Bɔ bɛ̀rɛbaa nɛ 38
38
Wúlu bɔ ǹ bǎã
1Bɛ kio, á *wúlu bɔ ǹ bǎã lɛ zɛnaa ka kaasia gɔn nɛ. A sasabaa n gùrù yii sooro, a pəməbaa n gùrù yii sooro. A gùrùn tumaa n goon. A wo lon nə gùrù yii sɔɔ. 2Á bìbìn dɔ a gùrùn wɔkɔnlɛ ǹ bǎã sii kɛ tumaa ganaa, ǹ nə́ doa-n kɔn ka a din ni. A na á zan tã kaa la. 3Á wúlu bɔ ǹ bǎã lɛ a màn bisinin tumaa zɛnaa: ton kaa ǹ tasanan nɛ, ka ton goa ǹ lasan nɛ, mà pɛsɛ̃ ǹ tàanan kɛn nɛ, siĩ fɔ̃ ǹ banbaalanan nɛ ka tɛ nàn kaa ǹ mànan nɛ, bɛa màn bisinin kɛn lɛn, á ǹ zɛnaa ka zan tã nɛ. 4Á tɛmɛ zɛnaa ka zan tã nɛ wúlu bɔ ǹ bǎã lɛ wɔ lɛa, á koa a lɛkiri giulun, bǎã lɛ a lon laanka a tán bii ni. 5Á zan tã yo, á kaaranan zɛnaa fɔlɔ tɛmɛ lɛ lɛkoro sii ganaa, bàlàn wɔ ǹ wɔn lɛa. 6Á bàlàn lɛn zɛnaa ka kaasia gɔn nɛ, á zan tã kaa ǹ la. 7Á bàlàn lɛn wɔ kaaranan lɛn nɛ, wúlu bɔ ǹ bǎã lɛ wàãn ganaa, a gũ ǹ wɔn lɛa. A na á zɛnaa ka gɔn sɛlɛɛn nɛ, a gɔ́ɔ̃ n koo.
8 #
BBN 30.18. Bɛ kio doo, á doo kaara lɛ zɛnaa ka zan tã nɛ, a koamala ǹ màn dɔ n zan tã lɛa. Lɔn mɛnɛn nə́ goã soe-n kɔn kɔn yɛ ka Lawa nɛ ǹ kion lɛ a kiɛnlɛ-a, a na á zɛnaa ka bɛn zan tã damalonən kɛn nɛ.
Sumu lɛ a dɔ ǹ mànan
9Bɛ kio doo kəni, á sumu kɛ zɛnaa. Dia-n woe gusin a lɛ̀gɔn la, sumu gɔn lɛ a mɔnaan man nə́ goã mɔnaa guguru sonbore lɛa, ǹ sasabaa n gùrù yii paabiɛ. 10Ǹ doa ǹ bàlàn man fuə. Ǹ giãmala ǹ mànan dɔn man fuə, ǹ tumaa n zan tã lɛa. Doa ǹ bàlàn lɛn karan laanka ǹ mɔnaan lɔɔ ǹ bàlàn kɛn man wɔrɔgiala lɛa. 11Dia-n woe gɔsɛ a lɛ̀gɔn la, gùrù yii paabiɛ, ka a doa ǹ bàlà fuə kɛ nɛ, ka ǹ giãmala ǹ màn fuə kɛ nɛ, ǹ tumaa n zan tã lɛa. Doa ǹ bàlàn lɛn karan laanka ǹ mɔnaan lɔɔ ǹ bàlàn man wɔrɔgiala lɛa. 12Dia-n woe lɛ̀nyɛɛn la, mɔnaa gɔnɔn lɛn nə́ goã gùrù yii posooro, ka ǹ doa ǹ bàlà fù kɛ nɛ, ka bɛn giãmala ǹ màn fù kɛ nɛ. Doa ǹ bàlàn lɛn karan laanka ǹ mɔnaan lɔɔ ǹ bàlàn kɛn man wɔrɔgiala lɛa. 13Dia-n woe lɛ̀giala la, gùrù yii posooro. 14Kiɛnlɛ lɛ a para goon li, mɔnaa gɔn gùrù yii fulusooro na á goã, ka ǹ doa ǹ bàlà sɔɔ nɛ, ka bɛn giãmala ǹ màn sɔɔ nɛ. 15A para goon kɛ dɔ li, sumu lɛ a kiɛnlɛ paran paanan li, mɔnaa gɔn gùrù yii fulusooro, ka ǹ doa ǹ bàlà sɔɔ nɛ, ka bɛn giãmala ǹ màn sɔɔ nɛ.
16Mɔnaa gɔnɔn mɛnɛn bɛ́ sumu lɛ lɛnpɛnɛ, bɛn man nə́ n zɛnaa ka mɔnaa guguru sonbore ne. 17Doa ǹ bàlàn lɛn giãmala ǹ mànan man zan tã lɛa, ǹ karan laanka ǹ mɔnaan lɔɔ ǹ bàlàn kɛn man wɔrɔgiala lɛa. Ǹ mìin kɛn, wɔrɔ n kaa-n bɛn la. Sumu lɛ a doa ǹ bàlàn kɛn tumaa n doa-n kɔn ka mɔnaan lɔɔ ǹ bàlàn kɛn nɛ, zɛnaa-n ka wɔrɔgiala nɛ. 18Dí doɛ̃ wole sonbore na á sumu lɛ a kiɛnlɛ kɛa mɔnaa zɛnaa ka mɔnaa guguru sonbore ne, foɛ̃-n ka gɛ̀sɛ korebore ne, a tã nɛ, ka a tã zenzen ne. Bɛa kiɛnlɛ mɔnaa lɛ a sasabaa n gùrù yii fuə, a wo lon nə gùrù yii sooro. A pəməbaa lɛ dɔ n ka bɛ nɛ, a n doe sumu lɛ a mɔnaa gɔnɔn mìi la li. 19A doa ǹ bàlà màn sii kɛ laanka ǹ giãmala ǹ màn sii kɛ n zan tã lɛa, ǹ karan kɛn man wɔrɔgiala lɛa, wɔrɔ n kaa nɛ ǹ mìin kɛn laanka ǹ mɔnaan lɔɔ ǹ bàlàn kɛn la. 20Kion lɛ a kiɛ zumiin kɛn tumaa, a laanka a sumu wɔn nɛ, bɛn man zan tã lɛa.
Di nya ǹ mànan kɛn nimii
21Màn mɛn nə n ziziɛ̃ Kion sonbore lɛ ganaa, bɛ á ke. Muizu na á pɛ mà ǹ bɛ nimi: bɛ na á goã Levii tɔrɔ minin kɛn dí lɛa, wúlu-bɔle Aarɔn a nɛgiĩ Itamaara nə́ ǹ mìi la.
22Dɛnaa dí mɛn tumaa kɔ Muizu la, Urii a nɛgiĩ Besaleli na á goã á bɛ nya. Urii mɛn di tɔ bɛ́ á goã Uuru, Zudaa tɔrɔ lɛa. 23Asɛ laanka Dan tɔrɔ min Ayisamaaki a nɛgiĩ Oholiabu n kun. Bɛ na á goã kɔlɔ sonbore sɛlɛli lɛa, ka nyaǹ kaa màn ganaa wole ne, mɔnaa guguru sonbore fɔ̃li ni, ka gɛ̀sɛ-tãli ni, gɛ̀sɛ korebore ne, a tã nɛ, ka a tã zenzen ne.
24Kion sonbore lɛ a dí tumaa nə n nya ka sana lɛ mɛn nɛ, Izirayeli nɛnyaanan nə sana mɛn kɔ ke lɛn: kilo biɛmanangɔrɔ (900) nɛ. Bɛ tumaa na á n zɔɔ̃ kion sonbore kɛa màn zɔɔ̃ ǹ màn li.
25-26 #
BBN 30.11-16. #MAT 17.24. Wɔrɔgiala wɔ paǹ li, zaman lɛ a giĩ tumaa kɔ, a kũ lɛ̀ fuə ganaa a wo nyɛɛn yaa. Min gogoonmaa garamu sooro. A kɔnpɛ minin nimii ni, giĩ duu biɛsɔrɔ ka sɔɔ, ka biɛsooro ka posooro (603 550) na á bɔ. Bɛa kaa-kun nə wɔrɔgiala kilo duu sɔɔ ka fulukiwisi (3 018); a kɔnpɛ ka Kion sonbore lɛ a màn zɔɔ̃ nɛ. 27Maǹ nə́ wɔrɔgiala kilo duu sɔɔ (3 000) kaa, ǹ nə́ doa ǹ bàlàn kɛn giãmala ǹ mànan kɛn zɛnaa nɛ, kion lɛ din wɔn nɛ ka a sumu wɔn nɛ. Kilo duu sɔɔ lɛ na á giãmala ǹ màn paabiɛ zɛnaa, a n goon kilo pɔsɔɔ giãmala ǹ màn goon wɔ lɛa. 28Kilo fulukiwisi gialakun ke, a na á doa ǹ bàlàn lɛn karan kɛn zɛnaa ka bɛ nɛ, á wɔrɔ kaa bàlàn lɛn mìin la, a ǹ dinin doa kɔn ka mɔnaa lɔɔ ǹ bàlàn kɛn nɛ.
29Zan tã mɛn nə n bɔ á n kɔ: kilo duu paa ka biɛpaa (2 200). 30A na á kɔn yɛ ǹ kion lɛ a kiɛnlɛ bàlàn kɛn giãmala ǹ mànan zɛnaa ka bɛa zan tã kɛ nɛ, ka wúlu bɔ ǹ bǎã kɛ laanka a tɛmɛ kɛ nɛ, ka a màn bisinin tumaa nɛ. 31Sumu lɛ a giãmala ǹ mànan nɛ, sumu lɛ a kiɛnlɛ wɔn kɛn nɛ, kion lɛ laanka a sumu a kiɛ zumiin tumaa na á goã bɛa zan tã kɛ lɛ lɛa.
Currently Selected:
Bɔ bɛ̀rɛbaa nɛ 38: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Bɔ bɛ̀rɛbaa nɛ 38
38
Wúlu bɔ ǹ bǎã
1Bɛ kio, á *wúlu bɔ ǹ bǎã lɛ zɛnaa ka kaasia gɔn nɛ. A sasabaa n gùrù yii sooro, a pəməbaa n gùrù yii sooro. A gùrùn tumaa n goon. A wo lon nə gùrù yii sɔɔ. 2Á bìbìn dɔ a gùrùn wɔkɔnlɛ ǹ bǎã sii kɛ tumaa ganaa, ǹ nə́ doa-n kɔn ka a din ni. A na á zan tã kaa la. 3Á wúlu bɔ ǹ bǎã lɛ a màn bisinin tumaa zɛnaa: ton kaa ǹ tasanan nɛ, ka ton goa ǹ lasan nɛ, mà pɛsɛ̃ ǹ tàanan kɛn nɛ, siĩ fɔ̃ ǹ banbaalanan nɛ ka tɛ nàn kaa ǹ mànan nɛ, bɛa màn bisinin kɛn lɛn, á ǹ zɛnaa ka zan tã nɛ. 4Á tɛmɛ zɛnaa ka zan tã nɛ wúlu bɔ ǹ bǎã lɛ wɔ lɛa, á koa a lɛkiri giulun, bǎã lɛ a lon laanka a tán bii ni. 5Á zan tã yo, á kaaranan zɛnaa fɔlɔ tɛmɛ lɛ lɛkoro sii ganaa, bàlàn wɔ ǹ wɔn lɛa. 6Á bàlàn lɛn zɛnaa ka kaasia gɔn nɛ, á zan tã kaa ǹ la. 7Á bàlàn lɛn wɔ kaaranan lɛn nɛ, wúlu bɔ ǹ bǎã lɛ wàãn ganaa, a gũ ǹ wɔn lɛa. A na á zɛnaa ka gɔn sɛlɛɛn nɛ, a gɔ́ɔ̃ n koo.
8 #
BBN 30.18. Bɛ kio doo, á doo kaara lɛ zɛnaa ka zan tã nɛ, a koamala ǹ màn dɔ n zan tã lɛa. Lɔn mɛnɛn nə́ goã soe-n kɔn kɔn yɛ ka Lawa nɛ ǹ kion lɛ a kiɛnlɛ-a, a na á zɛnaa ka bɛn zan tã damalonən kɛn nɛ.
Sumu lɛ a dɔ ǹ mànan
9Bɛ kio doo kəni, á sumu kɛ zɛnaa. Dia-n woe gusin a lɛ̀gɔn la, sumu gɔn lɛ a mɔnaan man nə́ goã mɔnaa guguru sonbore lɛa, ǹ sasabaa n gùrù yii paabiɛ. 10Ǹ doa ǹ bàlàn man fuə. Ǹ giãmala ǹ mànan dɔn man fuə, ǹ tumaa n zan tã lɛa. Doa ǹ bàlàn lɛn karan laanka ǹ mɔnaan lɔɔ ǹ bàlàn kɛn man wɔrɔgiala lɛa. 11Dia-n woe gɔsɛ a lɛ̀gɔn la, gùrù yii paabiɛ, ka a doa ǹ bàlà fuə kɛ nɛ, ka ǹ giãmala ǹ màn fuə kɛ nɛ, ǹ tumaa n zan tã lɛa. Doa ǹ bàlàn lɛn karan laanka ǹ mɔnaan lɔɔ ǹ bàlàn man wɔrɔgiala lɛa. 12Dia-n woe lɛ̀nyɛɛn la, mɔnaa gɔnɔn lɛn nə́ goã gùrù yii posooro, ka ǹ doa ǹ bàlà fù kɛ nɛ, ka bɛn giãmala ǹ màn fù kɛ nɛ. Doa ǹ bàlàn lɛn karan laanka ǹ mɔnaan lɔɔ ǹ bàlàn kɛn man wɔrɔgiala lɛa. 13Dia-n woe lɛ̀giala la, gùrù yii posooro. 14Kiɛnlɛ lɛ a para goon li, mɔnaa gɔn gùrù yii fulusooro na á goã, ka ǹ doa ǹ bàlà sɔɔ nɛ, ka bɛn giãmala ǹ màn sɔɔ nɛ. 15A para goon kɛ dɔ li, sumu lɛ a kiɛnlɛ paran paanan li, mɔnaa gɔn gùrù yii fulusooro, ka ǹ doa ǹ bàlà sɔɔ nɛ, ka bɛn giãmala ǹ màn sɔɔ nɛ.
16Mɔnaa gɔnɔn mɛnɛn bɛ́ sumu lɛ lɛnpɛnɛ, bɛn man nə́ n zɛnaa ka mɔnaa guguru sonbore ne. 17Doa ǹ bàlàn lɛn giãmala ǹ mànan man zan tã lɛa, ǹ karan laanka ǹ mɔnaan lɔɔ ǹ bàlàn kɛn man wɔrɔgiala lɛa. Ǹ mìin kɛn, wɔrɔ n kaa-n bɛn la. Sumu lɛ a doa ǹ bàlàn kɛn tumaa n doa-n kɔn ka mɔnaan lɔɔ ǹ bàlàn kɛn nɛ, zɛnaa-n ka wɔrɔgiala nɛ. 18Dí doɛ̃ wole sonbore na á sumu lɛ a kiɛnlɛ kɛa mɔnaa zɛnaa ka mɔnaa guguru sonbore ne, foɛ̃-n ka gɛ̀sɛ korebore ne, a tã nɛ, ka a tã zenzen ne. Bɛa kiɛnlɛ mɔnaa lɛ a sasabaa n gùrù yii fuə, a wo lon nə gùrù yii sooro. A pəməbaa lɛ dɔ n ka bɛ nɛ, a n doe sumu lɛ a mɔnaa gɔnɔn mìi la li. 19A doa ǹ bàlà màn sii kɛ laanka ǹ giãmala ǹ màn sii kɛ n zan tã lɛa, ǹ karan kɛn man wɔrɔgiala lɛa, wɔrɔ n kaa nɛ ǹ mìin kɛn laanka ǹ mɔnaan lɔɔ ǹ bàlàn kɛn la. 20Kion lɛ a kiɛ zumiin kɛn tumaa, a laanka a sumu wɔn nɛ, bɛn man zan tã lɛa.
Di nya ǹ mànan kɛn nimii
21Màn mɛn nə n ziziɛ̃ Kion sonbore lɛ ganaa, bɛ á ke. Muizu na á pɛ mà ǹ bɛ nimi: bɛ na á goã Levii tɔrɔ minin kɛn dí lɛa, wúlu-bɔle Aarɔn a nɛgiĩ Itamaara nə́ ǹ mìi la.
22Dɛnaa dí mɛn tumaa kɔ Muizu la, Urii a nɛgiĩ Besaleli na á goã á bɛ nya. Urii mɛn di tɔ bɛ́ á goã Uuru, Zudaa tɔrɔ lɛa. 23Asɛ laanka Dan tɔrɔ min Ayisamaaki a nɛgiĩ Oholiabu n kun. Bɛ na á goã kɔlɔ sonbore sɛlɛli lɛa, ka nyaǹ kaa màn ganaa wole ne, mɔnaa guguru sonbore fɔ̃li ni, ka gɛ̀sɛ-tãli ni, gɛ̀sɛ korebore ne, a tã nɛ, ka a tã zenzen ne.
24Kion sonbore lɛ a dí tumaa nə n nya ka sana lɛ mɛn nɛ, Izirayeli nɛnyaanan nə sana mɛn kɔ ke lɛn: kilo biɛmanangɔrɔ (900) nɛ. Bɛ tumaa na á n zɔɔ̃ kion sonbore kɛa màn zɔɔ̃ ǹ màn li.
25-26 #
BBN 30.11-16. #MAT 17.24. Wɔrɔgiala wɔ paǹ li, zaman lɛ a giĩ tumaa kɔ, a kũ lɛ̀ fuə ganaa a wo nyɛɛn yaa. Min gogoonmaa garamu sooro. A kɔnpɛ minin nimii ni, giĩ duu biɛsɔrɔ ka sɔɔ, ka biɛsooro ka posooro (603 550) na á bɔ. Bɛa kaa-kun nə wɔrɔgiala kilo duu sɔɔ ka fulukiwisi (3 018); a kɔnpɛ ka Kion sonbore lɛ a màn zɔɔ̃ nɛ. 27Maǹ nə́ wɔrɔgiala kilo duu sɔɔ (3 000) kaa, ǹ nə́ doa ǹ bàlàn kɛn giãmala ǹ mànan kɛn zɛnaa nɛ, kion lɛ din wɔn nɛ ka a sumu wɔn nɛ. Kilo duu sɔɔ lɛ na á giãmala ǹ màn paabiɛ zɛnaa, a n goon kilo pɔsɔɔ giãmala ǹ màn goon wɔ lɛa. 28Kilo fulukiwisi gialakun ke, a na á doa ǹ bàlàn lɛn karan kɛn zɛnaa ka bɛ nɛ, á wɔrɔ kaa bàlàn lɛn mìin la, a ǹ dinin doa kɔn ka mɔnaa lɔɔ ǹ bàlàn kɛn nɛ.
29Zan tã mɛn nə n bɔ á n kɔ: kilo duu paa ka biɛpaa (2 200). 30A na á kɔn yɛ ǹ kion lɛ a kiɛnlɛ bàlàn kɛn giãmala ǹ mànan zɛnaa ka bɛa zan tã kɛ nɛ, ka wúlu bɔ ǹ bǎã kɛ laanka a tɛmɛ kɛ nɛ, ka a màn bisinin tumaa nɛ. 31Sumu lɛ a giãmala ǹ mànan nɛ, sumu lɛ a kiɛnlɛ wɔn kɛn nɛ, kion lɛ laanka a sumu a kiɛ zumiin tumaa na á goã bɛa zan tã kɛ lɛ lɛa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.