Proverb Introdiksion
Introdiksion
Sa liv-la, li enn koleksion bann proverb ek lansegnman lor lasazes. Boukou sa bann lansegnman-la konsern lavi moral ek ena ki konsern lavi relizie. Zot explike kouma pou viv lavi sak zour. Liv-la pa konsern zis enn kalite dimoun oubien enn relizion; li pa koz lor zistwar ek lavenir Pep Izrael. Tou dimoun kapav met an pratik sa bann lansegnman-la. So bann mesaz iniversel e zot ed dimoun viv bien.
Liv-la gagn so tit atraver so premie mo an Ebre “Misle.” Mo la vinn depi enn rasinn, “Mashal,” ki vedir “Bann Proverb.” Liv-la servi boukou langaz poetik, alor, kapav dir ki li enn liv poetik. Sa kalite langaz-la ti bien popiler dan Lansien Orian. Li ti inportan pou bann dimoun partaz zot bann lexperyans lavi ar bann zenerasion ki vinn apre.
Liv Proverb rapel dimoun, ki si zot oule vinn saz, zot bizin avan tou ena respe pou Bondie.
Currently Selected:
Proverb Introdiksion: KMOTPOR
Highlight
Copy
Compare
Share
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.