Bɔ bɛ̀rɛbaa nɛ 39
39
Wúlu-bɔlen mɔnaan
1Mɔnaan mɛnɛn bɛ́ n we, ǹ nə́ dí nyɛɛ ǹ nɛ Kion sonbore kɛ nɛ, ka Aarɔn a wɔ ǹ mɔnaa sonboren kɛn nɛ, ǹ nə́ bɛn zɛnaa ka gɛ̀sɛ korebore ne, a tã nɛ, ka a tã zenzen ne, ka Muizu bɛ́ á pɛ lɔn.
2Á dí nya ǹ mɔnaa lɛ zɛnaa ka mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, a tã nɛ, ka a tã zenzen ne. 3Ǹ sana mɛn dɛ ǹ nə́ nyɔmaa, maǹ nə́ goã gɔn bɔnboɛɛnɛn boe bɛ nɛ, ǹ nə́ we kɔn bii ka mɔnaa guguru sonbore ne, ka gɛ̀sɛ korebore kɛ nɛ, a tã nɛ, ka a tã zenzen ne. Nyaǹ kaa màn-a wolen dí n ka bɛ nɛ. 4Á yii ǹ biɛ màn paa zɛnaa dí nya ǹ mɔnaa lɛ lɛkoron ganaa. Bɛ̀ á n wɔ, a nə n kuĩ ka bɛn nɛ. 5Bɛa yii ǹ biɛn kɛn lɛn man doa-n kɔn ka dí nya ǹ mɔnaa lɛ din ni. Maǹ nə́ ǹ zɛnaa ka a din màn tɔrɔ goon lɛ nɛ: mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, a tã nɛ, a tã zenzen ne, ka Dɛnaa din bɛ́ á pɛ Muizu-n lɔn. 6Ǹ nə́ kɔlɔ sonbore màn paa kɛ a dí nya, ǹ nə́ ǹ doa ka sana nɛ, ǹ nə́ Zakɔba a nɛgiĩn tɔn kiɛ̃ ǹ ganaa. 7Á bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn ganaa. Bɛa kɔlɔn kɛn lɛn man yiri gisĩ sii ni ǹ mànan lɛa Dɛnaa yɔrɔ-a, Izirayeli nɛnyaanan taman yii, ka Dɛnaa bɛ́ á pɛ Muizu-n lɔn.
Tìãbii zéwo
8Bɛ kio kəni, á tìãbii zéwo kɛ zɛnaa, dí doɛ̃ wolen dí lɛa, ka ǹ bɛ́ ǹ nə́ dí nya ǹ mɔnaa kɛ zɛnaa lɔn. Ǹ nə́ zɛnaa ka mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, a tã nɛ, ka a tã zenzen ne. 9Tìãbii zéwo lɛ a paǹ tumaa na á kɔnpɛ. Sɛnɛ, maǹ nə́ timəə, a timəə lɛ gɔ́ɔ̃ nɛ, a sasabaa n gùrù yii talɛɛ, a pəməbaa n guru yii talɛɛ. 10-13Ǹ nə́ kɔlɔ fulupaa sonbore doa a ganaa, kɔlɔ lɛ a gogoonmaa n tɔtɔ ka ǹ miã nɛ.#39.10-13 Bɛa kɔlɔn kɛn lɛn tɔn man ke fransi bɔlɔ nɛ: sardoine, topaze, émeraude, escarboucle, lazulite, jaspe, agate, cornaline, améthyste, chrysolithe, béryl, onyx. Ǹ nə́ ǹ kaa kɔn kio zii sii, ziin lɛn nə́ kɔn giulun. Ǹ nə́ kɔlɔ lɛ a gogoonmaa doa sana la. 14Kɔlɔn lɛn nə́ kɔn saa ka Zakɔba a nɛgiĩn lɛn tɔn nɛ, kɔlɔ fulupaa ka ǹ dɔn tɔn lɛn bɛ́ lɔn. Maǹ Izirayeli nɛnyaanan tɔrɔ giala basa fulupaa kɛa sii nyaa ǹ sii lɛa.
15Tìãbii zéwo lɛ ganaa, ǹ nə́ biɛ bɔnboɛɛnɛn zɛnaa, dodoe-n kɔn lɛ ka biɛ pɛnɛɛn bɛ́ lɔn. Ǹ nə́ ǹ zɛnaa ka sana yoreen yoreen ne. 16Ǹ nə́ ǹ da ǹ màn màn paa zɛnaa ka sana nɛ, ka sana kaaran màn paa nɛ, ǹ nə́ kaaranan lɛn doa tìãbii zéwo lɛkoro màn paa kɛ ganaa. 17Ǹ nə́ sana biɛ pɛnɛ kɔn màn paa kɛ doa kaaran màn paa kɛ ganaa, tìãbii zéwo lɛ lɛkoron ganaa. 18Ǹ nə́ tɔ́n biɛ màn paa lɛ lɛkoro doa kɔlɔ màn paa lɛ ganaa. Ǹ nə́ ǹ doa dí nya ǹ mɔnaa a biɛn kɛn lɛn ganaa nyɛɛnɛ. 19Ǹ nə́ sana kaaran màn paa kɔsɔ zɛnaa, ǹ nə́ ǹ doa tìãbii zéwo lɛ a tán a lɛkoro wɔ a gùrù màn paa kɛ ganaa, naa-n dí nya ǹ mɔnaa lɛ ganaa. 20Ǹ nə́ sana kaaran màn paa kɔsɔ dɔ zɛnaa, ǹ nə́ ǹ doa dí nya ǹ mɔnaa lɛ a kũ ǹ biɛn kɛn giala ganaa nyɛɛnɛ, a nimi ǹ bǎã kɛ nɛ. Bɛa kaaranan kɛn lɛn man dɔnkɛ sɔɔbaa ǹ wɔ lɛ lalan. 21Ǹ nə́ tìãbii zéwo lɛ a kaaranan kɛn yii kɔn ka dí nya ǹ mɔnaa kɛ wɔn nɛ, ka biɛ korebore kɔn nɛ. Ǹ nə́ yii ka yɔrɔ kɔn nɛ, màn mɛn bɛ́ toɛ, tìãbii zéwo lɛ sɛ á goɛ̃ dí nya ǹ mɔnaa a wíi biɛ kɛ lalan. Bɛa yɔrɔ kɛ lɛ la, a ba n bibiĩ dí nya ǹ mɔnaa lɛ lalan wa, ka Dɛnaa din bɛ́ á pɛ Muizu-n lɔn.
Mɔnaa kɔsɔ boo
22Bɛ kio, Aarɔn bɛ́ re dɔnkɛ sasa mɛn we dí nya ǹ mɔnaa kɛ giulun, ǹ nə́ bɛ tumaa zɛnaa ka gɛ̀sɛ korebore ne. 23Mìi wɔ ǹ bǎã ke mɔnaa sasa lɛ bii, bɛ na á goã kəkə a ná a lɛnpɛnɛ, a ná a ba toɛ̃ wa. 24A lɛkoron ganaa tán, ǹ nə́ nyaǹ mànan zɛnaa ka da nɛ bɛ́ lɔn, ka gɛ̀sɛ korebore ne, a tã nɛ, ka a tã zenzen ne. 25Ǹ nə́ sana *yoreen toolo bɔnboɛɛnɛn kaa da nɛ nyaǹan lɛn bii, mɔnaa lɛkoro bǎã lɛn nɛ tan, ǹ ná a lɛnpɛnɛ nɛ. 26Sana toolo boɛɛn goon, bɛ kio da nɛ nyaǹ goon, bɛ kio doo sana toolo boɛɛn goon. Ǹ nə́ bɛ zɛnaa mɔnaa lɛ lɛ ganaa, yǎa ǹ ná a lɛnpɛnɛ nɛ. Bɛ n dí nya Kion sonbore kɛ nɛ ǹ mɔnaa lɛa, ka Dɛnaa din bɛ́ á pɛ Muizu-n lɔn.
27Bɛ dɔ kio doo, ǹ nə́ Aarɔn a dɔnkɛ boɛɛn kɛ zɛnaa ka mɔnaa guguru sonbore ne. Mɔnaa-tãli a dí lɛa, Aarɔn laanka a nɛgiĩn wɔ lɛa. 28Ǹ nə́ mìi yii ǹ mɔnaa gɔn zɛnaa, ka bafolon ne, ka bɛ̀rɛ̀n nɛ. Ǹ nə́ ǹ tumaa zɛnaa ka mɔnaa guguru sonbore ne. 29Ǹ nə́ binbin yii ǹ mànan zɛnaa ka mɔnaa guguru sonbore ne, foɛ̃-n ka gɛ̀sɛ tã nɛ, a tã zenzen ne, mɔnaa-fɔ̃li a dí lɛa, ka Dɛnaa din bɛ́ á pɛ Muizu-n lɔn.
30Bɛ kio doo kəni, ǹ nə́ nyaǹ màn zɛnaa ka sana yoreen ne, ka da buũ bɛ́ lɔn, ǹ nə́ kiɛ̃ a ganaa, ka ǹ bɛ́ gòã-kurii diɛ màn ganaa lɔn, "Kɛ n Dɛnaa wɔ lɛa". 31Ǹ nə́ da biɛ korebore ganaa, bɛ goã mìi yii ǹ mɔnaa gɔn kɛ nyɛɛnaan ganaa, ka Dɛnaa din bɛ́ á pɛ Muizu-n lɔn.
Màn lɛ tumaa a kɔ Muizu la boo
32Kɔn yɛ ka Lawa nɛ ǹ Kion lɛ a dí tumaa na á nya kɛnɛn. Izirayeli nɛnyaanan lɛn nə́ dí nya taãn-taãnɛ, ǹ nə́ zɛnaa ka Dɛnaa bɛ́ á pɛ Muizu-n lɔn.
33Izirayeli nɛnyaanan lɛn nə́ daa ka Kion lɛ-n Muizu li:
Mɔnaa Kion lɛ nɛ ka a màn bisinin ni, a karan nɛ, a doa ǹ bàlàn nɛ, a kerekaã ǹ bàlàn nɛ, a gɔn sɔsɔrɔn laanka a giãmala ǹ mànan nɛ;
34a kɔmalɛ mɔnaa kɛ nɛ sère gɔ̀lɔ̀n ki lɛa, ǹ nə́ màn tã kaa la, ka don siĩ ki kəkə wɔ kɛ nɛ, ka a bii kuru kɔn-a ǹ mɔnaa kɛ nɛ;
35 *lɛ kɔ kɔn la ǹ goo lɛ nɛ, a bàlàn nɛ ka a lɛpii ni;
36tabala kɛ nɛ, ka a màn bisinin ni, ka Lawa gɔ ǹ buuru kɛ nɛ;
37sana yoreen bolon da ǹ bǎã kɛ nɛ, a bolonən ne (bolonən lɛn zii boemaa nɛ), a dí nya ǹ màn bisinin ni, ka a lɛ sã ǹ nyɔɔ kɛ nɛ;
38sana *wúlu bɔ ǹ bǎã ke, nyɔɔ tã ǹ wɔ lɛa, ka minin bɔ a koa ǹ nyɔɔ kɛ nɛ, ka màn gìĩ kɔɔ̃n kɛ nɛ tã ǹ wɔ lɛa;
ka mɔnaa kion lɛ a kiɛnlɛ mɔnaa kɛ nɛ;
39wúlu bɔ ǹ bǎã ke zan tã lɛa, ka zan tã tɛmɛ kɛ nɛ, a bàlàn nɛ, ka a màn bisinin tumaa nɛ;
doo kaaraa kɛ nɛ ka a koamala ǹ màn nɛ;
40sumu lɛ a mɔnaa gɔnɔn nɛ, a gɔn sɔsɔrɔn nɛ, a giãmala ǹ mànan nɛ, sumu lɛ a kiɛnlɛ mɔnaa nɛ, a biɛn nɛ, a kiɛ zumiin ni;
a màn bisinin tumaa nɛ, kɔn yɛ ka Lawa nɛ ǹ Kion lɛ a dí nya ǹ mànan lɛa;
41dí nya kion sonbore kɛ nɛ ǹ mɔnaan nɛ, wúlu-bɔle Aarɔn a mɔnaa sonboren kɛn nɛ, ka a nɛgiĩn wɔn kɛn nɛ, ǹ nə́ die ǹ we, ǹ wúlu bɔ nɛ.
42Izirayeli nɛnyaanan lɛn nə́ dí lɛ tumaa nya, ǹ nə́ tele Dɛnaa a boo kɛ tumaa li, á pɛ Muizu ni. 43Muizu nə́ ǹ dí lɛ tumaa yɛ. Á yɛ mà ǹ nə́ nya á kɔnpɛ taãn-taãnɛ ka Dɛnaa a boo pɛ nɛ. Bɛ lɛ taman yii, á Lawa bǐɛ̃ bíi ǹ li.
Currently Selected:
Bɔ bɛ̀rɛbaa nɛ 39: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Bɔ bɛ̀rɛbaa nɛ 39
39
Wúlu-bɔlen mɔnaan
1Mɔnaan mɛnɛn bɛ́ n we, ǹ nə́ dí nyɛɛ ǹ nɛ Kion sonbore kɛ nɛ, ka Aarɔn a wɔ ǹ mɔnaa sonboren kɛn nɛ, ǹ nə́ bɛn zɛnaa ka gɛ̀sɛ korebore ne, a tã nɛ, ka a tã zenzen ne, ka Muizu bɛ́ á pɛ lɔn.
2Á dí nya ǹ mɔnaa lɛ zɛnaa ka mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, a tã nɛ, ka a tã zenzen ne. 3Ǹ sana mɛn dɛ ǹ nə́ nyɔmaa, maǹ nə́ goã gɔn bɔnboɛɛnɛn boe bɛ nɛ, ǹ nə́ we kɔn bii ka mɔnaa guguru sonbore ne, ka gɛ̀sɛ korebore kɛ nɛ, a tã nɛ, ka a tã zenzen ne. Nyaǹ kaa màn-a wolen dí n ka bɛ nɛ. 4Á yii ǹ biɛ màn paa zɛnaa dí nya ǹ mɔnaa lɛ lɛkoron ganaa. Bɛ̀ á n wɔ, a nə n kuĩ ka bɛn nɛ. 5Bɛa yii ǹ biɛn kɛn lɛn man doa-n kɔn ka dí nya ǹ mɔnaa lɛ din ni. Maǹ nə́ ǹ zɛnaa ka a din màn tɔrɔ goon lɛ nɛ: mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, a tã nɛ, a tã zenzen ne, ka Dɛnaa din bɛ́ á pɛ Muizu-n lɔn. 6Ǹ nə́ kɔlɔ sonbore màn paa kɛ a dí nya, ǹ nə́ ǹ doa ka sana nɛ, ǹ nə́ Zakɔba a nɛgiĩn tɔn kiɛ̃ ǹ ganaa. 7Á bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn ganaa. Bɛa kɔlɔn kɛn lɛn man yiri gisĩ sii ni ǹ mànan lɛa Dɛnaa yɔrɔ-a, Izirayeli nɛnyaanan taman yii, ka Dɛnaa bɛ́ á pɛ Muizu-n lɔn.
Tìãbii zéwo
8Bɛ kio kəni, á tìãbii zéwo kɛ zɛnaa, dí doɛ̃ wolen dí lɛa, ka ǹ bɛ́ ǹ nə́ dí nya ǹ mɔnaa kɛ zɛnaa lɔn. Ǹ nə́ zɛnaa ka mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, a tã nɛ, ka a tã zenzen ne. 9Tìãbii zéwo lɛ a paǹ tumaa na á kɔnpɛ. Sɛnɛ, maǹ nə́ timəə, a timəə lɛ gɔ́ɔ̃ nɛ, a sasabaa n gùrù yii talɛɛ, a pəməbaa n guru yii talɛɛ. 10-13Ǹ nə́ kɔlɔ fulupaa sonbore doa a ganaa, kɔlɔ lɛ a gogoonmaa n tɔtɔ ka ǹ miã nɛ.#39.10-13 Bɛa kɔlɔn kɛn lɛn tɔn man ke fransi bɔlɔ nɛ: sardoine, topaze, émeraude, escarboucle, lazulite, jaspe, agate, cornaline, améthyste, chrysolithe, béryl, onyx. Ǹ nə́ ǹ kaa kɔn kio zii sii, ziin lɛn nə́ kɔn giulun. Ǹ nə́ kɔlɔ lɛ a gogoonmaa doa sana la. 14Kɔlɔn lɛn nə́ kɔn saa ka Zakɔba a nɛgiĩn lɛn tɔn nɛ, kɔlɔ fulupaa ka ǹ dɔn tɔn lɛn bɛ́ lɔn. Maǹ Izirayeli nɛnyaanan tɔrɔ giala basa fulupaa kɛa sii nyaa ǹ sii lɛa.
15Tìãbii zéwo lɛ ganaa, ǹ nə́ biɛ bɔnboɛɛnɛn zɛnaa, dodoe-n kɔn lɛ ka biɛ pɛnɛɛn bɛ́ lɔn. Ǹ nə́ ǹ zɛnaa ka sana yoreen yoreen ne. 16Ǹ nə́ ǹ da ǹ màn màn paa zɛnaa ka sana nɛ, ka sana kaaran màn paa nɛ, ǹ nə́ kaaranan lɛn doa tìãbii zéwo lɛkoro màn paa kɛ ganaa. 17Ǹ nə́ sana biɛ pɛnɛ kɔn màn paa kɛ doa kaaran màn paa kɛ ganaa, tìãbii zéwo lɛ lɛkoron ganaa. 18Ǹ nə́ tɔ́n biɛ màn paa lɛ lɛkoro doa kɔlɔ màn paa lɛ ganaa. Ǹ nə́ ǹ doa dí nya ǹ mɔnaa a biɛn kɛn lɛn ganaa nyɛɛnɛ. 19Ǹ nə́ sana kaaran màn paa kɔsɔ zɛnaa, ǹ nə́ ǹ doa tìãbii zéwo lɛ a tán a lɛkoro wɔ a gùrù màn paa kɛ ganaa, naa-n dí nya ǹ mɔnaa lɛ ganaa. 20Ǹ nə́ sana kaaran màn paa kɔsɔ dɔ zɛnaa, ǹ nə́ ǹ doa dí nya ǹ mɔnaa lɛ a kũ ǹ biɛn kɛn giala ganaa nyɛɛnɛ, a nimi ǹ bǎã kɛ nɛ. Bɛa kaaranan kɛn lɛn man dɔnkɛ sɔɔbaa ǹ wɔ lɛ lalan. 21Ǹ nə́ tìãbii zéwo lɛ a kaaranan kɛn yii kɔn ka dí nya ǹ mɔnaa kɛ wɔn nɛ, ka biɛ korebore kɔn nɛ. Ǹ nə́ yii ka yɔrɔ kɔn nɛ, màn mɛn bɛ́ toɛ, tìãbii zéwo lɛ sɛ á goɛ̃ dí nya ǹ mɔnaa a wíi biɛ kɛ lalan. Bɛa yɔrɔ kɛ lɛ la, a ba n bibiĩ dí nya ǹ mɔnaa lɛ lalan wa, ka Dɛnaa din bɛ́ á pɛ Muizu-n lɔn.
Mɔnaa kɔsɔ boo
22Bɛ kio, Aarɔn bɛ́ re dɔnkɛ sasa mɛn we dí nya ǹ mɔnaa kɛ giulun, ǹ nə́ bɛ tumaa zɛnaa ka gɛ̀sɛ korebore ne. 23Mìi wɔ ǹ bǎã ke mɔnaa sasa lɛ bii, bɛ na á goã kəkə a ná a lɛnpɛnɛ, a ná a ba toɛ̃ wa. 24A lɛkoron ganaa tán, ǹ nə́ nyaǹ mànan zɛnaa ka da nɛ bɛ́ lɔn, ka gɛ̀sɛ korebore ne, a tã nɛ, ka a tã zenzen ne. 25Ǹ nə́ sana *yoreen toolo bɔnboɛɛnɛn kaa da nɛ nyaǹan lɛn bii, mɔnaa lɛkoro bǎã lɛn nɛ tan, ǹ ná a lɛnpɛnɛ nɛ. 26Sana toolo boɛɛn goon, bɛ kio da nɛ nyaǹ goon, bɛ kio doo sana toolo boɛɛn goon. Ǹ nə́ bɛ zɛnaa mɔnaa lɛ lɛ ganaa, yǎa ǹ ná a lɛnpɛnɛ nɛ. Bɛ n dí nya Kion sonbore kɛ nɛ ǹ mɔnaa lɛa, ka Dɛnaa din bɛ́ á pɛ Muizu-n lɔn.
27Bɛ dɔ kio doo, ǹ nə́ Aarɔn a dɔnkɛ boɛɛn kɛ zɛnaa ka mɔnaa guguru sonbore ne. Mɔnaa-tãli a dí lɛa, Aarɔn laanka a nɛgiĩn wɔ lɛa. 28Ǹ nə́ mìi yii ǹ mɔnaa gɔn zɛnaa, ka bafolon ne, ka bɛ̀rɛ̀n nɛ. Ǹ nə́ ǹ tumaa zɛnaa ka mɔnaa guguru sonbore ne. 29Ǹ nə́ binbin yii ǹ mànan zɛnaa ka mɔnaa guguru sonbore ne, foɛ̃-n ka gɛ̀sɛ tã nɛ, a tã zenzen ne, mɔnaa-fɔ̃li a dí lɛa, ka Dɛnaa din bɛ́ á pɛ Muizu-n lɔn.
30Bɛ kio doo kəni, ǹ nə́ nyaǹ màn zɛnaa ka sana yoreen ne, ka da buũ bɛ́ lɔn, ǹ nə́ kiɛ̃ a ganaa, ka ǹ bɛ́ gòã-kurii diɛ màn ganaa lɔn, "Kɛ n Dɛnaa wɔ lɛa". 31Ǹ nə́ da biɛ korebore ganaa, bɛ goã mìi yii ǹ mɔnaa gɔn kɛ nyɛɛnaan ganaa, ka Dɛnaa din bɛ́ á pɛ Muizu-n lɔn.
Màn lɛ tumaa a kɔ Muizu la boo
32Kɔn yɛ ka Lawa nɛ ǹ Kion lɛ a dí tumaa na á nya kɛnɛn. Izirayeli nɛnyaanan lɛn nə́ dí nya taãn-taãnɛ, ǹ nə́ zɛnaa ka Dɛnaa bɛ́ á pɛ Muizu-n lɔn.
33Izirayeli nɛnyaanan lɛn nə́ daa ka Kion lɛ-n Muizu li:
Mɔnaa Kion lɛ nɛ ka a màn bisinin ni, a karan nɛ, a doa ǹ bàlàn nɛ, a kerekaã ǹ bàlàn nɛ, a gɔn sɔsɔrɔn laanka a giãmala ǹ mànan nɛ;
34a kɔmalɛ mɔnaa kɛ nɛ sère gɔ̀lɔ̀n ki lɛa, ǹ nə́ màn tã kaa la, ka don siĩ ki kəkə wɔ kɛ nɛ, ka a bii kuru kɔn-a ǹ mɔnaa kɛ nɛ;
35 *lɛ kɔ kɔn la ǹ goo lɛ nɛ, a bàlàn nɛ ka a lɛpii ni;
36tabala kɛ nɛ, ka a màn bisinin ni, ka Lawa gɔ ǹ buuru kɛ nɛ;
37sana yoreen bolon da ǹ bǎã kɛ nɛ, a bolonən ne (bolonən lɛn zii boemaa nɛ), a dí nya ǹ màn bisinin ni, ka a lɛ sã ǹ nyɔɔ kɛ nɛ;
38sana *wúlu bɔ ǹ bǎã ke, nyɔɔ tã ǹ wɔ lɛa, ka minin bɔ a koa ǹ nyɔɔ kɛ nɛ, ka màn gìĩ kɔɔ̃n kɛ nɛ tã ǹ wɔ lɛa;
ka mɔnaa kion lɛ a kiɛnlɛ mɔnaa kɛ nɛ;
39wúlu bɔ ǹ bǎã ke zan tã lɛa, ka zan tã tɛmɛ kɛ nɛ, a bàlàn nɛ, ka a màn bisinin tumaa nɛ;
doo kaaraa kɛ nɛ ka a koamala ǹ màn nɛ;
40sumu lɛ a mɔnaa gɔnɔn nɛ, a gɔn sɔsɔrɔn nɛ, a giãmala ǹ mànan nɛ, sumu lɛ a kiɛnlɛ mɔnaa nɛ, a biɛn nɛ, a kiɛ zumiin ni;
a màn bisinin tumaa nɛ, kɔn yɛ ka Lawa nɛ ǹ Kion lɛ a dí nya ǹ mànan lɛa;
41dí nya kion sonbore kɛ nɛ ǹ mɔnaan nɛ, wúlu-bɔle Aarɔn a mɔnaa sonboren kɛn nɛ, ka a nɛgiĩn wɔn kɛn nɛ, ǹ nə́ die ǹ we, ǹ wúlu bɔ nɛ.
42Izirayeli nɛnyaanan lɛn nə́ dí lɛ tumaa nya, ǹ nə́ tele Dɛnaa a boo kɛ tumaa li, á pɛ Muizu ni. 43Muizu nə́ ǹ dí lɛ tumaa yɛ. Á yɛ mà ǹ nə́ nya á kɔnpɛ taãn-taãnɛ ka Dɛnaa a boo pɛ nɛ. Bɛ lɛ taman yii, á Lawa bǐɛ̃ bíi ǹ li.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.