bɔlɔ tii ǹ siin mɛnɛn tumaa zɛnaa, min kɔn yiri ba re goɛ̃ bɛ-n wa. A giala, a peperebaa ǹ sii mɛn zɛnaa, bɛ lɛ n die toɛ a yii goã koo. 23Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne. 24Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa. 25Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa. 26Bɛ̀ min pepere ná a peperebaa toa walan, bɛ̀ á sii kɔkɔrɔ zɛnaa yǎa a gã bɛ taman yii, a sii kɔkɔrɔ mɛn zɛnaa, bɛ lɛ din taãnɛ a lɛa nɛ á toa á gã. 27Bɛ̀ min baraa dɔ ná a baraabaa toa walan, bɛ̀ á kɔ sii a zii lɛ, á peperebaa ǹ sii zɛnaa, a yii á re goɛ̃ koo. 28Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa. 29Sɛnɛ, ka Izirayeli tɔrɔn man pii kɛnɛn: «Dɛnaa Lawa ba sii zɛnɛɛ a yɔrɔ li wa.» Masɛ a zɛnaa ǹ siin manɛ ǹ ba a yɔrɔ li wa? Ka dininmaan lɛn zɛnaa ǹ siin manɛ ǹ ba a yɔrɔ li wa. 30Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa. 31Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la? 32Masɛ bie giɛ min kɔn a gɛ̀ li wa. Ma din Dɛnaa Lawa a da ǹ boo ne. Ka n bɔyaa, màn mɛn bɛ́ toɛ, ka yii goã koo.
Currently Selected:
Ezekieli 18: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Ezekieli 18
18
Lawa a min saraa ǹ gɔn
1Dɛnaa Lawa boo da ma nɛ á pɛ: 2#ZER 31.29. – Wàa na á baa, ǹ tá suusu kɛ diɛ Izirayeli gána dɔ nɛ ǹ nə́ pii: «Díin nə́ rezɛ̃ burun bii, bɛ lɛ na á ǹ nɛnyaanan sɔ piã?» 3Masɛ Dɛnaa Lawa a da ǹ boo á ke: A ma toa ma yii n koo, ka a re bɛa suusu kɛ diɛ Izirayeli gána-n doo wa! 4Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.
5Boo ke nə n diɛ min pepere wɔ paǹ li, min mɛn bɛ́ koe sii a zii lɛ, á n sii zɛnɛɛ ka peperebaa nɛ. 6Bɛa dɛnaa lɛa woe wúlu bɔ ǹ mànan kɛn bii kele la wa, a ba Izirayeli tɔrɔn kɛn dìn guguru koe wa. A ba we ǹ miã kɔsɔ a lɔ lɛ wa, bɛ̀ lɔ a lɛawaa tá a ganaa, a ba diɛ pìi-n wa. 7A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la. 8A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ. 9#LWS 18.5. A n tɔ we a n kɔnpii ka maa landa boon kɛn nɛ, a n maa sii yɔrɔ bɔ ǹ boon kɛn tamɛɛ, a n sii zɛnɛɛ a peperebaa li, bɛa dɛnaa lɛ n min sonbore lɛa. Sàabaa ba la wa, a yii á re goɛ̃ koo. Ma din Dɛnaa Lawa a da ǹ boo ne.
10Bɛa giĩ lɛ a nɛgiĩ á boe la a goã kakaarɛ, gɛ̀-dɛle lɛa, á n bɛ miã siin kɛn lɛn tɔrɔ tumaa zɛnɛɛ, 11a da yaa ǹ di lɛ bɛa goon din zɛnaa lɛlɛ wa. Sɛnɛ, nɛ lɛ sɛ n wúlu mànan bii kele la, we ǹ miã kɔsɔn lɔn lɛ. 12A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ. 13A n giɔ̀mɔ diɛ minin ganaa á n giɛ là li, a n là babaraa boe. Bɛ lɛ miã yii á boe la a goã koo sonbore? A yii a boe la a goã koo wa, a giala, á bɛa sii bɔbɔnɛɛ kɛ lɛ tumaa zɛnaa. Sàabaa ba la wa, á re giɛ̃. Bɛ̀ á gã dɔn, a din sii ni.
14Nɛ á boe la a na a díi yɛ sii baraa tɔrɔ tumaa zɛnɛɛ, sɛnɛ, a ná a koe a díi lɛ a zɛnaa ǹ sii lɛ wa. 15A ba dì mànan bii kelen la wa, a Izirayeli tɔrɔn kɛn dìn guguru koe wa, a we ǹ miã kɔsɔ a lɔ lɛ wa. 16A mɛnɛɛ min kɔn la wa, a nɔmɛ giɔ̀mɔ lɛ koa ǹ màn ganaa wa, a wurumu biɛ wa. A n màn-bii koe bòonaa la, a n mɔnaa koe gɔ̀nɔn kooro-a lɛ. 17A sii kɔkɔrɔ zɛnɛɛ wa, a giɛ là li wa, a là baraa boe wa. A n koe maa sii yɔrɔ bɔ ǹ boon laanka maa landa boon kɛn lɛ. Bɛa dɛnaa kɛ lɛ a re giɛ̃ ǹ di a sii baraa zɛnaa taman yii wa. Sàabaa ba la wa, a yii á re goɛ̃ koo. 18A díi lɛ sɛ bɛ́ na á pàã nyaa ǹ miãn manɛ, á wurumu baa, sii mɛn bɛ́ a siĩn wa á bɛ zɛnaa, a tɔrɔ minin bii, a din lɛ n die giɛ̃, a din a sii baraa zɛnaa taman yii.
19Ka n nɔ̀n diɛ kɛnɛn: «Wàa na á baa, dɔlɔ ba n diɛ nɛ mìi ni, ǹ di a sii baraa zɛnaa a lɛa wa?» Nɛ lɛ bɛ́ á kɔ zii lɛ, á sii pepere zɛnaa, á maa landa boon kɛn tumaa tamaa á kɔ ǹ lɛ, sàabaa ba la wa, a yii á re goɛ̃ koo. 20#TDP 24.16. Bɛ̀ min mɛn sii baraa zɛnaa, bɛa dɛnaa din nə die giɛ̃. Nɛ a sii baraa a doe díi-a wa, díi dɔ a sii baraa ba doe nɛ ganaa wa. Min pepere a peperebaa a saraa n doe a din ganaa, min baraa dɔ a baraabaa a dɔlɔ n doe a din ganaa.
Dɛnaa Lawa n didie sarɛɛ a kɔnpɛ ka a zɛnaa ǹ sii ni
21Sɛnɛ, bɛ̀ min baraa wusoo a sii baraan tumaa kio, á maa landa siin kɛn tumaa tamaa, bɛ̀ á kɔ zii lɛ á sii pepere zɛnaa, sàabaa ba la wa, a yii á re goɛ̃ koo, a re giɛ̃ wa. 22A bɔlɔ tii ǹ siin mɛnɛn tumaa zɛnaa, min kɔn yiri ba re goɛ̃ bɛ-n wa. A giala, a peperebaa ǹ sii mɛn zɛnaa, bɛ lɛ n die toɛ a yii goã koo. 23Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne. 24Sɛnɛ, bɛ̀ min pepere ná a peperebaa toa walan, a n kɔkɔrɔbaa ǹ sii zɛnɛɛ, a n sii bɔbɔnɛɛ zɛnɛɛ ka min baraan kɛn bɛ́ zɛnɛɛ lɔn, bɛa dɛnaa lɛ yii á boe la a goã koo sonbore? Haayii dɛ! A sii sonbore mɛn tumaa zɛnaa, bɛ kɔn a taasiɛ ba re die min yiri-n wa. A n die giɛ̃, a giala, á bɔlɔ tii sii zɛnaa, á sii baraa zɛnaa. 25Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa. 26Bɛ̀ min pepere ná a peperebaa toa walan, bɛ̀ á sii kɔkɔrɔ zɛnaa yǎa a gã bɛ taman yii, a sii kɔkɔrɔ mɛn zɛnaa, bɛ lɛ din taãnɛ a lɛa nɛ á toa á gã. 27Bɛ̀ min baraa dɔ ná a baraabaa toa walan, bɛ̀ á kɔ sii a zii lɛ, á peperebaa ǹ sii zɛnaa, a yii á re goɛ̃ koo. 28Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa. 29Sɛnɛ, ka Izirayeli tɔrɔn man pii kɛnɛn: «Dɛnaa Lawa ba sii zɛnɛɛ a yɔrɔ li wa.» Masɛ a zɛnaa ǹ siin manɛ ǹ ba a yɔrɔ li wa? Ka dininmaan lɛn zɛnaa ǹ siin manɛ ǹ ba a yɔrɔ li wa. 30Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa. 31Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la? 32Masɛ bie giɛ min kɔn a gɛ̀ li wa. Ma din Dɛnaa Lawa a da ǹ boo ne. Ka n bɔyaa, màn mɛn bɛ́ toɛ, ka yii goã koo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.