Amo 3
3
1Entoning'o ele ororei laa ninye eiroro Olaitoriani tialo intae: lo tung'ana le Israel, tialo ilo marei pooki apa ailepunye nanu aitayu tiatua enkop e Misiri. 2“Intae ake atayiolo nanu, too lmareita pooki le nkop; neaku kaitame nanu intae te ntorroni inyi pooki.”
Esiaai o loiboni le Nkai
3Amaa keiriamari iltung'ana oare te nebo te neitu ening'o?
4Amaa, Keikurrukur olng'atuny te ntim eitu ninye eibung toki, Keikurrukur olkuoo lo lng'atuny te nkapune enye meeta ninye toki?
5Amaa kedoiki emotonyi orreshet te nkop eitu epikakini ninye orreshet? Kegamisho irresheta te nkop eitu eibung toki?
6Amaa keoshi entarumpeta te nkanasa nemeirut iltung'ana? Kejing entorroni enkanasa te neme Olaitoriani oyaua?
7Esipa meeta enaas Olaitoriani Enkai, eitu eibalunye enkisudoroto enye too sinkan lenyena, lelo oibonok lenyena.
8“Eikurrukurro olng'atuny; ai ng'ae lemeureishoyu: Eiroro Olaitoriani Enkai; aing'ae lemeibonisho?”
Enkidaata e Samaria
9Enosai too sempewueti te Asiria, o too sempewueti tiatua enkop e Misiri, nijojo, “Enturrurroto maate te nchumata oldoinyo le Samaria, eng'ura embuakunoto o lkiyioi tiatua ninye o enkitorogonyare tiatua ninye.” 10“Meyiolo ninche eneiko teneas esipata.” Olaitoriani ojo. “Kulo ooshum ilchumat le ntorroni e nkikonya too sempewueti lenye.” 11Neaku nji ejo Olaitoriani Enkai: “Kelotu olmang'atinta airin enkop neibung imasaa nimitunyenye ate neraya intokitin naatii isempewueti linyi.”
12Nji ejo Olaitoriani: “Ore anaa enasaru olchekut loo ntare nkejek are aashu endung'oti e nkiok te nkutuk olng'atuny, naatelekua olng'atuny neijia etiu iltung'ana le Israel oomanya Samaria ilkuti ake ooleku, eeta embelati o lorika o enchoto e rruat.”
13“Entoning naa, ninchakenokiki enkaji e Yakobo” Olaitoriani Enkai, Enkai oo lororani, ojo. 14#2 Int 23.15 “Nchere te ina olong naitame nanu Israel te nkitarruorroto enye, naa kaitame nanu ilperereni loo lasarri le Betel, ore mouarak o lperere lo lasar nedung'ori nesulakini enkop. 15Kagil nanu enkaji e nkata enkirobi o enkaji enkata enkirouaj; ore nkajijik naaikodo too lala loo lkanchaoni nerruoyo, ore nkajijik kituaak neidaaya,” Olaitoriani ojo.
Currently Selected:
Amo 3: SINYATI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
©Bible Society of Tanzania, 2020
