Zenez 48
48
Zakob beni bann garson Zozef
1Enn zour, Zozef gagn nouvel ki so papa malad. Li pran so de garson, Manase ek Efraim, e li al get so papa. 2Bannla dir Zakob ki Zozef finn vinn get li. Li fer enn gran zefor e li asiz lor so lili. 3Li dir Zozef: “Bondie Toupwisan ti aparet avek mwa dan Louz, dan pei Kanaan. Li ti beni mwa. 4Li ti dir mwa: ‘Mo pou donn twa boukou desandan. To pou vinn anset enn gran nasion. Mo pou donn to bann desandan sa pei la pou touzour.’”
5Zakob azoute: “To finn gagn de garson dan Lezip avan ki mo vinn kot twa. Zordi mo konsider Efraim ek Manase kouma mo prop zanfan, parey kouma Riben ek Simeon. 6Bann zanfan ki to pou gagne apre zot, pou res pou twa. Zot ava gagn enn par dan teritwar zot de gran frer. 7Enn zour, mo ti pe sorti Padann-Aram, pou al Efrata dan Kanaan. Zis avan nou ti ariv laba, to mama Rasel ti mor divan mwa. Mo ti anter li laba, dan bor larout Efrata, setadir Betleem.” 8Lerla, lizie Zakob tap lor bann zanfan Zozef. Li dimande: “Pou ki sa bann zanfan la?” 9Zozef reponn so papa: “Mo de garson ki Bondie finn donn mwa isi, dan Lezip.” Zakob dir li: “Fer zot koste ar mwa, pou mo beni zot.” 10Zakob vie, e li pa trouv bien kler. Zozef fer so de garson koste ar li. Zakob ser zot dan so lebra e li anbras zot. 11Lerla, li dir Zozef: “Mo pa ti krwar si enn zour mo pou retrouv twa. Me Bondie finn permet mwa trouv to bann zanfan osi.” 12Zozef tir so bann garson lor zenou so papa. Lerla, li prostern divan so papa. 13Apre, li trap lame so de garson. Efraim dan so lame drwat, kote gos Zakob. Manase dan so lame gos, kote drwat Zakob. Zozef fer zot apros ar Zakob ankor enn fwa. 14Me kan Zakob beni zot, li fer so lame krwaze. Li poz so lame drwat lor latet Efraim ki pli zenn. E li poz so lame gos lor latet Manase ki pli gran. 15Lerla, li beni Zozef par sa bann parol la:
“Bondie ki mo granper Abraam ek mo papa Izaak ti adore,
Bondie ki finn touzour mo berze depi ki mo finn ne ziska zordi,
16e anz ki finn tir mwa dan tou danze,
beni sa de zanfan la!
Zot ava gard mo nom vivan,
Parey kouma nom mo granper Abraam,
ek mo papa Izaak.
Bondie ava donn zot boukou desandan lor later.”
17Zozef remarke ki so papa finn met so lame drwat lor latet Efraim. Li pa kontan. Li trap lame drwat so papa pou met lor latet Manase. 18Li dir so papa: “To pe fer erer, papa! Ala pli gran la isi. Met to lame drwat lor so latet.” 19Me so papa refize, e dir li: “Mo kone kisannla pli gran mo garson. Bann desandan Manase pou vinn enn gran pep. Me Efraim pou vinn pli gran ki li. So bann desandan pou form plizir nasion.” 20Sa zour la, Zakob donn zot so benediksion e li dir:
“Bann Izraelit pou servi zot nom pou pronons bann benediksion.
Zot pou dir:
‘Bondie beni twa,
Kouma li ti beni Efraim ek Manase.’”
Ala ki manier Zakob sit nom Efraim avan Manase. 21Apre sa, li dir Zozef: “Mo ler pre pou arive. Me Bondie pou avek zot. Li pou fer zot retourn dan pei mo bann anset. 22Mwa, mo donn twa enn pli gran par ki to bann frer. Mo donn twa rezion Sikem. Mo ti pran sa lavil la avek bann Amorit par lafors mo lepe ek mo fles.”
Currently Selected:
Zenez 48: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 48
48
Zakob beni bann garson Zozef
1Enn zour, Zozef gagn nouvel ki so papa malad. Li pran so de garson, Manase ek Efraim, e li al get so papa. 2Bannla dir Zakob ki Zozef finn vinn get li. Li fer enn gran zefor e li asiz lor so lili. 3Li dir Zozef: “Bondie Toupwisan ti aparet avek mwa dan Louz, dan pei Kanaan. Li ti beni mwa. 4Li ti dir mwa: ‘Mo pou donn twa boukou desandan. To pou vinn anset enn gran nasion. Mo pou donn to bann desandan sa pei la pou touzour.’”
5Zakob azoute: “To finn gagn de garson dan Lezip avan ki mo vinn kot twa. Zordi mo konsider Efraim ek Manase kouma mo prop zanfan, parey kouma Riben ek Simeon. 6Bann zanfan ki to pou gagne apre zot, pou res pou twa. Zot ava gagn enn par dan teritwar zot de gran frer. 7Enn zour, mo ti pe sorti Padann-Aram, pou al Efrata dan Kanaan. Zis avan nou ti ariv laba, to mama Rasel ti mor divan mwa. Mo ti anter li laba, dan bor larout Efrata, setadir Betleem.” 8Lerla, lizie Zakob tap lor bann zanfan Zozef. Li dimande: “Pou ki sa bann zanfan la?” 9Zozef reponn so papa: “Mo de garson ki Bondie finn donn mwa isi, dan Lezip.” Zakob dir li: “Fer zot koste ar mwa, pou mo beni zot.” 10Zakob vie, e li pa trouv bien kler. Zozef fer so de garson koste ar li. Zakob ser zot dan so lebra e li anbras zot. 11Lerla, li dir Zozef: “Mo pa ti krwar si enn zour mo pou retrouv twa. Me Bondie finn permet mwa trouv to bann zanfan osi.” 12Zozef tir so bann garson lor zenou so papa. Lerla, li prostern divan so papa. 13Apre, li trap lame so de garson. Efraim dan so lame drwat, kote gos Zakob. Manase dan so lame gos, kote drwat Zakob. Zozef fer zot apros ar Zakob ankor enn fwa. 14Me kan Zakob beni zot, li fer so lame krwaze. Li poz so lame drwat lor latet Efraim ki pli zenn. E li poz so lame gos lor latet Manase ki pli gran. 15Lerla, li beni Zozef par sa bann parol la:
“Bondie ki mo granper Abraam ek mo papa Izaak ti adore,
Bondie ki finn touzour mo berze depi ki mo finn ne ziska zordi,
16e anz ki finn tir mwa dan tou danze,
beni sa de zanfan la!
Zot ava gard mo nom vivan,
Parey kouma nom mo granper Abraam,
ek mo papa Izaak.
Bondie ava donn zot boukou desandan lor later.”
17Zozef remarke ki so papa finn met so lame drwat lor latet Efraim. Li pa kontan. Li trap lame drwat so papa pou met lor latet Manase. 18Li dir so papa: “To pe fer erer, papa! Ala pli gran la isi. Met to lame drwat lor so latet.” 19Me so papa refize, e dir li: “Mo kone kisannla pli gran mo garson. Bann desandan Manase pou vinn enn gran pep. Me Efraim pou vinn pli gran ki li. So bann desandan pou form plizir nasion.” 20Sa zour la, Zakob donn zot so benediksion e li dir:
“Bann Izraelit pou servi zot nom pou pronons bann benediksion.
Zot pou dir:
‘Bondie beni twa,
Kouma li ti beni Efraim ek Manase.’”
Ala ki manier Zakob sit nom Efraim avan Manase. 21Apre sa, li dir Zozef: “Mo ler pre pou arive. Me Bondie pou avek zot. Li pou fer zot retourn dan pei mo bann anset. 22Mwa, mo donn twa enn pli gran par ki to bann frer. Mo donn twa rezion Sikem. Mo ti pran sa lavil la avek bann Amorit par lafors mo lepe ek mo fles.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.