Mk ENAITURUK
ENAITURUK
Ore embuku natisira MARKO neiteru too rorei oojo “Ilomon supati le Yesu Kristo, Enkerai e Nkai.” Eitodoluaki Yesu tene anaa oltung'ani loo iasat oota engolon. Edoli engolon enye te nkiteng'enare enye te nkitoria enye naitore iloiriruani o empalakinoto napalaki iltung'ana ing'ok. Eibalie Yesu kewan anaa Enkerai e Tunga'ani naewuo aishoru enkishui enye pee elaku iltung'ana too ng'ok.
Eibalie Marko enkatini e Yesu te nkoitoi naibala tukul, te ngolon oleng, too mbaa naataasa Yesu, alang too rorei lenyena te nkiteng'enare. Ore peyie elimu te ndorropo imbaa naaipirta Yohana Olaibatisani o enkibatisa o entemata e Yesu, eutu aitasieku olaigeroni esiaai e Yesu eishiunye olorere o eiteng'enisho. Ore peyie enyikaa erishata, eetuo ilooiteng'eni le Yesu aaning'u ninye aaibalie, kake ore lelo oogilunore Yesu neitoki aaku torrok oleng. Ore imatuan naabayie ena buku nelimu imbaa naaipirare Yesu te wiki nabayie e siaai enye nataasa te nkop, aa keeya enye o empiunoto enye.
Ore inkiting'ot are e Marko naautuno tena ng'adunoto: naa kedoli anaa likae tung'ani oigero leme Marko.
Iorot oo Matuan
Enkiterunoto oo lomon supati 1.1-13
Esiaai e Yesu te Galilaya 1.14–9.50
Eiteru te Galilaya o meshomo Yerusalem 10.1-52
Ewiki nabayie tiatua o tembata e Yerusalem 11.1–15.47
Empiunoto e Yesu 16.1-8
Enkipang'akinoto o enkilepata o Laitoriani otopiwuo 16.9-20
Currently Selected:
Mk ENAITURUK: SINYATI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
©Bible Society of Tanzania, 2020