Nya ǹ dín 23
23
1Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»
2Sɛnɛ, min mɛnɛn bɛ́ kunu Pooli ganaa, wúlu-bɔlen kiã Ananiasi pɛ bɛn manɛ, mà ǹ dɛ a lɛ ganaa. Pooli tɔ́n pɛ: 3#MAT 23.27-28. «Lawa n die n din lɛ dii, n din mɛn bɛ́ bɔlɔ paa pɛle lɛa. Ma n giɛ̃ tán kànaa, mà ma n kiri we masɛ ganaa, á kɔnpii ka Dí-pɛn nɛ, a da yaa n nə́ n yii tiɛ̃ bɛa dí-pɛn kɛn lɛn ganaa, n nə́ pii mà ǹ masɛ dɛ.»
4Min mɛnɛn bɛ́ ǹ tán, bɛn nə́ pɛ nɛ: «A n sɔ koe Lawa a wúlu-bɔlen kiã lɛ ganaa?»
5 #
BBN 22.28. Pooli pɛ ǹ nɛ:
– Ma dɔɔ̃nɔn lɛn, ma dɔ̃ máa wúlu-bɔlen kiã-n wa. A giala, a tá kiɛ̃ nɛ sonbore: «N baran sɔ kɔ n tɔrɔ a goledɛnaa kɔ́n-a wa.»
6 #
NDS 26.5; FILI 3.5. Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»
7Pooli din bɛa boo kɛ lɛ da á nya wa, yǎa zia yoo Fariziɛ̃n laanka Sadusɛɛ̃n bii ni, zaman lɛ nə́ n tala kɔn. 8#MAT 22.23; MAR 12.18; LUK 20.27. Sadusɛɛ̃n sɛn man pii, mà sonbore, mà geren yii-kaa banban, mà lon a dia dí-a wolen banban, mà nɔ̀ɔnɔn dɔn banban. Sɛnɛ, Fariziɛ̃n sɛn mà sonbore, mà bɛa sii kɛ lɛ laanka bɛa mànan kɛn lɛn tumaa tan. 9Sɛ-pɛ gole wɔ bǎã lɛ nɛ. Fariziɛ̃n lɛn mɛnɛn bɛ́ landa sii-daraalin dɔn lɛa, bɛn kɔnɔn nə́ yoo ǹ nə́ paraa, ǹ nə́ sonbore kɔ Pooli la: «Wɔsɛn yii ba zɛ̀rɛbaa ǹ sii kɔ́n-a giĩ kɛ ganaa wa. Kɔntan nɔ̀ɔn sonbore hinlaa lon a dia dí-a wole kɔ́n na á boo da nɛ.»
10Zia lɛ bɛ́ baraa koe woe nyɛɛnɛ, sɔraasin goledɛnaa pɛ sɔraasin manɛ, mà ǹ soo ǹ Pooli lɛ bɔ zaman lɛ bii ǹ da-n kion, màn mɛn bɛ́ toɛ, minin lɛn baran babaã kɔn wa.
11Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»
Zuifun nə́ n lɛ kaa kun ǹ nə́ ga Pooli a gɛ̀ li
12Lɛ̀ bɛ́ á waa, Zuifun nə́ n lɛ kaa kun basaã a lɛa. Ǹ nə́ n liɛ, mà ǹsɛn ba màn kɔ́n we ǹ lɛ-n wa, ǹsɛn ba mu mii wa, yǎa ǹsɛn nə doe Pooli ganaa ǹ dii a giɛ̃. 13Min mɛnɛn nə bɛa liɛ kɛ lɛ wɔ, ǹ nə́ là min pusi ni. 14Ǹ nə́ woo wúlu-bɔlen goledɛnan laanka nyɛɛnaandɛnan yaa, ǹ nə́ pɛ bɛn manɛ: «Wɔsɛn man wɔ́ n liɛ taãn-taãnɛ, wáa wɔ ba màn kɔ́n we wɔ lɛ-n wa, yǎa wɔ Pooli dii a giɛ̃. 15Haya, ka n lɛ kaa kun ka kiri-wɔlen lɛn nɛ, ka pɛ sɔraasin goledɛnaa lɛ nɛ, mà a Pooli lɛ bɔ a dia, ǹ na a sii yɔrɔ bɔ taãn-taãnɛ kəni. Wɔsɛn yɔrɔ boemaa nɛ wɔ dɛ, bɛ̀ a baa doe ka li.»
16Sɛnɛ, Pooli ǹ miãnɛn a nɛ bɔ bɛa basaã sii kɛ lɛ siére-a. Á baa si á woo sɔraasin dí nya ǹ kion lɛ nɛ, a ná a yɔrɔ pɛ Pooli ni. 17Pooli lɛ dia sɔraasin kuru mìilandɛnaa goon la, á pɛ nɛ: «Mɛ nɛginin kɛ nyɛɛnɛ n wo ne kaa goledɛnaa li, boo tá a lɛ-n a n die pii ni.»
18Sɔraasin kuru mìilandɛnaa lɛ nɛ lɛ kũ, á woo ne ǹ goledɛnaa lɛ li, á pɛ nɛ: «Kòso nɛ Pooli na á lɛ dia ma la, á pɛ mà ma da ka nɛ kɛ nɛ n li, boo tá a lɛ-n á n die pii n ni.»
19Sɔraasin goledɛnaa lɛ nɛ lɛ kũ a gɔn ganaa, á n zɔ̃ á woo-n tiãlɛa, á nɔ̀n da la: «Wàa boo na a tan n nə́ die pii ma nɛ?»
20Nɛginin lɛ ná a lɛ si: «Zuifun man nə́ n lɛ kaa kun ǹ nə́ pɛ, mà maǹ die n nyankoe, n Pooli dia kiri-wɔlen yɔrɔ-a biɛ̃, mà ǹsɛn man die a sii lɛ gɔsiɛ taãn-taãnɛ. 21N nyan toa ǹ nə n bebele wa. Minin lɛn man gɔn diɛ Pooli ganaa. Ǹ tá re liɛ min pusi ni ǹ nə́ die bɛa dí kɛ lɛ nyɛɛ. Ǹ nə́ n liɛ dinin, mà ǹsɛn ba màn kɔ́n we ǹ lɛ-n wa, yǎa ǹsɛn nə Pooli lɛ dii a giɛ̃. Ǹ nə́ ǹ sii tumaa yɔrɔ bɔ á nya, maǹ nə n yii diɛ n din a lɛ-kɔ la.»
22Sɔraasin goledɛnaa lɛ pɛ nɛ lɛ nɛ: «N baran toa n pɛ min ni, mà ń basaã sii kɛ yɔrɔ pɛ masɛ-n wa.»
Bɛ kio, á zii kɔ nɛginin lɛ la á woo.
Pooli bɔ a wo Sezaaree kiwi
23Sɔraasin goledɛnaa lɛ tɔ́n sɔraasin kuru mìilaǹdɛnaa min paa bíi, á pɛ ǹ nɛ: «Ka sɔraasi biɛpaa (200) yɔrɔ bɔ, ka sùi-dabaali pɔsɔbaa nɛ, ka sɛmiɛ̃-gũli biɛpaa nɛ, ka ǹ dia Sezaaree kiwi tèlò a biikoo sɔɔbaa ǹ wɔ li. 24Ka diimala ǹ màn kɔ́n yɔrɔ bɔ ka Pooli da la, ka wo dɔ-n kii Feliksi li bɛ̀ buun ná a n sã a yii-n wa.»
25Sɔraasin goledɛnaa lɛ sɛ́wɔ kiɛ̃ á pɛ a nɛ:
26«Masɛ Klodusi Liziasi n sɛ́wɔ kɛ diɛ nsɛ kii Feliksi la ma á fòo diɛ n nɛ. 27Giĩ ke ma á diɛ n la ke, Zuifun man nə́ kũ mà maǹ die dii a gã. Ma bɛ́ má a Rɔmu gána minbaa dɔ̃, má pɛ maa sɔraasin manɛ ǹ nə́ si. 28Ma bɛ́ giɛ li ma a zɛ̀rɛbaa ǹ mìi lɛ dɔ̃, má woo ne Zuifun lɛn kiri-wɔlen kuru yɔrɔ-a. 29Má yɛ máa giĩ lɛ a zɛ̀rɛbaa ǹ mìi n doa nɛ ǹ dinin Zuifun landa siin ganaa, sɛnɛ, sã ǹ sii kɔ́n ba a nɛ, á n da kòso-n hinlaa gɛ̀ boe wa. 30Bɛ kio má ma, mà minin man nə́ n lɛ kaa kun, ǹ nə́ giɛ li ǹ dɛ a gã, bɛ lɛ-n má giĩ lɛ dia n la. Má pɛ a zɛ̀rɛ-baalin lɛn nɛ, máa ǹ wo a zɛ̀rɛ baa n din yɔrɔ-a.»
31Tèlò bɛ́ á kɔ, màn mɛn nə n pɛ sɔraasin lɛn nɛ, ǹ nə́ dí nya á kɔnpɛ ka bɛ nɛ, ǹ nə́ woo ka Pooli ni Antipatrisi kiwi. 32A lɛawaa ǹ nə́ sùi-dabaalin lɛn toa ǹ nə́ woo ka Pooli ni nyɛɛnɛ, sɔraasi gòã tɔ-wɔlen kɛn nə́ wusoo, ǹ nə́ daa ǹ dí nya ǹ kion Zeruzalɛmu. 33Sùi-dabaalin lɛn bɛ́ ǹ nə́ dɔ Sezaaree lɔn gɔrɔ, ǹ nə́ sɛ́wɔ lɛ kɔ kii Feliksi la, ǹ nə́ Pooli dɔ wɔ a gɔn. 34Kii Feliksi sɛ́wɔ lɛ pɛ, á nɔ̀n da Pooli la mà a n gána mɛn min lɛa? Pooli ná a lɛ si mà asɛ n Siliisii gána min lɛa. 35Kii lɛ tɔ́n pɛ Pooli ni: «Bɛ̀ n zɛ̀rɛ-baalin nə́ daa, ma á re nɔ̀n diɛ n la ka n bɔlɔ yala nɛ.»
Á pɛ minin manɛ, mà ǹ na a lɛduə̃ Erɔdi a kion.
Currently Selected:
Nya ǹ dín 23: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Nya ǹ dín 23
23
1Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»
2Sɛnɛ, min mɛnɛn bɛ́ kunu Pooli ganaa, wúlu-bɔlen kiã Ananiasi pɛ bɛn manɛ, mà ǹ dɛ a lɛ ganaa. Pooli tɔ́n pɛ: 3#MAT 23.27-28. «Lawa n die n din lɛ dii, n din mɛn bɛ́ bɔlɔ paa pɛle lɛa. Ma n giɛ̃ tán kànaa, mà ma n kiri we masɛ ganaa, á kɔnpii ka Dí-pɛn nɛ, a da yaa n nə́ n yii tiɛ̃ bɛa dí-pɛn kɛn lɛn ganaa, n nə́ pii mà ǹ masɛ dɛ.»
4Min mɛnɛn bɛ́ ǹ tán, bɛn nə́ pɛ nɛ: «A n sɔ koe Lawa a wúlu-bɔlen kiã lɛ ganaa?»
5 #
BBN 22.28. Pooli pɛ ǹ nɛ:
– Ma dɔɔ̃nɔn lɛn, ma dɔ̃ máa wúlu-bɔlen kiã-n wa. A giala, a tá kiɛ̃ nɛ sonbore: «N baran sɔ kɔ n tɔrɔ a goledɛnaa kɔ́n-a wa.»
6 #
NDS 26.5; FILI 3.5. Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»
7Pooli din bɛa boo kɛ lɛ da á nya wa, yǎa zia yoo Fariziɛ̃n laanka Sadusɛɛ̃n bii ni, zaman lɛ nə́ n tala kɔn. 8#MAT 22.23; MAR 12.18; LUK 20.27. Sadusɛɛ̃n sɛn man pii, mà sonbore, mà geren yii-kaa banban, mà lon a dia dí-a wolen banban, mà nɔ̀ɔnɔn dɔn banban. Sɛnɛ, Fariziɛ̃n sɛn mà sonbore, mà bɛa sii kɛ lɛ laanka bɛa mànan kɛn lɛn tumaa tan. 9Sɛ-pɛ gole wɔ bǎã lɛ nɛ. Fariziɛ̃n lɛn mɛnɛn bɛ́ landa sii-daraalin dɔn lɛa, bɛn kɔnɔn nə́ yoo ǹ nə́ paraa, ǹ nə́ sonbore kɔ Pooli la: «Wɔsɛn yii ba zɛ̀rɛbaa ǹ sii kɔ́n-a giĩ kɛ ganaa wa. Kɔntan nɔ̀ɔn sonbore hinlaa lon a dia dí-a wole kɔ́n na á boo da nɛ.»
10Zia lɛ bɛ́ baraa koe woe nyɛɛnɛ, sɔraasin goledɛnaa pɛ sɔraasin manɛ, mà ǹ soo ǹ Pooli lɛ bɔ zaman lɛ bii ǹ da-n kion, màn mɛn bɛ́ toɛ, minin lɛn baran babaã kɔn wa.
11Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»
Zuifun nə́ n lɛ kaa kun ǹ nə́ ga Pooli a gɛ̀ li
12Lɛ̀ bɛ́ á waa, Zuifun nə́ n lɛ kaa kun basaã a lɛa. Ǹ nə́ n liɛ, mà ǹsɛn ba màn kɔ́n we ǹ lɛ-n wa, ǹsɛn ba mu mii wa, yǎa ǹsɛn nə doe Pooli ganaa ǹ dii a giɛ̃. 13Min mɛnɛn nə bɛa liɛ kɛ lɛ wɔ, ǹ nə́ là min pusi ni. 14Ǹ nə́ woo wúlu-bɔlen goledɛnan laanka nyɛɛnaandɛnan yaa, ǹ nə́ pɛ bɛn manɛ: «Wɔsɛn man wɔ́ n liɛ taãn-taãnɛ, wáa wɔ ba màn kɔ́n we wɔ lɛ-n wa, yǎa wɔ Pooli dii a giɛ̃. 15Haya, ka n lɛ kaa kun ka kiri-wɔlen lɛn nɛ, ka pɛ sɔraasin goledɛnaa lɛ nɛ, mà a Pooli lɛ bɔ a dia, ǹ na a sii yɔrɔ bɔ taãn-taãnɛ kəni. Wɔsɛn yɔrɔ boemaa nɛ wɔ dɛ, bɛ̀ a baa doe ka li.»
16Sɛnɛ, Pooli ǹ miãnɛn a nɛ bɔ bɛa basaã sii kɛ lɛ siére-a. Á baa si á woo sɔraasin dí nya ǹ kion lɛ nɛ, a ná a yɔrɔ pɛ Pooli ni. 17Pooli lɛ dia sɔraasin kuru mìilandɛnaa goon la, á pɛ nɛ: «Mɛ nɛginin kɛ nyɛɛnɛ n wo ne kaa goledɛnaa li, boo tá a lɛ-n a n die pii ni.»
18Sɔraasin kuru mìilandɛnaa lɛ nɛ lɛ kũ, á woo ne ǹ goledɛnaa lɛ li, á pɛ nɛ: «Kòso nɛ Pooli na á lɛ dia ma la, á pɛ mà ma da ka nɛ kɛ nɛ n li, boo tá a lɛ-n á n die pii n ni.»
19Sɔraasin goledɛnaa lɛ nɛ lɛ kũ a gɔn ganaa, á n zɔ̃ á woo-n tiãlɛa, á nɔ̀n da la: «Wàa boo na a tan n nə́ die pii ma nɛ?»
20Nɛginin lɛ ná a lɛ si: «Zuifun man nə́ n lɛ kaa kun ǹ nə́ pɛ, mà maǹ die n nyankoe, n Pooli dia kiri-wɔlen yɔrɔ-a biɛ̃, mà ǹsɛn man die a sii lɛ gɔsiɛ taãn-taãnɛ. 21N nyan toa ǹ nə n bebele wa. Minin lɛn man gɔn diɛ Pooli ganaa. Ǹ tá re liɛ min pusi ni ǹ nə́ die bɛa dí kɛ lɛ nyɛɛ. Ǹ nə́ n liɛ dinin, mà ǹsɛn ba màn kɔ́n we ǹ lɛ-n wa, yǎa ǹsɛn nə Pooli lɛ dii a giɛ̃. Ǹ nə́ ǹ sii tumaa yɔrɔ bɔ á nya, maǹ nə n yii diɛ n din a lɛ-kɔ la.»
22Sɔraasin goledɛnaa lɛ pɛ nɛ lɛ nɛ: «N baran toa n pɛ min ni, mà ń basaã sii kɛ yɔrɔ pɛ masɛ-n wa.»
Bɛ kio, á zii kɔ nɛginin lɛ la á woo.
Pooli bɔ a wo Sezaaree kiwi
23Sɔraasin goledɛnaa lɛ tɔ́n sɔraasin kuru mìilaǹdɛnaa min paa bíi, á pɛ ǹ nɛ: «Ka sɔraasi biɛpaa (200) yɔrɔ bɔ, ka sùi-dabaali pɔsɔbaa nɛ, ka sɛmiɛ̃-gũli biɛpaa nɛ, ka ǹ dia Sezaaree kiwi tèlò a biikoo sɔɔbaa ǹ wɔ li. 24Ka diimala ǹ màn kɔ́n yɔrɔ bɔ ka Pooli da la, ka wo dɔ-n kii Feliksi li bɛ̀ buun ná a n sã a yii-n wa.»
25Sɔraasin goledɛnaa lɛ sɛ́wɔ kiɛ̃ á pɛ a nɛ:
26«Masɛ Klodusi Liziasi n sɛ́wɔ kɛ diɛ nsɛ kii Feliksi la ma á fòo diɛ n nɛ. 27Giĩ ke ma á diɛ n la ke, Zuifun man nə́ kũ mà maǹ die dii a gã. Ma bɛ́ má a Rɔmu gána minbaa dɔ̃, má pɛ maa sɔraasin manɛ ǹ nə́ si. 28Ma bɛ́ giɛ li ma a zɛ̀rɛbaa ǹ mìi lɛ dɔ̃, má woo ne Zuifun lɛn kiri-wɔlen kuru yɔrɔ-a. 29Má yɛ máa giĩ lɛ a zɛ̀rɛbaa ǹ mìi n doa nɛ ǹ dinin Zuifun landa siin ganaa, sɛnɛ, sã ǹ sii kɔ́n ba a nɛ, á n da kòso-n hinlaa gɛ̀ boe wa. 30Bɛ kio má ma, mà minin man nə́ n lɛ kaa kun, ǹ nə́ giɛ li ǹ dɛ a gã, bɛ lɛ-n má giĩ lɛ dia n la. Má pɛ a zɛ̀rɛ-baalin lɛn nɛ, máa ǹ wo a zɛ̀rɛ baa n din yɔrɔ-a.»
31Tèlò bɛ́ á kɔ, màn mɛn nə n pɛ sɔraasin lɛn nɛ, ǹ nə́ dí nya á kɔnpɛ ka bɛ nɛ, ǹ nə́ woo ka Pooli ni Antipatrisi kiwi. 32A lɛawaa ǹ nə́ sùi-dabaalin lɛn toa ǹ nə́ woo ka Pooli ni nyɛɛnɛ, sɔraasi gòã tɔ-wɔlen kɛn nə́ wusoo, ǹ nə́ daa ǹ dí nya ǹ kion Zeruzalɛmu. 33Sùi-dabaalin lɛn bɛ́ ǹ nə́ dɔ Sezaaree lɔn gɔrɔ, ǹ nə́ sɛ́wɔ lɛ kɔ kii Feliksi la, ǹ nə́ Pooli dɔ wɔ a gɔn. 34Kii Feliksi sɛ́wɔ lɛ pɛ, á nɔ̀n da Pooli la mà a n gána mɛn min lɛa? Pooli ná a lɛ si mà asɛ n Siliisii gána min lɛa. 35Kii lɛ tɔ́n pɛ Pooli ni: «Bɛ̀ n zɛ̀rɛ-baalin nə́ daa, ma á re nɔ̀n diɛ n la ka n bɔlɔ yala nɛ.»
Á pɛ minin manɛ, mà ǹ na a lɛduə̃ Erɔdi a kion.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.