Psom 111
111
Lesegner Bondie li manifik
1Alelouya, nou sant louanz LESEGNER!
Depi profonder mo leker mo pou dir LESEGNER mersi
dan lasanble bann fidel, divan tou dimounn.
2LESEGNER finn fer bann aksion extraordiner;
tou dimounn ki admir so bann explwa reflesi lor la.
3Tou seki Lesegner fer, reyone ar loner ek mazeste.
So drwatir li eternel.
4Li pa les nou bliye so bann explwa extraordiner.
LESEGNER ranpli ar bonte ek konpasion.
5Li nouri bann ki rekonet so grander;
zame li pa renie so lalians.
6Li finn montre so pep ki kalite pwisan so pouvwar ete
ler li konfiske later bann infidel pou donn so prop pep.
7Tou seki li fer, gouverne par fidelite ek lazistis;
kapav fer konfians so bann instriksion.
8Zot eternel parski zot baze lor
laverite ek drwatir.
9Li ti donn so pep liberasion
e ti fer enn lalians eternel ar zot.
Li vre Bondie, li sin, li redoutab.
10Rekonet lotorite LESEGNER
samem koumansman lasazes;
tou seki pratik sa, montre zot ena bon zizman.
Louanz LESEGNER li pou eternel.
Currently Selected:
Psom 111: KMNT
Highlight
Copy
Compare
Share
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
