Números 3
3
Leví ayllumanta
1Sinaí nisqa orqopi Moisesman Señor Dios rimapayasqan tiempopiqa Aaronpa hinallataq Moisespa wawankunaqa kaykunan karanku: 2Aaronpa kurak kaq wawanpa sutinmi karan Nadab. Nadabman qatiqkunañataqmi karanku: Abiú, Eleazar hinallataq Itamar ima. 3Paykunaqa tawantinkun aceitewan llusisqa karanku. Saynapin paykunaqa Señor Diospa *sacerdotenkuna kanankupaq sapaqchasqa karanku. 4Ichaqa Nadabwan hinallataq Abiuwanqa Señor Diospa kamachisqanta mana kasukuspankun, mana autorizasqa kaq *ofrendata k'anaspanku, Sinaí nisqa ch'inñeq desierto lugarpi ofreceranku. Chayraykun paykunaqa Señor Diospa ñawpaqninpi wañuranku. Hinaspapas paykunaqa manaraq wawayoq kashaspankun wañuranku. Chaymi sacerdote Eleazarwan hinallataq sacerdote Itamarllawanñan papanku Aaronta yanapaspanku, Señor Diosta serviranku, papanku Aarón kawsashaqtin.
5Señor Diosmi Moisesta khaynata niran:
6—Leví ayllumanta runakunata kamachiy, sacerdote Aaronman ashuykunankupaq, paypa kamachisqanman hina noqa Señor Diosta serviwanankupaq. 7Paykunan Aaronpa kamachisqanman hina *tabernáculo templopa pationpi serviwanqaku tukuy imaymana ruwanankuta ruwaspanku. Saynapin paykunaqa Israelpa miraynin runakunapa favorninpi llank'anqaku. 8Hinaspapas paykunan cuidanqaku tabernáculo templopa servicionkunatapas. Paykunallataqmi tabernáculo templopa pationpipas tukuy ima ruwanakunata ruwaspa noqa Señor Diosta serviwanqaku, Israelpa miraynin llaqtamasin runakunapa rantinta. 9Saynaqa Leví ayllumanta runakunataqa Aaronpa hinallataq wawankunapa kamachisqanta ruwanankupaqmi churanki. Paykunan Israelpa miraynin runakunamanta noqa Señor Diospaq sapaqchasqa kanqaku. 10Qanmi Aaronta hinallataq wawankunatawan churanki, sacerdote kaspanku, noqa Señor Diosta serviwanankupaq. Ichaqa sichus pipas mana sacerdote kashaspa tabernáculo temploman ashuykunqa chayqa, chay runaqa wañuchisqan kanqa, nispa.
Leví ayllumanta runakuna Señor Diospaq sapaqchasqa kasqankumanta
11Señor Diosmi Moisesta khaynata nillarantaq:
12—Noqa Señor Diosmi Leví ayllumanta runakunataqa akllakurani, Israelpa miraynin runakunapa primer kaq wawankupa rantinta. Chayraykun Leví ayllumanta runakunaqa noqapaq sapaqchasqa kanqaku, 13Israelpa miraynin runakunapa llapallan primer kaq wawankuna noqapaq sapaqchasqa kasqankurayku. Noqaqa Egipto *nacionniyoq runakunapa primer kaq wawankuta wañuchisqay p'unchawmantapachan Israelpa miraynin runakunapa primer kaq wawankutaqa hinallataq animalninkunapa primer kaq uñankunatapas noqapaq sapaqcharani. Noqaqa Señor Diosniykichismi kani, nispa.
Leví ayllumanta runakuna yupasqa kasqankumanta
14Sinaí nisqa ch'inñeq desierto lugarpin Señor Diosqa Moisesta khaynata niran:
15—Leví ayllupa miraynin runakunata censaspa, yupay huk killayoqmanta wichayman kaq llapallan qarikunata. Paykunataqa yupanki mirayninkuman hina hinallataq familiankuman hina, nispa.
16Hinaqtinmi Moisesqa Señor Diospa kamachisqanman hina censaspa yuparan.
17Leviypa wawankunan kaykuna karan: Gersón, Coat hinallataq Merari.
18Gersonpa wawankunan kaykuna karan: Libni hinallataq Simei. Paykunapa llapallan mirayninkunapas Gersonpa mirayninmanmi perteneceranku.
19Coatpa wawankunan kaykuna karan: Amram, Izhar, Hebrón hinallataq Uziel. Paykunapa llapallan mirayninkunapas Coatpa mirayninmanmi perteneceranku.
20Meraripa wawankunan kaykuna karan: Mahli hinallataq Musi. Paykunapa llapallan mirayninkunapas Meraripa mirayninmanmi perteneceranku.
Chay llapallan runakunan Leví ayllumanta karanku mirayninkuman hina.
21Gersonpa mirayninmanmi perteneceranku Libni runapa hinallataq Simei runapa mirayninkunaqa. 22Paykunan huk killayoqmanta wichayman yupasqa karanku 7,500 runakuna. 23Hinaspapas paykunaqa *tabernáculo templopa qepan lawpin carpankuta armakuranku. 24Gersonpa miraynin runakunapa jefenmi karan Lael sutiyoq runapa wawan Eliasaf. 25Gersonpa miraynin runakunan kaykunamanta encargasqa karanku: Tabernáculo templota tapananku tolderamanta, templopa muyuriqninpi cortinakunamanta, templopa punkunpi cortinamanta, 26patiopa muyuriqninpi cortinakunamanta hinallataq patiopa punkunpi cortinamantapas. Chaykunaqa kashan tabernáculo templopa muyuriqninpin hinallataq *altarpa muyuriqninpi ima. Hinaspapas paykunallataqmi encargasqa karanku washk'akunamantapas.
27Coatpa mirayninmanmi perteneceranku Amrampa, Izharpa, Hebronpa hinallataq Uzielpa familiankunaqa. 28Paykunan huk killayoqmanta wichayman yupasqa karanku 8,600 qarikuna. Paykunan tabernáculo templo ukhupi kaqkunata apanankupaq responsable karanku. 29Paykunan carpankuta armakuranku tabernáculo templopa *sur nisqa lawninpi. 30Coatpa miraynin runakunapa jefenmi karan Uziel sutiyoq runapa wawan Elizafán. 31Paykunan apanankupaq kaykunamanta encargasqa karanku: baúl hina *arcamanta, t'anta churananku mesamanta, mechero hina *candelabromanta, altarkunamanta, *sacrificio ofrendata presentaspa utilizasqanku serviciokunamanta, (*Lugar Santisimoman haykunapi kaq) cortinamanta hinallataq chaykunapi tukuy utilizasqanku serviciokunamantapas.
32Leví ayllumanta llapallan runakunapa jefenqa *sacerdote Aaronpa wawan Eleazarmi karan. Payllataqmi tabernáculo templota cuidaq runakunapa jefenqa karan.
33Meraripa wawankunan karan Mahli hinallataq Musi. Paykunapa llapallan mirayninkunapas Meraripa mirayninmanmi perteneceranku. 34Paykunan huk killayoqmanta wichayman yupasqa karanku 6,200 qarikuna. 35Merari sutiyoq runapa mirayninkunapa jefenmi karan Abihail sutiyoq runapa wawan Zuriel. Paykunan carpankuta armakuranku tabernáculo templopa *norte nisqa lawninpi. 36Merari sutiyoq runapa mirayninkunan encargasqa karanku kaykunamanta: Tabernáculo templopa marconkunamanta, pilarninkunamanta, chay pilarkunapa sayanan basekunamanta hinallataq chaykunapi tukuy ima utilizasqanku serviciokunamantapas. 37Saynallataqmi paykunaqa kaykunamanta encargasqa karanku: patiopa muyuriqninpi kaq pilarkunamanta, chay pilarkunapa tiyanan basekunamanta, estacakunamanta hinallataq washk'akunamantapas.
38Intipa lloqsimunan lawpin tabernáculo templopa ñawpaqninpi Moisés, Aarón hinallataq wawankunapas carpankuta armaranku. Paykunan tabernáculo templomanta encargasqa karanku Israelpa miraynin runakunapa rantinta. Pipas mana sacerdote oficioyoq kashaspa, tabernáculo temploman ashuykuqqa wañuchisqan karan.
39Hinaqtinmi Diospa kamachisqanman hina, Moisesqa Aaronpiwan censaspa yuparanku Leví ayllumanta runakunata familiankuman hina. Chaymi Leví ayllumanta runakunaqa huk killayoqmanta wichayman yupasqa karanku 22,000 qarikuna.
Israelpa mirayninmanta primer kaq wawakuna imayna rescatasqa kanankumanta.
40Señor Diosmi Moisesta khaynata niran:
—Israelpa miraynin runakunamantan llapallan primer kaq qari wawakunata censaspa yupanki. Paykunataqa huk killayoqmanta wichayman yupaspaykin, sutinta listaman churanki. 41Hinaspan Israelpa llapallan miraynin runakunapa primer kaq wawankupa rantinta, Leví ayllumanta llapallan runakunata noqa Señor Diospaq sapaqchanki. Saynallataqyá Israelpa miraynin runakunapa animalninkupa rantintapas, Leví ayllumanta runakunapa animalninpa primer kaq uñankunata noqa Señor Diospaq sapaqchanki. Noqaqa Señor Diosniykichismi kani, nispa.
42Hinaqtinmi Moisesqa, Señor Diospa kamachisqanman hina, Israelpa llapallan miraynin runakunapa primer kaq wawankunata censaspa yuparan. 43Chaymi Israelpa mirayninmanta primer kaq llapallan wawakunaqa huk killayoqmanta wichayman yupasqa karanku 22,273 qarikuna.
44Señor Diosmi Moisesta khaynata niran:
45—Israelpa miraynin runakunapa primer kaq wawankupa rantinta Leví ayllumanta runakunata noqa Señor Diospaq sapaqchay. Saynallataqyá Israelpa miraynin runakunapa animalninkunapa rantintapas Leví ayllumanta runakunapa animalninkupa primer kaq uñantapas noqapaq sapaqchay. Leví ayllumanta kaq runakunaqa noqa Señor Diosmanmi pertenecewanku. Noqaqa Señor Diosniykichismi kani. 46Israelpa miraynin runakunapa primer kaq qari wawankuqa ashkallañan kanku. Ichaqa Leví ayllumanta runakunañataqmi pisilla kanku. Chayraykun Israelpa mirayninmanta puchuq 273 runakuna rescatasqa kanankupaq, 47sapankama puchuq runamanta chashkinki pishqa qolqeta templopi pesasqanku medidaman hina. Chay qolqeqa sapankaman llasanan chunka hukniyoq gramota. 48Chay chashkisqayki qolqetan Aaronman hinallataq wawankunamanwan entreganki, saynapi chay puchuq runakuna rescatasqa kanankupaq, nispa.
49Leví ayllumanta runakuna pisilla kasqankuraykun, Israelpa mirayninmanta chay puchuq primer kaq runakuna rescatasqa kanankupaq, 50Moisés chashkiran 1,365 qolqeta. Chaytaqa chashkiran templopi pesananku medidaman hinan. 51Chay qolqetan Moisesqa Aaronman hinallataq wawankunamanwan entregaran, saynapi Israelpa mirayninmanta puchuq runakuna rescatasqa kanankupaq. Chaykunataqa ruwaran Señor Diospa kamachisqanman hinan.
Currently Selected:
Números 3: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Números 3
3
Leví ayllumanta
1Sinaí nisqa orqopi Moisesman Señor Dios rimapayasqan tiempopiqa Aaronpa hinallataq Moisespa wawankunaqa kaykunan karanku: 2Aaronpa kurak kaq wawanpa sutinmi karan Nadab. Nadabman qatiqkunañataqmi karanku: Abiú, Eleazar hinallataq Itamar ima. 3Paykunaqa tawantinkun aceitewan llusisqa karanku. Saynapin paykunaqa Señor Diospa *sacerdotenkuna kanankupaq sapaqchasqa karanku. 4Ichaqa Nadabwan hinallataq Abiuwanqa Señor Diospa kamachisqanta mana kasukuspankun, mana autorizasqa kaq *ofrendata k'anaspanku, Sinaí nisqa ch'inñeq desierto lugarpi ofreceranku. Chayraykun paykunaqa Señor Diospa ñawpaqninpi wañuranku. Hinaspapas paykunaqa manaraq wawayoq kashaspankun wañuranku. Chaymi sacerdote Eleazarwan hinallataq sacerdote Itamarllawanñan papanku Aaronta yanapaspanku, Señor Diosta serviranku, papanku Aarón kawsashaqtin.
5Señor Diosmi Moisesta khaynata niran:
6—Leví ayllumanta runakunata kamachiy, sacerdote Aaronman ashuykunankupaq, paypa kamachisqanman hina noqa Señor Diosta serviwanankupaq. 7Paykunan Aaronpa kamachisqanman hina *tabernáculo templopa pationpi serviwanqaku tukuy imaymana ruwanankuta ruwaspanku. Saynapin paykunaqa Israelpa miraynin runakunapa favorninpi llank'anqaku. 8Hinaspapas paykunan cuidanqaku tabernáculo templopa servicionkunatapas. Paykunallataqmi tabernáculo templopa pationpipas tukuy ima ruwanakunata ruwaspa noqa Señor Diosta serviwanqaku, Israelpa miraynin llaqtamasin runakunapa rantinta. 9Saynaqa Leví ayllumanta runakunataqa Aaronpa hinallataq wawankunapa kamachisqanta ruwanankupaqmi churanki. Paykunan Israelpa miraynin runakunamanta noqa Señor Diospaq sapaqchasqa kanqaku. 10Qanmi Aaronta hinallataq wawankunatawan churanki, sacerdote kaspanku, noqa Señor Diosta serviwanankupaq. Ichaqa sichus pipas mana sacerdote kashaspa tabernáculo temploman ashuykunqa chayqa, chay runaqa wañuchisqan kanqa, nispa.
Leví ayllumanta runakuna Señor Diospaq sapaqchasqa kasqankumanta
11Señor Diosmi Moisesta khaynata nillarantaq:
12—Noqa Señor Diosmi Leví ayllumanta runakunataqa akllakurani, Israelpa miraynin runakunapa primer kaq wawankupa rantinta. Chayraykun Leví ayllumanta runakunaqa noqapaq sapaqchasqa kanqaku, 13Israelpa miraynin runakunapa llapallan primer kaq wawankuna noqapaq sapaqchasqa kasqankurayku. Noqaqa Egipto *nacionniyoq runakunapa primer kaq wawankuta wañuchisqay p'unchawmantapachan Israelpa miraynin runakunapa primer kaq wawankutaqa hinallataq animalninkunapa primer kaq uñankunatapas noqapaq sapaqcharani. Noqaqa Señor Diosniykichismi kani, nispa.
Leví ayllumanta runakuna yupasqa kasqankumanta
14Sinaí nisqa ch'inñeq desierto lugarpin Señor Diosqa Moisesta khaynata niran:
15—Leví ayllupa miraynin runakunata censaspa, yupay huk killayoqmanta wichayman kaq llapallan qarikunata. Paykunataqa yupanki mirayninkuman hina hinallataq familiankuman hina, nispa.
16Hinaqtinmi Moisesqa Señor Diospa kamachisqanman hina censaspa yuparan.
17Leviypa wawankunan kaykuna karan: Gersón, Coat hinallataq Merari.
18Gersonpa wawankunan kaykuna karan: Libni hinallataq Simei. Paykunapa llapallan mirayninkunapas Gersonpa mirayninmanmi perteneceranku.
19Coatpa wawankunan kaykuna karan: Amram, Izhar, Hebrón hinallataq Uziel. Paykunapa llapallan mirayninkunapas Coatpa mirayninmanmi perteneceranku.
20Meraripa wawankunan kaykuna karan: Mahli hinallataq Musi. Paykunapa llapallan mirayninkunapas Meraripa mirayninmanmi perteneceranku.
Chay llapallan runakunan Leví ayllumanta karanku mirayninkuman hina.
21Gersonpa mirayninmanmi perteneceranku Libni runapa hinallataq Simei runapa mirayninkunaqa. 22Paykunan huk killayoqmanta wichayman yupasqa karanku 7,500 runakuna. 23Hinaspapas paykunaqa *tabernáculo templopa qepan lawpin carpankuta armakuranku. 24Gersonpa miraynin runakunapa jefenmi karan Lael sutiyoq runapa wawan Eliasaf. 25Gersonpa miraynin runakunan kaykunamanta encargasqa karanku: Tabernáculo templota tapananku tolderamanta, templopa muyuriqninpi cortinakunamanta, templopa punkunpi cortinamanta, 26patiopa muyuriqninpi cortinakunamanta hinallataq patiopa punkunpi cortinamantapas. Chaykunaqa kashan tabernáculo templopa muyuriqninpin hinallataq *altarpa muyuriqninpi ima. Hinaspapas paykunallataqmi encargasqa karanku washk'akunamantapas.
27Coatpa mirayninmanmi perteneceranku Amrampa, Izharpa, Hebronpa hinallataq Uzielpa familiankunaqa. 28Paykunan huk killayoqmanta wichayman yupasqa karanku 8,600 qarikuna. Paykunan tabernáculo templo ukhupi kaqkunata apanankupaq responsable karanku. 29Paykunan carpankuta armakuranku tabernáculo templopa *sur nisqa lawninpi. 30Coatpa miraynin runakunapa jefenmi karan Uziel sutiyoq runapa wawan Elizafán. 31Paykunan apanankupaq kaykunamanta encargasqa karanku: baúl hina *arcamanta, t'anta churananku mesamanta, mechero hina *candelabromanta, altarkunamanta, *sacrificio ofrendata presentaspa utilizasqanku serviciokunamanta, (*Lugar Santisimoman haykunapi kaq) cortinamanta hinallataq chaykunapi tukuy utilizasqanku serviciokunamantapas.
32Leví ayllumanta llapallan runakunapa jefenqa *sacerdote Aaronpa wawan Eleazarmi karan. Payllataqmi tabernáculo templota cuidaq runakunapa jefenqa karan.
33Meraripa wawankunan karan Mahli hinallataq Musi. Paykunapa llapallan mirayninkunapas Meraripa mirayninmanmi perteneceranku. 34Paykunan huk killayoqmanta wichayman yupasqa karanku 6,200 qarikuna. 35Merari sutiyoq runapa mirayninkunapa jefenmi karan Abihail sutiyoq runapa wawan Zuriel. Paykunan carpankuta armakuranku tabernáculo templopa *norte nisqa lawninpi. 36Merari sutiyoq runapa mirayninkunan encargasqa karanku kaykunamanta: Tabernáculo templopa marconkunamanta, pilarninkunamanta, chay pilarkunapa sayanan basekunamanta hinallataq chaykunapi tukuy ima utilizasqanku serviciokunamantapas. 37Saynallataqmi paykunaqa kaykunamanta encargasqa karanku: patiopa muyuriqninpi kaq pilarkunamanta, chay pilarkunapa tiyanan basekunamanta, estacakunamanta hinallataq washk'akunamantapas.
38Intipa lloqsimunan lawpin tabernáculo templopa ñawpaqninpi Moisés, Aarón hinallataq wawankunapas carpankuta armaranku. Paykunan tabernáculo templomanta encargasqa karanku Israelpa miraynin runakunapa rantinta. Pipas mana sacerdote oficioyoq kashaspa, tabernáculo temploman ashuykuqqa wañuchisqan karan.
39Hinaqtinmi Diospa kamachisqanman hina, Moisesqa Aaronpiwan censaspa yuparanku Leví ayllumanta runakunata familiankuman hina. Chaymi Leví ayllumanta runakunaqa huk killayoqmanta wichayman yupasqa karanku 22,000 qarikuna.
Israelpa mirayninmanta primer kaq wawakuna imayna rescatasqa kanankumanta.
40Señor Diosmi Moisesta khaynata niran:
—Israelpa miraynin runakunamantan llapallan primer kaq qari wawakunata censaspa yupanki. Paykunataqa huk killayoqmanta wichayman yupaspaykin, sutinta listaman churanki. 41Hinaspan Israelpa llapallan miraynin runakunapa primer kaq wawankupa rantinta, Leví ayllumanta llapallan runakunata noqa Señor Diospaq sapaqchanki. Saynallataqyá Israelpa miraynin runakunapa animalninkupa rantintapas, Leví ayllumanta runakunapa animalninpa primer kaq uñankunata noqa Señor Diospaq sapaqchanki. Noqaqa Señor Diosniykichismi kani, nispa.
42Hinaqtinmi Moisesqa, Señor Diospa kamachisqanman hina, Israelpa llapallan miraynin runakunapa primer kaq wawankunata censaspa yuparan. 43Chaymi Israelpa mirayninmanta primer kaq llapallan wawakunaqa huk killayoqmanta wichayman yupasqa karanku 22,273 qarikuna.
44Señor Diosmi Moisesta khaynata niran:
45—Israelpa miraynin runakunapa primer kaq wawankupa rantinta Leví ayllumanta runakunata noqa Señor Diospaq sapaqchay. Saynallataqyá Israelpa miraynin runakunapa animalninkunapa rantintapas Leví ayllumanta runakunapa animalninkupa primer kaq uñantapas noqapaq sapaqchay. Leví ayllumanta kaq runakunaqa noqa Señor Diosmanmi pertenecewanku. Noqaqa Señor Diosniykichismi kani. 46Israelpa miraynin runakunapa primer kaq qari wawankuqa ashkallañan kanku. Ichaqa Leví ayllumanta runakunañataqmi pisilla kanku. Chayraykun Israelpa mirayninmanta puchuq 273 runakuna rescatasqa kanankupaq, 47sapankama puchuq runamanta chashkinki pishqa qolqeta templopi pesasqanku medidaman hina. Chay qolqeqa sapankaman llasanan chunka hukniyoq gramota. 48Chay chashkisqayki qolqetan Aaronman hinallataq wawankunamanwan entreganki, saynapi chay puchuq runakuna rescatasqa kanankupaq, nispa.
49Leví ayllumanta runakuna pisilla kasqankuraykun, Israelpa mirayninmanta chay puchuq primer kaq runakuna rescatasqa kanankupaq, 50Moisés chashkiran 1,365 qolqeta. Chaytaqa chashkiran templopi pesananku medidaman hinan. 51Chay qolqetan Moisesqa Aaronman hinallataq wawankunamanwan entregaran, saynapi Israelpa mirayninmanta puchuq runakuna rescatasqa kanankupaq. Chaykunataqa ruwaran Señor Diospa kamachisqanman hinan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional