Psom 82
82
Bondie Toupwisan, limem pli gran
Psom Asaf.
1Konsey Siprem Lesiel an renion
e Bondie pe prezide;
dan lasanble segner lesiel li donn so zizman.
2“Ziska kan zot pou kontign donn zizman bankal,
e kontign pran par bann ki lor move sime?
3Defann drwa bann pov ek bann orfelin;
donn lazistis bann ti-dimoun ek bann ki peyna nannye.
4Vinn osekour bann feb ek bann pov.
Tir zot dan lame bann move dimoun. “
5Zot pa konn nannye, zot pa konpran nannye,
zot pe mars ataton dan lobskirite koripsion,
e fondasion later pe sakouye.
6Mo finn dir zot, “Zot bann ti bondie dan lesiel.
Zot dan famiy Bondie Pli Lao, zot tou;
7e pourtan, zot pou fini kouma bann mortel;
zot lavi pou fini kouma ninport ki sinp sef lor later. “
8Vini Bondie, vinn ziz nou liniver,
tou bann nasion pou twa, anba to lotorite.
Currently Selected:
Psom 82: KMOTPOR
Highlight
Copy
Compare
Share
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
