Psom 54
54
Bondie protez nou kont nou ennmi
Pou sef koral. Avek instriman lakord. Enn Psom David ler bann Zifit ti al dir Sail, “David pe kasiet parmi nou. “
1Bondie, sov mwa par to nom;
rann zistis dan mo faver par to pwisans.
2Ekout mo lapriyer, Bondie;
tann parol ki mo pe dir.
3Enn group dimoun insolan pe atak mwa;
bann dimoun swaf disan pe vinn pou touye.
Zot pa pran Bondie kont ditou.
4Bondie limem mo sekour;
LESEGNER limem mo soutien.
5Li pou tourn zot lemal kont zotmem.
Dan to fidelite, fini zot.
6SEGNER, avek enn bon leker mo pou ofer sakrifis;
mo pou dir twa mersi parski sa li bon.
7Parski li finn delivre mwa dan mo detres.
Dan laviktwar mo get defet mo bann ennmi.
Currently Selected:
Psom 54: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
